Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Nov
28
“..දොරට තට්ටු කරලා මම කිව්වා, බය වෙන්න එපා ‍දොර අරින්න. අපි ඔයාලට කරදරයක් කරන්නේ නැහැ. දැන් ප්‍රශ්නෙ ඉවරයි, කියලා...” - කාගෙත් ඇස් වසා සකුරා මලකට පෙම් කළ, අපේ රටේ 23 හැවිරිදි තරුණයාගේ ආදර කතාව අවසානයේ සිදුවූ දේ මෙන්න

- “..දොරට තට්ටු කරලා මම කිව්වා, බය වෙන්න එපා ‍දොර අරින්න. අපි ඔයාලට කරදරයක් කරන්නේ නැහැ. දැන් ප්‍රශ්නෙ ඉවරයි, කියලා...” - කාගෙත් ඇස් වසා සකුරා මලකට පෙම් කළ, අපේ රටේ 23 හැවිරිදි තරුණයාගේ ආදර කතාව අවසානයේ සිදුවූ දේ මෙන්නHiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

34,683 Views
“බුර්කාවක් දාගෙන ක්ලිනික් එක්කන් ගියේ, මෙයා මට ගොඩක් ආදරෙයි සර්..”
 
“ඒ ගෑනු ළමයා බය වෙලා හිටියේ. අපි එයාට ප්රශ්නය තේරුම් කරලා දුන්නා...”
 
“...ඉස්සරහ සාලයේ ජපන් කෙල්ලයි ඔය කසුන් කියන කොල්ලයි ඉඳගෙන ඉන්නවා.”
 
ප්රේමය පරම පිවිතුරුය. දෙහදක සෙනෙහසක් උපදින්නට නම් ආත්මීය බැඳීමක් තිබිය යුතුය. භෞතික සාධකවලින් ප්රේමය මැනිය නොහැකිය. යස ඉසුරූ රූ සම්පත්ද දෑ කුල ගොත් හමුවේ වුව “ප්රේමය” මියනොයන්නේ එබැවිනි.
 
කසුන් ජපානයට ගියේ ඉගෙන ගන්නටය. එහෙත් ඔහුටත් හොරා ඔහුගේ සිත සකුරා මලක් බඳු ජපන් තරුණියක වෙත ඇදී ගියේය.

අවසානයේ දෙදෙනාට දෙදෙනා නැතිවම බැරි විය.
 
එහෙත් සිදු වූයේ ඔවුන් හීනෙකින්වත් නොසිතූ දෙයකි. ඒ දෛවයේ සරදමක් වැනිය. මේ ඔවුන්ගේ කතාවය.
 
කසුන් මධුසංඛ කොච්චිකඩේ පළඟතුරේ පැත්තේ පදිංචිව සිටි 23 හැවිරිදි තරුණයෙකි. මීගමුව ප්රදේශයේ පාසලකින් උසස් පෙළ හැදෑරූ කසුන්ගේ එකම ආසාව වූයේ ජපන් රටේ රැකියාවකට යෑමය.
 
මේ නිසා ඔහු මීගමුවේ දෙමංහන්දියේ ජපන් පාසලට ගොස් ජපන් භාෂාව ප්රගුණ කළේය. ජපන් ශිෂ්ය වීසා බලපත්රයක් යටතේ ඔහු 2016.07.07. දින ජපානය බලා පිටත්ව ගියේය.
 
ජපානයට ගිය කසුන් ජපානයේ සයිටමා ප්රාන්තයේ තෝවාන් පාසලට ඇතුළු වී සිය අධ්යාපන කටයුතු කරගෙන ගියත් තිබූ ආර්ථික දුෂ්කරතා නිසා 2017 වසරේ දෙසැම්බර් කාලයේ එම පාසලෙන් ඉවත්වී රැකියාවක් සොයා ගන්නට වෙහෙසුණේය.
 
මෙසේ රැකියාවක් සොයමින් සිටින මොහොතක සිසුඕකා ප්රාන්තයේ මෑන් පවර් ආයතනයක් දැන හඳුනාගැනීමට ලැබීම කසුන්ගේ සතුටට හේතු විය. අදාළ ආයතනයෙන් කෙරුණේ ජපානයේ මහා පරිමාණ ආයතනවලට සේවකයන් සැපයීමය. එහි හිමිකාරිය වූයේ ඔට්නිසෝරා නමැත්තියයි.
 
ඇයගේ ජපන් ස්වාමියා කෝටිපති ව්යාපාරිකයෙකි. දරු තිදෙනකුගේ මවක් වූ ඇගේ වැඩිමහල් දරුවන් දෙදෙනා විවාහ වී ජපානයේ වෙනත් ප්රදේශවල පදිංචිව සිටින අතර ඔට්නිසෝරා සමඟ සිටින්නේ ඇගේ බාල වයස්කාර දියණිය ඔතකිසෝරා පමණි.
 
කෙමෙන් කෙමෙන් මෙම ආයතනයේ නොයෙකුත් කාර්යයන් කිසිදු වෙහෙසක් නොබලා ඉටු කිරීම නිසා කසුන්ට ඔට්නිගේ හා ඇගේ දියණියගේ ප්රසාදය ලැබිණි.
 
කාලය ගෙවී යත්ම කසුන් එම ගෙදර හිමිකාරියගේ හා ඇගේ දියණියගේ සිත් හොඳින් දිනාගත්තේය.
 
මේ අතරතුර කසුන්ට කටානේ පදිංචිව සිටි අයකු ජපානයේදී මුණගැසුණේය. දෙදෙනා අතර පැවැති මිතුදම නිසාම දිනක් ජපන් හිමිකාරියගේ නිවෙසේ පැවැති ප්රියසාදයට කසුන් තම කටාන මිතුරාද කැඳවාගෙන ගියේය.
 
