2,798 Views
චීනයට යන්න ගිය ගමනට WHO එකට බාධා කළේ කවුද...?
කොවිඩ් - 19 වසංගතයේ මූලාරම්භය පිළිබඳ විමර්ශනය ආරම්භ කිරීම සඳහා ලෝක සෞඛ්‍ය සංවිධානයේ කණ්ඩායමක් චීනයේ වූහාන් නගරය වෙත පැමිණ තිබේ.
මෙම විමර්ශනය සඳහා අවස්ථාව හිමිවූයේ ලෝක සෞඛ්‍ය සංවිධායනය සහ බීජිං අතර පැවැති දීර්ඝ සාකච්ඡාවලින් අනතුරුවය.
විද්‍යාඥයන් 10 දෙනකුගෙන් යුත් මෙම පර්යේෂණ කණ්ඩායම වසංගතය ආරම්භ වීමට සම්බන්ධ පර්යේෂණ ආයතන, රෝහල් සහ මත්ස්‍ය වෙළෙඳසලේ පුද්ගලයන් සමඟ සාකච්ඡා පැවැත්වීමට නියමිතය.
කොරෝනා වයිරසය මුලින්ම හදුනා ගැනුණේ 2019 වසරේ මධ්‍යම චීනයේ, වූහාන් නගරයෙනි. පර්යේෂණ කටයුතු ආරම්භ කිරීමට ප්‍රථම මෙම පර්යේෂණ කණ්ඩායම සති දෙකක කාලයක් නිරෝධායනය වනු ඇත.
මේ මස මුලදී ඇතිවූ යම් බාධා හේතුවෙන් පර්යේෂකයන් චීනයට ඇතුළුවීම ප්‍රතික්ෂේප කළ බව ලෝක සෞඛ්‍ය සංවිධානය සඳහන් කළේය.
එහෙත් චීනය කියා සිටියේ එය වරදවා වටහා ගැනීමක් බවත් විමර්ශනය සඳහා වන කටයුතු තවමත් සාකච්ඡා කරමින් සිටින බවත්ය.
චීනය දිගින් දිගටම කියා සිටියේ කොරෝනා පළමු පොකුර වූහාන් නගරයෙන් හදුනා ගැනුණද වයිරසය ඇති වූයේ වූහාන් නගරයෙන් නොවන බවය.
තාරක සම්මාන්
මෙම ලිපියේ සම්පූර්ණ උපුටා ගැනීම "මව්බිම" පුවත්පතෙන්...
Make a Comment
Make a Comment
මෙන්න බලන්න තවත් ගොසිප්
Hot Gossip
Recent Gossip Post
නැගලා යන ගොසිප්
