Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Sep
12
“කිසිම කෙනකුට ‘දිල්හානි අශෝකමාලාව’ නැතිකර දාන්න බැරි තරමට මගේ අත්තිවාරම ශක්තිමත් වුණා. නිළියක් කියලා සරුවපිත්තල හැඟීම් තියන් වදවිඳින්නේ නම් නැහැ...” - දිල්හානි අශෝකමාලා කලකට පසුව කියයි - Photos

- “කිසිම කෙනකුට ‘දිල්හානි අශෝකමාලාව’ නැතිකර දාන්න බැරි තරමට මගේ අත්තිවාරම ශක්තිමත් වුණා. නිළියක් කියලා සරුවපිත්තල හැඟීම් තියන් වදවිඳින්නේ නම් නැහැ...” - දිල්හානි අශෝකමාලා කලකට පසුව කියයි - PhotosHiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

19,244 Views
“මට විරුද්ධව අර කට්ටිය කුමන්ත්රණයක යෙදෙනවා කියන කතා මම කාටවත් කිව්වේ නැහැ...”
 
“තෙල් ටිකක් ගාලා ඔළුව පීරලා සමහර වෙලාවට මම බුලත් විටකුත් හපනවා...”
 
“මම ලොකු පුතෙක් ඉන්න මැදිවියේ අම්මා කෙනෙක්...”
 
ලස්සන පාට පාට දේදුන්නක එතී ආ සමනලියක ලෙස දිල්හානි සිංහල සිනමා අම්බරය වර්ණවත් කළේ ප්රවීණ චිත්රපට අධ්යක්ෂ යසපාලිත නානායක්කාරගේ ආරාධනය හේතුකොට ගෙනය. තරුවක වීමේ සිහිනය තුළ නොසිටියද තරුවක වූ දිල්හානි අශෝකමාලා වාණිජ රැල්ල අනුව තැනෙන චිත්රපටවලට නැතුවම බැරි සොඳුරු නිළි කැකුළක වූවාය. හිටි අඩියේම වාගේ යොවුන් වයසේදීම දිල්හානි වාණිජ රැල්ල අතහැර දමා සංකීර්ණ චරිතවලට මැදිවූයේ නිරායාසයෙනි.
 
බිඳී නොගිය කාලානුරූපී ප්රතිරූපයකට තවමත් හිමිකම් කියන දිල්හානි අශෝකමාලා සොයා යන්නට සිතුණේ මේ දිනවල ඇගේ කිසිදු කතාබහක් නැති නිසාය.

කියන්න දිල්හානි මේ දවස්වල ඇයි ඔබ නිහඬතාවක මැදිව ඉන්නේ?
මම නිහඬව සිටින බව ඔයාලට දැනුණේ ඇයි කියන්න මම දන්නෙ නැහැ. හැබැයි මම නිහඬ නම් නැහැ.
කොවිඞ් උවදුර නිසා හැම දෙයක්ම ආපස්සට ගිය කාලයක නම් මඳත් කලාකටයුතුවලින් ඈත්වෙලා උන්නා. නමුත් නැවැතත් වැඩ ආරම්භ කළ නිසා අනෙක් හැමෝම වාගේම මමත් රූගත කිරීම්වලට සහභාගි වෙනවා. විශේෂයෙන්ම පසුගිය දින කිහිපය තුළ ටෙලිනාට්යයක රූගත කිරීම් සඳහා දිගටම කාලය වැයකළා.
 
සැකයක් තිබුණා ඔබ යම් කලකිරීමක් මත නිහඬවෙලාවත්ද කියා?
ලොකු වැරැදීමක්. මම කවදාවත්ම වෘත්තීමය වශයෙන් මා නියැළී සිටින කලා ක්ෂේත්රය ගැන කලකිරීමට පත්වෙන්නේ නැහැ. ඒ වගේම කලකිරීම කියන වචනය කොහොමවත් මම භාවිතයට ගන්නේද නැහැ.
 
එහෙම නම් දිල්හානි ඔබ මාධ්යවලින් මුවාවී සිටිනව කිව්වොත් හරිද?
නැහැ, එයද සම්පූර්ණ වැරැදි අදහසක්. හැබැයි මෙහෙම දෙයක් තියෙනවා. මම නිතර මාධ්ය හරහා සැරිසරන්නියක නම් නෙවෙයි. විශේෂයෙන් සමාජජාලා වෙබ්අඩවි හරහා කැපී පෙනෙන චරිතයක් වෙන්න හෝ එහි උණුසුම් පුවත් මවන්නියක වෙන්න මම කැමැති නැහැ. දිල්හානි අශෝකමාලා කියන්නේ වෘත්තීය වශයෙන් නිළියක්. එම නිළි වෘත්තිය හරහා මට ලැබෙන ආරාධනා ඔස්සේ මම රංගනය හරහා ප්රේක්ෂකයන් අතරට එනවා. මාධ්යය භාවිතයට ගෙන පිම්මේ කලාව මා තුළ ඊයේ, අද මෙන්ම හෙටද ඇති වූවක් හෝ වෙන්නක් නොවේ.
 