එහි අවසාන ප්රතිඵලය වූයේ කටානේ පදිංචි පුද්ගලයාත් නිවෙස හිමි ජපන් කාන්තාවත් අතර හිතවත් කමක් ඇති වීමය. ඒ වන විට කසුන් හා ජපන් දියණිය අතරද ප්රේම සබඳතාවක් ඇරඹී තිබිණි. එය කාටත් හොර රහසේ සිදු වුවත් වැඩිකල් නොගොස් ඒ බව ජපන් මවටද දැනගන්නට ලැබිණි. මුලින් ඇය ඊට කැමැත්ත පළ කළත් පසුව විරුද්ධ විය.
 
"උඹලගේ වයස හරි ගියාට පස්සේ උඹලා එකතු වෙනවට මගේ අකැමැත්තක් නැහැ.” ඇය කීවාය.
 
මුලින් ඇය එසේ කීවත් පසුව ඇය කසුන් සමඟ පවත්වාගෙන යන ප්රේම සබඳතාව නතර කරන්නැයි දියණියට තරවටු කළා පමණක් නොව පහරද දුන්නාය. ඔතාකිට ඒ වන විට වයස අවුරුදු පහළොවක් විය.
 
දෙදෙනා අතර ප්රේම සබඳතාවට ගත වී තිබුණේද මාස දෙක තුනක් වුවත් ඔතකි කසුන්ට බෙහෙවින් ආදරය කළාය. අම්මාගේ හිරිහැර කිරීම් හමුවේ ඇය තව තවත් කසුන්ට ළං වූවාය.
 
ඔතාකිගේ පියා ඔහු සතුව තිබූ දේපළ ඇයට ලියා තිබිණි. එම දේපළ ඇය සතුව වන්නේ ඇයට වයස අවුරුදු 16 සම්පූර්ණ වූවායින් පසුවය.
 
මේ බව ජපන් මව මෙන්ම ඇය සමඟ හිතවත්ව සිටින කටානේ පුද්ගලයාද දැන සිටියේය. දියණිය ඔතාකි කසුන් සමඟ පලා ගියේ නම් ඒ දේපළවල හිමිකාරිත්වය ඔවුන් අතට යන බව මව දැන සිටියාය. ඒ නිසා ඇය කසුන් සමඟ ඇති සබඳකම නතර කරන ලෙස දියණිය ඔතාකිගෙන් තදින් ඉල්ලා සිටියාය.
 
මවගෙන් එල්ලවන පීඩනය එන්න එන්නම වැඩිවීම නිසා ඔතාකිට ජීවිතයද එපා විය. එහෙත් ඇය කසුන් සමඟ පැවැති ප්රේමය බිඳකුදු අඩු කළේ නැත. ඒ වන විටත් ඔවුන්ගේ පෙම් සබඳතාව දුර දිග ගොස් තිබිණි. ඒ නිසා කසුන්ට ඇය අතහැර යෑමටද නොහැකි විය. ඔතාකිද කසුන් හැරෙන්නට වෙනත් අයකු සමඟ යන්නට අකැමැත්ත පළ කළාය.
 
“එහෙනම් අපි ලංකාවට යමු. මම ටිකට් හදාගන්නම්” බැරිම තැන කසුන් ඔතාකිට කීවේය. ඇයද ඊට එකඟ වූවාය. ජපන් භාෂාව හොඳින් කතා කළ හැකිව තිබීම නිසා ලංකාවට යන්නට අවශ්ය ලියකියවිලි සකසා ගැනීමට කසුන්ට අපහසු නොවීය.
 
ඒ වන විට ඔතාකිගේ මව හිතවත්ව සිටි පුද්ගලයාද ලංකාවට ගොස් තිබිණි. ඒ නිසා හොර රහසේ ගුවන්ගමන් ටිකට්පත් සකසා ගත් කසුන් මේ වසරේ අප්රියෙල් 12 වැනිදා ඔතාකිත් සමඟ රහසින්ම ලංකාවට ආවේය.
 
ඔට්නිසෝරා මේ බව දැන ගනිද්දී සියල්ල සිදුවී හමාරය. තම දියණියත් කසුනුත් ඒ වන විටත් ලංකාවට යෑමට ගුවන් ගත වී ඇති බව ඇය ගුවන්තොටුපළින් දැනගත්තාය.
 
ඇය වහා දන්නා කියන අයට කතා කර උදවු ඉල්ලා සිටියාය. ඒ වන විට ඇය ඇසුරු කළ කටානේ හිතවතා සිටියේ ලංකාවේය. ඇය මේ බව ඔහුටද කීවාය. අවසානයේ ඇය තම දියණිය තරුණයකු පැහැරගෙන ගිය බවත් ඔවුන් තව පැයකින් ලංකාවට ඇතුළු වන බවත් ජපානයේ තානාපති කාර්යාලයට දන්වා සිටියාය. මේ තොරතුරු ශ්රී ලංකා ජපන් තානාපති කාර්යාලයට දැනුම් දෙනු ලැබුවේ ඉන් අනතුරුවය.
 
වහා ක්රියාත්මක වූ ජපන් තානාපති කාර්යාලයේ නිලධාරීන් නීතිඥවරයකු කැටුව කටුනායකට ගියේ ගුවන්තොටුපළ පොලිසියද දැනුම්වත් කරය. “මම හෙට ලංකාවට එනවා. එනකම් මගේ දුව ඔයාලා ළඟ තියාගන්න.”
 
ඔට්නිසෝරා ලංකාවේ තානාපති නිලධාරීන්ට දන්වා ලංකාවට යෑම සඳහා ගුවන් ටිකට් පතක්ද ලබාගත්තාය. මේ අතර කසුනුත් ඔතාකිත් රැගත් ජපානයේ සිට පැමිණි ගුවන් යානය කටුනායක ගුවන්තොටුපළට සේන්දු විය.
තානාපති නිලධාරීහුත් පොලිසියත් ගුවන්යානයෙන් බැස පර්යන්තය දිගේ ඉදිරියට එන මගීන් දෙස නොඉවසිල්ලෙන් බලා සිටියහ. ඔතාකි අතින් අල්ලාගත් කසුන් මේ කිසිදු දෙයක් නොදැන හැකි ඉක්මනින් ගුවන්තොටුපළෙන් පිටතට යෑමට වේගයෙන් ඉදිරියට එනු පෙනිණි.
 
