6,387 Views
පර්යේෂණ සිදු කිරීමට පියවර ගත් හැටි මෙන්න...
කොවිඞ් මර්ධනය සඳහා කෑගල්ලේ දේශිය වෛද්‍යවරයකු විසින් නිපදවූ ඖෂධය පිළිබඳව සෞඛ්‍ය අමාත්‍ය පවිත්‍රාදේවි වන්නිආරච්චිගේ සහ රාජ්‍ය අමාත්‍යවරුන් පස්දෙනෙකුගේ සහභාගිත්වයෙන් අද (02) විශේෂ සාකච්ඡාවක් පවැත්වුණා.
බත්තරමුල්ලේ පිහිටි සෞඛ්‍ය අමාත්‍යාංශයේදී පැවති මෙම සාකච්ඡාවට අදාළ ඖෂධය නිර්මාණය කළ දේශීය වෛද්‍ය ධම්මික බණ්ඩාරද එක්ව සිටියා.
කොරෝනා වෛරසය මැඩපැවැත්විය හැකි දේශීය ඖෂධයක් නිෂ්පාදනය කිරීමට කෑගල්ල ප්‍රදේශයේ පදිංචි ආයුර්වේද වෛද්‍ය ධම්මික බණ්ඩාර සමත් වූ අතර බටහිර වෛද්‍යවරුන් කණ්ඩායමකගේ මැදිහත් වීමෙන් ඒ පිළිබඳව මූලික පරීක්ෂණයක්ද සිදු කෙරුණා.
වතුපිටිවල කොවිඞ් 19 ප්‍රතිකාර මධ්‍යස්ථානයේ සිටින ස්වෙච්ඡාවෙන් ඉදරිපත් වූ රෝගීන් සඳහා එම ඖෂධය ලබාදෙමින් පරීක්ෂණ සිදු කෙරුණු අතර ඒ පිළිබඳව අප හිරු ප්‍රවෘත්ති ඔස්සේ පසුගියදා පෙන්වා දුන්නා.
ඊයේ ජනාධිපති ගෝඨාභය රාජපක්ෂගේ ප්‍රධනත්වයෙන් රැස්වූ කොවිඞ් මර්ධන කාර්ය සාධක බලකායේදී මෙම ඖෂධය පිළිබඳ සාකච්ඡාවට ලක් වී ඇති අතර ජනාධිපතිවරයා එහිදී උපදෙස් ලබා දී ඇත්තේ මෙම ඖෂධය සම්බන්ධයෙන් විධිමත් පරීක්ෂණයක් සිදුකරන ලෙසයි.
ඒ අනුව මේ සම්බන්ධයෙන් සාකච්ඡා කිරීම සඳහා විශේෂ සාකච්ඡාවක් අද පස්වරු 2.00 ට සෞඛ්‍ය අමාත්‍යංශයේදී පැවැත්වුණා.
මෙම ඖෂධය ශ්‍රී ලංකාවට මෙන්ම මුළු ලොවටම ලබාදීමට නම් විද්‍යානුකූල ක්‍රමවේදයන්ට අනුකූලව පර්යේෂණ සිදුකළ යුතු බවත්, ඒ සම්බන්ධයෙන් යෝජනා මාලාවක් සකස් කළ යුතු බවත් මෙහිදී සෞඛ්‍ය අමාත්‍යවරිය පෙන්වා දී තිබෙනවා.
එම යෝජනා මාලාව කඩිනමින් සකස් කිරීම සඳහා විද්වත් කමිටුවක් පත්කරන ලද අතර, එහි සභාපතීත්වය සඳහා මහාචාර්ය සේනක පිලපිටිය පත්කළා.
මේ අතර, අද දිනයේදී ආසාදිතයින් 487 දෙනෙකු සම්පූර්ණයෙන්ම සුවය ලබා පිටව යෑමත් සමඟ සුවය ලැබූ සමස්ත කොරෝනා ආසාදිතයින්ගේ සංඛ්‍යාව 18,000 සීමාව ඉක්මවා ගියා.
ඒ අනුව සුවය ලබා ඇති සමස්ත ආසාදිතයින්ගේ සංඛ්‍යාව 18,304 ක්.
එසේම, අද දිනයේදී තවත් කොරෝනා ආසාදිතයින් 350 දෙනෙකු හඳුනාගත් බව යුද හමුදාපති ලුතිනන් ජෙනරාල් ශවේන්ද්‍ර සිල්වා ප්‍රකාශ කළා.
ඔවුන් සියලු දෙනා මීට පෙර හඳුනාගත් ආසාදිතයින්ගේ ආශ්‍රිතයින්.
මේ අතර, දුම්රියේ ගමන් කරන මගීන්ගේ තොරතුරු සහ ආසන නිශ්චිත අයුරින් වෙන් නොකිරීම හේතුවෙන් දුම්රිය දෙපාර්තමේන්තුව ආශ්‍රිතව කොරෝනා පොකුරක් නිර්මාණය වීමේ අවදානමක් පවතින බවට දුම්රිය ස්ථානාධිපතිවරුන්ගේ සංගමය චෝදනා කරනවා.
Make a Comment
Make a Comment
මෙන්න බලන්න තවත් ගොසිප්
Hot Gossip
Recent Gossip Post
නැගලා යන ගොසිප්