ඔබ සිනමාවේ තරුවක වූයේ වාණිජ රැල්ල හරහායි?
සත්තකින්ම එය එහෙමයි. කවදාවත් කොතැනකවත් මම එය නැහැ කියන්නේ නැහැ. දිල්හානි අශෝකමාලා කියන කලාකාරිය අද සිටින්නේ කොතැනද? ඒ තැන සඳහා ඉවහල් වූයේ මා රඟපෑ වාණිජ චිත්රපට පෙළයි. සරලවම කියනව නම් කතාබහට ලක්වන නිළියක වීම සඳහා මට ඉණිමඟ වූයේ ඒ වාණිජ රැල්ලයි. ඒ තැනට මා ගෙන ආ ප්රවීණ චිත්රපට අධ්යක්ෂ යසපාලිත නානායක්කාර මහතාට අද මේ මොහොතේද මම ස්තුතිවන්ත වෙනවා.
 
හිටි අඩියේම ඔබ වාණිජ රැල්ලෙන් ඔබ්බට ගියා නේද?
ඔබ්බට ගියේ නැහැ. ගුණාත්මක චිත්රපට රංගනය සඳහා දායක වන ආරාධනා මට ලැබුණාය කිව්වොත් හරියටම හරි. ඇත්තටම කියනව නම් එවකට තරුණ නළුවන් සමඟ මුහුදු වෙරළෙහි, මල්ගස් වටෙහි දුවන කොට හැමෝම හිතුවේ මම වාණිජ තරුවක් පමණය කියලයි. නමුත් අශෝක හඳගම කියන අපූරු නිර්මාණකරුවා එය සම්පූර්ණ වෙනස් කරවමින් ‘මේ මගේ සඳයි’ සිනමාවට ගෙන ආවා. ‘මේ මගේ සඳයි’ කියන්නේ ‘මගේ සිනමා ජීවිතයේ හැරවුම් ලක්ෂ්යයි. එයට පසුව නොසිතූ ලෙස ගුණාත්මක චිත්රපට සඳහා මට ඇරැයුම් ලැබෙන්න ගත්තා. පරාක්රම ජයසිංහ, රෝයි ද සිල්වා, බෙනට් රත්නායක වැනි සිනමාකරුවන්ගේ උසස් නිර්මාණ සඳහා දායක වීමේ වරම මට ලැබුණා. අන්න එතැනදී දිල්හානි අශෝකමාලා ‘වාණිජ තරුවක් පමණය’ කියන ලේබලය ගැලවී ගියා. හැබැයි, ඒ ගුණාත්මක චිත්රපට සඳහා පයතැබීමේ භාග්යය මට උදාවුණේ යසපාලිත නානායක්කාර කියන ප්රවීණ කලාකරුවා මට දුන් ආභාෂය මතයි.
 
චිත්රපටවලින් හිඟයක් නොවන්නට හේතුව වූයේ ඔබේ සුහද මිත්රශීලී බවද දිල්හානි?
ඔව්. එයද හේතුවක් වූවා වෙන්නට පුළුවන්. ඒ වගේම මම කා සමඟවත් ආරවුල් හදාගත්තේ නැහැ. ආරවුල් යැයි මම මෙතැනදී අදහස් කරන්නේ අරයා මට කැපිලි දානවා, මෙයා මට ගරහනවා, මට විරුද්ධව අර කට්ටිය කුමන්ත්රණයක යෙදෙනවා කියන කතා මම කාටවත් කිව්වේ නැහැ. සත්තකින්ම මට එහෙම කැපිල්ලක් ආවෙත් නැහැ. කවුරුත් මට අභියෝගයක් වුණෙත් නැහැ. මගේ ගමන මම පටන්ගත්තේ බොහොම පුංචි තැනින්. හැබැයි ඒ ගමන හරිම ශක්තිමත්. කිසිම කෙනකුට ‘දිල්හානි අශෝකමාලාව’ නැතිකර දාන්න බැරි තරමට මගේ අත්තිවාරම ශක්තිමත් වුණා.
 
තවමත් ඔබට චිත්රපට අධ්යක්ෂවරුන්ගෙන් ආරාධනා ලැබෙන බවට ආරංචියි?
ඔව් අනේ, සමහර චරිත මට හරි යන්නෙත් නැති තරමට තරුණයි. මම ඔවුනට විහිළු කරනවා. මාව දැන් ඕවට හරියන්නෙ නැහැ. තරුණ නිළියකට ආරාධනා කරන්නය කියලා. එතකොට ඔවුන් කියනවා අයියෝ දිල්හානි මේ චරිතයට හරියන වෙන විකල්පයක් නැහැ කියලා.
 