“නවතින්න. ගන්න පාස්පෝර්ට්” ගුවන්තොටුපළේ රැඳී සිටි නිලධාරීහු මේ තරුණ ජෝඩුව නතර කොට ප්රශ්න කරන්න වූහ. ඔතාකි වෙන්නට යන්නේ කුමක්දැයි නොදත්තාය. ඇය වරින් වර කසුන් දෙස බලන්නට වූවාය.
 
“ඇයි මොකක්ද ප්රශ්නේ” කසුන් විමසුවේය. දෙදෙනාම ගුවන්තොපළ පොලිසිය වෙත රැගෙන යෑමෙන් අනතුරුව ඔවුන්ට කරුණු පැහැදිලි කරදුන් නිලධාරීහු ඔතාකිගේ මව ජපානයේ සිට මෙරටට පැමිණෙන තෙක් ඔතාකි සිය භාරයේ රැඳිය යුතු බව කසුන්ට කීහ. ඊට එකඟවෙනවා හැර වෙන යමක් කිරීමට කසුන්ට නොහැකි විය.
 
2004 සැප්තැම්බර් මස 3 වැනිදා ජපානයේදී උපත ලැබූ ඔතාකිට ඒ වනවිට වයස අවුරුදු පහළොවක් විය. ලංකාවේ නීතියට අනුව බාල වයස්කාර දැරියක් මෙසේ රැගෙන ඒමද බරපතළ වරදකි. ඒ කෙසේ වෙතත් කසුන්ට පිටවයෑමට ඉඩදුන් නිලධාරීහු ඔතාකි සිය මව ලංකාවට එනතුරු නතර කරන්නට සුදුසු තැනක් සෙවූහ.
 
ඇයට ආරක්ෂාව සැපයීමද නිලධාරීන්ගේ වගකීම විය. අවසානයේ ඔවුහු ඔතාකි කොච්චිකඩේ පළඟතුරේ නුදුරු හෝටල් කාමරයක නතර කරවීමට තීරණය කළහ. ඇය ළඟ නතරවීමට කසුන්ගේම නැඟණිය කැමැත්ත පළ කළාය.
එලෙස ඔතාකි පළඟතුරේ හෝටලයක නතර කළ තානාපති නිලධාරීහු ජපානයේ සිට පැමිණෙන ඇගේ මවට භාරදීමට සූදානමින් යළි කොළඹ බලා පිටත්ව ගියහ. පළඟතුරේ හෝටලයේ සිට කසුන්ගේ නිවෙසට දුර මීටර් දෙතුන් සියයකි.
 
මොහොතකට පසු කසුන්ට මේ බව දැනගන්නට ලැබිණි. තම පෙම්වතියගේ ආරක්ෂාවට තම නැඟණිය සිටිම ඔහුට මහත් වාසනාවක් විය. රාත්රියේ ඔහු ඔතාකි සොයා හෝටලයට පැමිණියේය. ඔතාකි ඔහුට කීවේ තමාට මවත් සමඟ යළි ජපානයට යා නොහැකි බවය.
 
පසුදාම මව පැමිණියහොත් තමා ඇයට භාරදෙනු ඒකාන්ත බව ඔතාකි කසුන්ට පැවැසුවාය. ඊට පිළියමක් සෙවීම කසුන්ගේ අරමුණ විය. ඔහු සිය මස්සිනාට කතාකොට කෙසේ හෝ කුලියට වාහනයක් ලෑස්ති කර දෙන මෙන් ඉල්ලා සිටියේය.
 
මේ වනවිට කසුන්ගේ මව සිය පුතා සමඟ ඔතාකි නම් ජපන් තරුණිය හෝටල් කාමරයේ රැඳී සිටින බව දැන සිටියාය. අනාගත ලේලියගේ දුක සැප බලන්නට ඇයද හෝටලයට ආවාය. ඒ වනවිටත් කසුන්ගේ මස්සිනා කුලී වාහනයක් ගෙනැවිත් දී තිබිණි.
 
පසුදාට පහන්විය. ඔතාකිගේ මව ජපානයේ සිට කටුනායක ගුවන්තොටුපළට පැමිණියාය. ඇය තානාපති නිලධාරීන් හා දියණිය තාවකාලිකව නතර කර සිටි පළඟතුරේ ලැගුම්හලට ගියාය. ඒත් හෝටලයේ ඔතාකි සිටියේ නැත. ඒ ඇයි දැයි ඔතාකිගේ මව හෝටල් බලධාරීන්ගෙන් ඇසුවාය.
 
ඇයට දැනගන්නට ලැබුණේ පෙරේදා එම තරුණිය කසුන් නමැති තරුණයකු සමඟ හෝටලයෙන් පිටව ගිය බවය. තවදුරටත් සෝදිසි කරද්දී කළු පැහැති පියස් වර්ගයේ කාර් රථයකින් ඔවුන් හෝටලයෙන් පිටව යන අයුරු සී.සී.ටී.වී. කැමරාවල සටහන් වී තිබිණි. අවසානයේ ඇය කටානේ හිතවතාද සමඟ කොච්චිකඩේ පොලිසියට ගියේ සිය දියණිය සොයාදෙන ලෙස පැමිණිල්ලක් කිරීමටය.
 
කොච්චිකඩේ පොලිස් ස්ථානාධිපති ශ්රී නික සංජීව ජයකොඩි මහතා ඉදිරියේ ඇය සිය දුක්ගැනවිල්ල ජපන් භාෂාවෙන් පවසද්දී කටානේ හිතවතා එය සිංහලයට පරිවර්තනය කළේය.
 
ඇය තවදුරටත් පොලිසිය හමුවේ පැවැසුවේ තම දියණිය ලංකාවට එද්දී ලංකාවේ මුදලින් ලක්ෂ 8ක ජපන් මුදල් රැගෙන පැමිණ ඇති බවය. ඔතාකි ජපානයේ සිට පැහැරගෙන පැමිණ ඇති බවත් ඒ බව දැනගැනීමෙන් පසු තමන් තානාපති කාර්යාල දැනුවත් කරමින් දියණිය ඔවුන් භාරයේ තබාගෙන තමා ලංකාවට පැමිණෙන තුරු ඇය රැකබලා ගන්නා ලෙස කීවත් තම දියණිය කිසිදු ආරක්ෂාවකින් තොරව හෝටල් කාමරයක නතර කර තැබීම නිසා ඇය කසුන් නමැති අයත් සමඟ එතැනින් පැනගොස් ඇති බවත් කෙසේ හෝ තමාට දියණිය සොයා දෙන ලෙසත් ඇය පොලිසියෙන් ඉල්ලා සිටියාය.
 
ඒ මීට හත් මසකට පෙර 2020 මාර්තු මස 14 වැනිදාය.
 
එසේ ලංකාවට පැමිණි ඇය තම හිතවතා සමඟද එක්වී දියණිය සොයන්නට වෙහෙස ගත්තද එය ඉටු නොවූ තැන ඇය හිස් අතින්ම යළි ජපානය බලා පිටත්ව ගියාය.
 
ඇගේ පැමිණිල්ල අනුව ළමා හා කාන්තා කාර්යාංශ මූලස්ථානය දැනුවත් කිරීමට කොච්චිකඩේ පොලිස් ස්ථානාධිපතිවරයා කටයුතු කළේය. ඒ කසුන් මධුසංඛ යන අය විසින් 15 හැවිරිදි දියණියක් භාරකාරීත්වයට නොදන්වා අපහරණය කිරීම සම්බන්ධයෙන් පැමිණිල්ලක් ලැබී ඇති බවත් ඒ පිළිබඳ වැඩිදුර පරීක්ෂණ කරගෙන යන බවත් සඳහන් කරමින්ය.
 
කාලය ගෙවී ගියේය. එහෙත් ඔතාකි ගැන හෝ කසුන් ගැන කිසිදු තොරතුරක් පොලිසියට නොලැබිණි. එහෙත් පොලිසියේ සැකය වුණේ කසුන්ගේ පාර්ශ්වය මේ දෙදෙනා ගැන තොරතුරු දැනගෙන සඟවාගෙන සිටින බවය.
එබැවින් කසුන්ගේ නැඟණියත් කසුන්ගේ මවත් පොලිසියට කැඳවූ නිලධාරීන් ඔවුන්ගෙන් දීර්ඝ ලෙස ප්රශ්න කරන්නට විය. උප පොලිස් පරීක්ෂක සරත් බණ්ඩාර ඇතුළු කණ්ඩායමක් මේ පිළිබඳ විමර්ශන සිදුකළහ.
 
ඒ අනුව පළඟතුරේ හෝටලේ ඇති සී.සී.ටී.වී. කැමරා පරික්ෂා කිරීමේදී අනාවරණය වූ කරුණු අනුව කළු පැහැති පියස් වර්ගයේ වාහනය කාගේ දැයි සොයාගැනීම සඳහා නිලධාරීහු මෝටර් රථ ප්රවාහන දෙපාර්තමේන්තුවේ සහාය පැතූහ.
 
මෝටර් රථය දළුවකොටු පාරේ අයකුට අයත් බව අනාවරණය විය. ඔහුගෙන් කළ ප්රශ්න කිරීමේදී ඔහු පවසා සිටියේ තම කාරය වෙනත් අයකුට කුලී මුදලකට ලබාදුන් බවය. නිලධාරීහු ඔහු කවුදැයි සොයා බැලූහ. ඒ අනුව ඔහු මධුසංඛගේ ඥාතියකු බව වටහා ගත් උප පොලිස් පරීක්ෂකවරයා ඔහු අත්අඩංගුවට ගත්තේ තරුණ යුවළට පලායෑමට ආධාර අනුබල දුන් චෝදනාව යටත්ය.
 
ඔහු සමඟ කළුපැහැති පියස් මොටෝරියද පොලිස් භාරයට පත්විය. ඒ 2020 ජුනි 11 වැනිදාය. පොලිසිය එතැනින් නතර වූයේ නැත.
 
ජපන් දැරිය කසුන් සමඟ ලංකාවට පැමිණි අවස්ථාවේ ඇය තම පුතා වන කසුන්ට ලබාගැනීමට අවශ්ය සහාය හා හෝටල් කාමරයට ගොස් ඔවුන්ගේ දුක සැප බලා තම පුතාට ජපන් දැරිය රැගෙන යෑමට ආධාර අනුබල දුන් බවට චෝදනා එල්ලකරමින් කසුන්ගේ මව කසුන්ගේ නැගණිය කොච්චිකඩේ පොලිසිය මඟින් අත්අඩංගුවට ගෙන අධිකරණයට ඉදිරිපත් කරනු ලැබීය.
 
ඒ අධිකරණ කටයුතු භාරව ක්රියා කරන සැරයන් ජයන්ත වීරසිංහ (45557) මහතාගේ මෙහෙයවීම මතය.
 
විමර්ශනයට බාධා වන බැවින් මොවුන් රිමාන්ඩ් ගත කරන ලෙස පොලිසිය ඉල්ලා සිටියද අධිකරණය ඔවුන්ව ශරීර ඇප මත මුදාහැරීමට නියෝග කළේය.
 