එතකොට නම් ඔබට ආඩම්බරයක් දැනෙනවා ඇති. ‘මම තාම තරුණයි නේද කියලා?’
එහෙමමත් නැහැ. මම බොහොම සාමාන්ය කෙනෙක්. මම යථාර්ථවාදීව මගේ වටපිටාව දකින්න කැමැතියි. මම ලොකු පුතෙක් ඉන්න මැදිවියේ අම්මා කෙනෙක්. මගේ පුතාගේ විවාහයත් සිද්ධවෙලා ඉවරයි. රංගනයෙන් බැහැරව ගත්කල මම සාමාන්ය ගැහැනියක ලෙස තමයි ඉන්න කැමැති. නාලා කරලා තෙල් ටිකක් ගාලා ඔළුව පීරලා සමහර වෙලාවට මම බුලත් විටකුත් හපනවා. මම නිළියක්ය… මම ඉන්න ඕනෑ ඒ නිළිය විදියට නේද කියන අසාමාන්ය සරුවපිත්තල හැඟීම හිත තුළ තියාගෙන මම වදවිඳින්නේ නම් නැහැ.
 
තරුණ අම්මා කෙනකුගේ චරිතය ලැබුණොත් එය බාර ගන්නවද?
ඒ ගැන කිසිම අමනාපයක් නම් නැහැ. හැබැයි ‘දිල්හානි දැන් හොඳ තරුණ අම්මා කෙනකුට කියන ලේබලය’ මැද රඟපානවට වැඩිය, මට දැනෙන යමක් කරන්න පුළුවන් ගැඹුරට හිතන්න යමක් තියෙන අම්මා කෙනකුගේ චරිතයකට මැදිවෙන්න මම ආසයි.
 
ඉලක්ක සහ අනාගත බලාපොරොත්තු ගැන කතා කරන්න කැමැතිද ඔබ?
කලා ලොවේ ‘දිල්හානි අශෝකමාලා’ කියන අය ගැන තවදුරටත් කෙනකුට කතාබහ කරන්නට හැකි යමක නිරත වෙන්න පුංචි ආශාවක් තියෙනවා. ඒ වගේම මගේ මහත්තයා ප්රියංකර සමඟ සැඳෑසමය ගතකරන ආකාරය සහ එහි නිදහස සුවසේ අත්විඳින ආකාරය ගැන ප්ලෑන් කරන බලාපො-රොත්තුව තුළ මම කළු – සුදු හීනයක් දකිනවා. දැනට මා තුළ තියෙන ඉලක්ක එපමණයි.
 
ප්රේක්ෂකයන්ට කියන්නට යමක්?
ප්රේක්ෂකයන්ට හැමදාම, හැම මොහොතකම ස්තුතියි කියනවා. දිල්හානි අශෝකමාලාව මේ තැන තැබූ එකටත්, මගතොටේදී දැක්කම ළඟට ඇවිදින් දක්වන ආදරණීය ප්රතිචාරයටත් ඔවුනට හැම මොහොතකම ස්තුති කරනවා.
 
දමයන්ති රේණුකා ප්රනාන්දු විසින් මව්රට පුවත්පතේ "හාර්ට්" අතිරේකයට ලියූ ලිපියකි.


Make a Comment
Make a Comment


මෙන්න බලන්න තවත් ගොසිප්




Recent Gossip Post




Dura Penena Thanithala - Senior Choir Gateway College Colombo
Dura Penena Thanithala
Senior Choir Gateway College Colombo
⤵  306 Downloads

Hiru Shraddhabhi Wandana Theme Song 2020 - Yaham Hettiarachchi
Hiru Shraddhabhi Wandana Theme Song 2020
Yaham Hettiarachchi
⤵  835 Downloads

Dawasak Thiyewi - Rana with AURA
Dawasak Thiyewi
Rana with AURA
⤵  586 Downloads

Lowama Ekalu Kala Deshayak - Fredy Alex Silva
Lowama Ekalu Kala Deshayak
Fredy Alex Silva
⤵  1,501 Downloads

Gedarata Wela Inna - Seeduwwa Sakura
Gedarata Wela Inna
Seeduwwa Sakura
⤵  1,309 Downloads

Hemin Sare Aa Sulangak  - Sanka Dineth
Hemin Sare Aa Sulangak
Sanka Dineth
⤵  2,116 Downloads

Mahapolovata Nivaduwak - Warsha Vihangi Samaranayaka
Mahapolovata Nivaduwak
Warsha Vihangi Samaranayaka
⤵  7,795 Downloads

Guru Geethaya - Bhanuka G Senarath
Guru Geethaya
Bhanuka G Senarath
⤵  4,106 Downloads

Thanikada Ahase - Bhanuka G Senarath
Thanikada Ahase
Bhanuka G Senarath
⤵  1,954 Downloads

Awasan Haduwa - Pawan Minon
Awasan Haduwa
Pawan Minon
⤵  38,065 Downloads



Top