එහෙත් හැම මසකම අවසන් ඉරුදින පොලිසිය හමුවේ පෙනී සිටින ලෙසද දැනුම් දුන්නේය. මේ කිසිවකින්වත් ඔතාකි හා කසුන් සොයා ගැනීමට කොච්චිකඩේ පොලිසියට නොහැකි විය. ඒ තබා මේ සම්බන්ධයෙන් කිසිදු තොරතුරක් මාධ්ය මඟින්ද ප්රචාරය වූයේ නැත.
 
මේ අතර කොච්චිකඩේ පොලිසිය තවත් පියවරක් ඉදිරියට තැබුවේය. ඒ කසුන් හා ඔතාකි ඔවුන් සතු ගුවන් ගමන් බලපත්ර උපයෝගි කරගෙන යළි මෙරටින් පලායෑමට ඉඩ ඇති නිසා ඔවුන් නැවත විදේගතවීම වළකාලීමට පියවර ගැනීමය. ඒ අනුව කොච්චිකඩේ පොලිසිය අධිකරණයෙන් ඉල්ලීමක් කරමින් කියා සිටියේ මේ සඳහා ආගමන විගමන පාලකවරයාට නියෝගයක් ලබාදෙන ලෙසය. ඊටද අධිකරණ අනුමැතිය හිමිවිය.
 
කාලය ගෙවීගියද ඔතාකි හෝ කසුන් සොයාගැනීමට පොලිසියට හැකි වූයේ නැත. ඒත් මේ දෙදෙනා සැඟව සිටින තැන කසුන්ගේ පාර්ශ්වය හොඳින් දන්නා බව සිතූ පොලිසිය එම ඥාති පාර්ශ්වයේ එකිනෙකාගේ ජංගම දුරකථනවල අංක ලබාගෙන එම අංකවලට අදාළ විශ්ලේෂණ වාර්තා ලබාගැනීමට පෞද්ගලික දුරකථන සමාගම් කිහිපයකට දන්වා සිටියේය.
 
එහෙත් කොවිඩ් වසංගතය නිසා දුරකථන දත්ත වාර්තා ලබාගැනීම ප්රමාද විය. පොලිස් නිලධාරීන්ද කොරෝනා වසංගතයෙන් බේරීම සඳහා රාජකාරි කිරීමේදී පැනවූ සීමා නිසා කසුන් හා ඔතාකි සිටිනා ඉසව් සොයායෑමද මඳක් අපහසු විය.
 
මීගමුව ජේයෂ්ඨ පොලිස් අධිකාරිවරයා විසින් දුරකථන විශ්ලේෂණ වාර්තා අනුව මේ සම්බන්ධයෙන් කරුණු සොයා බලන ලෙස කොච්චිකඩේ පොලිසිය අපරාධ විමර්ශන අංශ්ය භාර නිලධාරියාට එම වගකීම භාර දුන්නේ ඉන් පසුවය. පොලිස් පරීක්ෂක ශිරාන් පෙරේරා ඒ ඔස්සේ කරුණු සෙවූවද එයද එතරම් සාර්ථක නොවීය.
 
ඔතාකිත් කසුනුත් සොයාගත නොහැකි වූ කොච්චිකඩේ පොලිස් බලධාරීන් ඔතාකිගේ ගමන් බලපත්රයේ ඇගේ රූපය සහිත පිටපතක් මෙන්ම කසුන්ගේ ඡායාරූපයක් ඍර්ථීව් තාක්ෂණය ඔස්සේ දිවයිනේ සියලුම පොලිස් ස්ථාන වෙත යැවූ අතර කුමන අවස්ථාවක කොතැනකදී හෝ මොවුන් අත්අඩංගුවට ගන්්නේ නම් හෝ ඔවුන් පිළිබඳව තොරතුරක් ලැබුණේ නම් කොච්චිකඩේ පොලිස් ස්ථානාධිපතිවරයා වෙත දන්වන ලෙසද ඉල්ලා සිටියේය. ඊට අමතරව තමාගේ මුහුණු පොතේද මොවුන්ගේ ඡායාරූප පළ කරමින් ඔවුන් පිළිබඳ තොරතුරක් සොයාගන්නට ස්ථානාධිපතිවරයා වෙහෙසුණේය.
 
“ඉන්පස්සේ අපිට දැනගන්නට ලැබුණා මේ ජෝඩුව නුවරඑළියේ ඉන්නවා කියලා. ආයෙත් වතාවක දැනගන්න ලැබුණා කොග්ගල ඉන්නවා කියලා. අපි අදාළ පොලිස් වසම්වල ස්ථානාධිපතිවරුන් දැනුවත් කරලා හොයා බැලුවත් වැඩක් වුණේ නැහැ.”
 
පොලිස් පරීක්ෂක ශිරාන් කීවේය. කෙසේ හෝ ඔතාකිත් කසුනුත් මාස හතක කාලයක් පොලිසියට කට්ටි පනිමින් සැඟව සිටියහ.
 
“ඔය අතරේ අපිට තොරතුරු ලැබුණා. මේ ජපන් ගෑනු ළමයාට වයස අවුරුදු 16 පනිනකම් මෙයාව හංගගෙන ඉන්නවා කියලා. ඒ ගෑනු ළමයාට දරුවෙක් හම්බවෙන්නත් ඉන්නේ කියලත් ආරංචි ආවා.”
 
කෙසේ වෙත ඔතාකි හා කසුන් ගැන පසුගිය 25 වැනිදා ‘මව්බිම’ දිනපතා පුවත්පතේ පළකිරීමත් සමඟ කොච්චිකඩේ පොලිසියටද ඇමැතුම් ගලා එන්නට විය. තානාපති කාර්යාල නිලධාරීහුද මේ පුවතින් කලබලයට පත්වූහ. කසුන්ගේ පාර්ශ්වයද කසුන් හා ඔතාකි රැඳි සිටි ස්ථාන වෙනස් කිරීමටද වගබලා ගෙන තිබිණි.
 
මේ සමඟම කසුන්ගේ ඥාතීන්ගේ දුරකථන විශ්ලේෂණ වාර්තා යළි පිරික්සන්නට පියවර ගත්හ. ඔවුන්ගේ බොහෝමයක් ඇමැතුම් මාරවිල මුදුකටුව දුරකථන කුලුන හරහා එහා මෙහා යන බව තේරුම් ගත් නිලධාරීහු කසුන් හා ඔතාකි එම ප්රදේශය තුළ සඟවා ගෙන සිටින බවට සැක පළ කළහ. 
 
“කෝකටත් අපි දැනගත්තා මේ ජෝඩුව ඉන්න ඕන සංචාරක ව්යාපාරයට සම්බන්ධ ප්රදේශවල කියලා. සංචාරකයන් ගැවසෙන පළාත්වල ජපන් කෙල්ලෙක් හිටියත් කවුරුත් සැක කරන්නේ නැහැනේ. ඒත් මේක ‘මව්බිම’ පත්තරේ පළවුණාම කට්ටිය ඇවිස්සුණා. ‘මව්බිම’ බලපු පුද්ගලයන් කිහිපදෙනකුම අපිට ඇමැතුම් දීලා කිව්වා ඔය කියනවා වගේ ජපන් තරුණියක් අහවල් පළාතේ ඉන්නවා කියලා. අපි ඒ සේරම හෙව්වා. ඔය අතරේ ගිය 25 වැනිදා හවස අපිට කාන්තාවක් කෝල් කරලා කිව්වා, පත්තරේ පළකරලා තියෙනවා වගේ තරුණ ජෝඩුවක් එයාගේ ගේ ඉස්සරහ ගෙදර ඉන්නවා එයා දැක්කා කියලා. හැබැයි දැන් දවස් දෙක තුනක් විතර වෙනවා. හැබැයි එයාලා වැඩිය එළිපෙහෙළියට එන්නේ නැහැ කියලත් කිව්වා.”
 
“ඉන් පස්සේ අපි ඒ කාන්තාව ඉන්න තැන ගැන තොරතුරු හෙව්වා. ඒ කාන්තාව විස්තර සේරම කිව්වා. මම මේ සම්බන්ධයෙන් අපේ එස්.එස්.පී. මහත්තයා දැනුවත් කළා. ක්රයිම් ඕ.අයි.සී. ශිරාන්වයි, පොලිස් ටීම් එකකුයි මාරවිල ඔය කියන ඇඩ්ඩ්රස් එකට යැව්වා” පොලිස් ස්ථානාධිපති ශ්රී නික කීවේය.
 
ඒ අනුව පොලිස් කාන්තා ධනංජනීද කැටුව නිල ඇඳුම් ලාගත් පොලිස් පරීක්ෂක ශිරාන් ඇතුළු කණ්ඩායම සැණෙකින් මාරවිල මුදුකටුව බලා පිටත්ව ගියහ. ඒ කණ්ඩායමට සිවිල් ඇඳුම් ලාගත් නිලධාරියෙක්ද විය.
 
පැය භාගයක් ගතවන්නටත් කලින් පොලිස් කණ්ඩායම මාරවිලට සේන්දු වූහ. ඒ අතරතුර පොලිස් පරීක්ෂක ශිරාන් මුදුකටුවේ කාන්තාව සමඟ දුරකථනයෙන් පණිවිඩ හුවමාරු කර ගනිමින් සිටියේය. ස්ථානාධිපති ශ්රී නිකද පොලිස් පරීක්ෂක ශිරාන්ට දුරකථනයෙන් කතාබස් කරමින් ගමනේ සාර්ථක්තවය ගැන තොරතුරු විමසීය.
 
“අපි ඒ කියපු තැනට ගියත් යුනිෆෝම් නිලධාරීන් කවුරුත් එකපාරට එතැනට යැව්වේ නැහැ. අපි ජීප් එක මඟ නතර කරලා සිවිල් ඇඳුමෙන් හිටිය වේරගම රාලහාමිව මුලින්ම ඔය කියන ගෑනු කෙනා ඉන්න ගෙවල් පැත්තට යැව්වා. ඒ ගෑනු කෙනා කිව්වා එයා ඉන්න ගෙදර ගේට්ටුව බාගෙට ඇරලා තියෙන්නේ තල්ලු කරලා එන්න පුළුවන් කියලා. ඒ ඔස්සේ යනකොට වේරගම දැක්කා බාගෙට ඇරපු ගේට්ටුව. එතකොට එයා හිතුවා ඒ ගේ ඉස්සරහ ගෙදර තමයි ඔය කියන දෙන්නා ඉන්නේ කියලා. හොඳින් පිරික්සලා බලනකොට මෙයා දැක්කා ඉස්සරහ සාලයේ ජපන් කෙල්ලයි ඔය කසුන් කියන කොල්ලයි ඉඳගෙන ඉන්නවා. වේරගම අපිට ඒ බව දැනුම් දුන්නා. ඒත් එක්කම අපි ජීප් එක ඉස්සරහට අරන් ගියා. ජීප් එක දැක්ක හැටියේ ජෝඩුව හැංගුණා. වේරගම මේ දෙන්නාව දැක්ක හින්දා අපි දැනගත්තා මෙයාලා මේ ගෙදර තමයි ඉන්නේ කියලා. ගෙදර ෙදාරවල් එළියෙන් ලොක් කරලා ගේට්ටුවටත් එළියෙන් දම්වැලත් එක්ක ඉබ්බෙකුත් දාලා වහලා ඒ අපි ගේට්ටුව ගලවාගෙන ගෙදරට ගිහින් ෙදාරට ගැහැව්වා. ෙදාර ඇරියේ නැහැ. වහලෙන් බහින්නත් බැහැ ස්ලැබ් එකක් දාලා තිබුණා. ෙදාරට තට්ටු කර කර මම කිව්වා බය වෙන්න එපා ෙදාර අරින්න. අපි ඔයාලට කරදරයක් කරන්නේ නැහැ. දැන් ප්රශ්නෙ ඉවරයි. ෙදාර අරින්න කියලා. එහෙම කියලා මම ඕ.අයි.සී. මහත්තයගෙන් ඇහැව්වා ෙදාර කඩාගෙන යන්නද කියලා. ඕ.අයි.සී. මහත්තයා හා කිව්වා. අපි ෙදාර කඩාගෙන යන්න හැදුවා. තවත් නිලධාරියෙක් සිමෙන්ති බැම්මේ වහලේ පැත්තකින් ගේ ඇතුළට බහින්න හැදුවා. ඒත් එක්කම ‘ඉන්න’ මම ෙදාර අරින්නම් ‘ කියලා කසුන් කියන පුද්ගලයා ෙදාර ඇරියා. ගෙදර වෙන කවුරුත් හිටියේ නැහැ. හිටියේ එයාගේ පෙම්වතිය ජපන් කෙල්ල විතරයි. ඒ ගෑනු ළමයා බය වෙලා හිටියේ. අපි එයාට ප්රශ්නය තේරුම් කරලා දුන්නා. ඒත් එයා ඉංගී්රසිවත් සිංහලවත් දන්නේ නැහැ. ඒ වෙනකොට එයා ගැබිනියක් බව අපිට තේරුණා. පස්සේ අපි කසුන්ගෙන් ප්රශ්න කළා.."
 
“කවදද මෙහෙ ආවේ?
 
“දැන් සතියක් විතර ඇති.”
 
‘මෙතෙක් කල් කොහේද හිටියේ.’
 
“තැන් තැන්වල හිටියා. මිනුවන්ගොඩ හිටියා. ත්රිකුණාමලයේ හිටියා. නාවලපිටියේ හිටියා. ඒත් මෙයාට ක්ලිනික් යන්න ඕන නිසා මෙයාත් එක්ක මෙහෙ ආවා.”
 
“එතකොට කොහොමද මෙයාව ක්ලිනික් අරන් ගියේ.”
 
“මුහුණ වැහෙන්න බුර්කාවක් දාගෙන”
 
කසුන් කියන විදියට ඇගේ දරු ගැබ සඳහා ප්රතිකාර ලබා ගැනීමට කොළඹට නුදුරු ප්රසිද්ධ රෝහලක පවත්වාගෙන යන සායනයකට ඇය ගෙන ගොස් ඇත්තේ කාටත් ඇය නොපෙනෙන ආකාරයටය. තවදුරටත් කරුණු කාරණා විමසූ අපරාධ විමර්ශන නිලධාරීන් කසුන්ගේ දෑතට මාංචු දැමූ අතර ඒ මොහොතේ සිට පොලිසියට පැමිණෙන තෙක්ම ඔතාකි සිටියේ ඔහුගේ අතේ එල්ලී ගෙනය.
 
“මෙයා මට ගොඩක් ආදරෙයි සර්”
 
කසුන් ස්ථානාධිපතිවරයාට කීවේය. ඔතාකි බියවී සිටින බව දත් ස්ථානාධිපතිවරයා ඇයට බිය නොවන ලෙස කියා ඇයට රිසි සේ පොලිසිය තුළ රැඳී සිටීමට අවශ්ය පහසුකම් සපයා දුන්නේය.
 
ඒ වන විටත් කසුන්ගේ මස්සිනා කෙනකු හා ඔහුගේ මව සිටියේද පොලිස් අත්අඩංගුවේය. කසුන් සැඟව සිටි නිවෙසද ඔහුගේ මවගේ නැඟණියට අයත් එකක් බව හඳුනාගැනුණි. මේ සියල්ලටම ආධාර අනුබල දීමේ චෝදනා යටතේ නීතිමය ක්රියාමාර්ග ගන්නා බව ස්ථානාධිපතිවරයා කීවේය.
 
සිද්ධිය වහා ජේයෂ්ඨ පොලිස් අධිකාරිවරයාට දැනුම් දුන් ස්ථානාධිපතිවරයා ඔහුගේ උපදෙස් මත නීතිමය කටයුතු කිරීමටත් තරුණ යුවළ පසුදා අධිකරණයට ඉදිරිපත් කිරීමටත් වග බලා ගත්තේය.
 
පසුදා උදෑසන ජපන් භාෂා පරිවර්තකයකු ද සමඟින් ජපන් තානාපති කාර්යාලයේ නිලධාරීහු කොච්චිකඩේ පොලිසියට පැමිණ ස්ථානාධිපතිවරයා මුණගැසුණහ. ඒ වන විට සැකකාර කසුන්ගේ ප්රකාශ සටහන් කරමින් තිබූ අතර ඉන් අනතුරුව භාෂා පරිවර්තකයාගේද සහයෙන් ඔතාකිගේද ප්රකාශයක් ලබා ගැනිණි.
 
මාස හතක් තිස්සේ තමන් සෙවූ දියණිය ඔතාකි පොලිසිය භාරයේ සිටින බව ජපන් මව ඔට්නිසෝරාද දැන සිටියාය. ඇය එරට සිට දුරකථන තාක්ෂණ ක්රමවේද ඔස්සේ කතා කරමින් තානාපති නිලධාරීන් දැනුම්වත් කළාය. කටානේ පදිංචි හිතවතාට මේ බව පවසා අවශ්ය උදවු ඉල්ලා සිටියාය. ඇයට සිය දියණිය දැන බලාගෙන ජපානයට ගෙන යෑමට අවශ්යව තිබුණත් කොරෝනා වසංගතය නිසා ඊට බාධා ඇති විය.
 
මේ අතර ඔතාකි සහ ඇගේ පෙම්වතා කසුන් කොච්චිකඩේ ළමා හා කාන්තා කාර්යාංශයේ සැරයන් නිරංජලා විසින් ස්ථානාධිපතිවරයාගේ උපදෙස් මත අධිකරණ වෛද්යවරයකු වෙත ඉදිරිපත් කරන්නටද කටයුතු කෙරිණි.
 
වෛද්ය වාර්තා ලබා ගැනීමෙන් පසු කොච්චිකඩේ පොලිසිය කසුන් හා ඔතාකි මීගමුව අධිකරණයට ඉදිරිපත් කිරීමට කටයුතු කළේය. පැහැරගෙන යෑම, අපහරණය හා ස්ත්රී දූෂණ ඇතුළු චෝදනා තුනක් යටතේ අධිකරණයට ඉදිරිපත් කිරීමෙන් පසු කසුන් මධුසංඛ නමැති තරුණයා ලබන මස තුන් වැනිදා දක්වා රක්ෂිත බන්ධනාගාර ගත කරන ලෙස මීගමුව අතිරේක මහෙස්ත්රාත් චම්පික රාජපක්ෂ මහතා නියෝග කළේය.
 
ඔතාකි සෝරා මොරටුව, ලුනාව ප්රදේශයේ පිහිටි පරිවාස නිවාසය භාරයට පත් කෙරිණි. මේ වන විට ඇගේ වයස අවුරුදු 16 සම්පූර්ණ වී ඇත.
 
මීට අමතරව ආධාර අනුබල දීම සම්බන්ධයෙන් පොලිසිය විසින් අත්අඩංගුවට ගනු ලැබ තිබූ කසුන් මධුසංඛගේ ඥාතියකු හා ඔහුගේ මවද අධිකරණයට ඉදිරිපත් කර තිබූ අතර ඔවුන් දෙදෙනා රුපියල් දසදහසක මුදල් ඇප සහ ලක්ෂ 10 බැගින් වූ ශරීර ඇප මත මුදාහරින ලදී. කොච්චිකඩේ පොලිසියේ නඩු මෙහෙයුම් අංශයේ සැරයන් ජයන්ත වීරසිංහ (45557) මහතා පැමිණිල්ල මෙහෙයවීය.
 
දෑතට මාංචු දමන ලද කසුන් බන්ධනාගාර බසයට රැගෙන යන තෙක්ම ඔතාකි සිටියේ හැඬූ කඳුළිනි.
 
ජපන් - ශ්රී ලංකා පෙම් කතාව නිමා වූයේ එලෙසය.
 
ඊළඟ නඩු වාරය ඇත්තේ දෙසැම්බර් මස 3 වැනිදාය. එතෙක් කසුන්ට සිර ගෙදරත් ඔතාකිට පරිවාසයේත් රැඳී සිටීමට සිදුවනු ඇත.
 
කසුන් කවදා හෝ ඇය බලන්නට එනතුරු කඳුළු වගුරවමින් බලා සිටිනු ඇත.
 
බස්නාහිර පළාත භාර ජේයෂ්ඨ නියෝජ්ය පොලිස්පති දේශබන්දු තෙන්නකෝන්
 
බස්නාහිර උතුර නියෝජ්ය පොලිස්පති දමයන්ත ශ්රී විජය යන මහත්වරුන්ගේ උපදෙස් මත මීගමුව කොට්ඨාස භාර ජේයෂ්ඨ පොලිස් අධිකාරි සමන් සිගේරා මහතාගේ මෙහෙයවීමෙන් පොලිස් අධිකාරි නිමල් බණ්ඩාර කොච්චිකඩේ පොලිස් ස්ථානාධිපති ශ්රී නික සංජීව ජයකොඩි ප්රමුඛ අපරාධ විමර්ශන අංශයේ ස්ථානාධිපති ශිරාන් පෙරේරා, සැරයන් රුවන් (40290) කොස්තාපල්වරුන් වූ සුමිත්රානන්ද, වේරගම සිසිර, කාන්තා සැරයන් නිරංජලා හා කොස්තාපල් ධනංජනී ඇතුළු පිරිස මේ පිළිබඳව විමර්ශනවලට එක්ව සිටියහ.

කීර්ති මෙන්ඩිස්
මෙම ලිපියේ සම්පූර්ණ උපුටා ගැනීම "මව්බිම" පුවත්පතෙන්..
Make a Comment
Make a Comment


මෙන්න බලන්න තවත් ගොසිප්




Recent Gossip Post




Dura Penena Thanithala - Senior Choir Gateway College Colombo
Dura Penena Thanithala
Senior Choir Gateway College Colombo
⤵  306 Downloads

Hiru Shraddhabhi Wandana Theme Song 2020 - Yaham Hettiarachchi
Hiru Shraddhabhi Wandana Theme Song 2020
Yaham Hettiarachchi
⤵  835 Downloads

Dawasak Thiyewi - Rana with AURA
Dawasak Thiyewi
Rana with AURA
⤵  586 Downloads

Lowama Ekalu Kala Deshayak - Fredy Alex Silva
Lowama Ekalu Kala Deshayak
Fredy Alex Silva
⤵  1,501 Downloads

Gedarata Wela Inna - Seeduwwa Sakura
Gedarata Wela Inna
Seeduwwa Sakura
⤵  1,309 Downloads

Hemin Sare Aa Sulangak  - Sanka Dineth
Hemin Sare Aa Sulangak
Sanka Dineth
⤵  2,116 Downloads

Mahapolovata Nivaduwak - Warsha Vihangi Samaranayaka
Mahapolovata Nivaduwak
Warsha Vihangi Samaranayaka
⤵  7,795 Downloads

Guru Geethaya - Bhanuka G Senarath
Guru Geethaya
Bhanuka G Senarath
⤵  4,106 Downloads

Thanikada Ahase - Bhanuka G Senarath
Thanikada Ahase
Bhanuka G Senarath
⤵  1,954 Downloads

Awasan Haduwa - Pawan Minon
Awasan Haduwa
Pawan Minon
⤵  38,065 Downloads



Top