මිණිබිරිය කෙලෙසු සීයාට වසර 18ක බරපතළ වැඩසහිත සිරදඬුවම් ලැබෙද්දී, ලක්‍ෂ පහක වන්දියක්ද නියම වෙයි - Rape Case - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

...

Aug

මිණිබිරිය කෙලෙසු සීයාට වසර 18ක බරපතළ වැඩසහිත සිරදඬුවම් ලැබෙද්දී, ලක්‍ෂ පහක වන්දියක්ද නියම වෙයි

1 Views

තම ආරක්‍ෂාව යටතේ සිටි 8 හැවිරිදි මිණිබිරිය දූෂණය කළ 53 හැවිරිදි සීයාට වසර 18 ක බරපතල වැඩ ඇතිව සිර දඬුවමක් සහ රුපියල් 25000 ක දඩයක් සහ ලක්‍ෂ 5 ක වන්දි ගෙවීමකට යටත් කිරීමට රත්නපුර මහාධිකරණ විනිසුරු නවරත්න මාරසිංහ මහතා ඉකුත් 07 වැනිදා නියෝග කළේය.

එසේ දඬුවම් නියම වූයේ කලවාන පදිංචි පලනියන්ඩි මහාරාජා පූසාරි නොහොත් සීයා නමැත්තෙකු වේ. 2015.04.19 වන දින රක්වානේදී වයස අවුරුදු 8 ක තමාට ඥාතීත්වයක් ඇති දැරියක දූෂණය කළේය යනුවෙන් විත්තිකරුට එරෙහිව නීතිපතිවරයා රත්නපුර මහාධිකරණය හමුවේ අධිචෝදනාවක් නගා තිබිණි. විත්තිකරු චෝදනාවට නිවැරදිකරු බව කියන ලදුව දීර්ඝ ලෙසින් නඩුව විමසනු ලැබිණි. අවසානයේ විත්තිකරු චෝදනාවට වරදකරු බවට විනිසුරු තීන්දු කළේය.

නඩු විභාගයේදී හෙළිදරව්වූ කරුණු වලට අනුව විත්තිකරු අපරාධය සිදුකර ඇත්තේ තම පුත්‍රයාගේ දියණියටය. දැරියගේ පියාත් මවත් කුලී රැකියා සඳහා නිවසින් පිටත්ව යන නිසා ඔවුන්ගේ වසර 2 1/2 ක් සහ පාසල් යන 8 හැවිරිදි දැරිය රැකබලාගැනීම සඳහා විත්තිකරු ඔවුන්ගේ නිවෙසට කැඳවා තිබී ඇත. ඔහු 8 හැවිරිදි දැරියට ස්ත්‍රී දූෂණ වරද සිදුකර ඇත්තේ ඒ අතරතුය.

වින්දිත දැරිය ඒ වන විට හෝමෝන් ඌනතාවයකින් පෙලෙමින් සිටි අයෙකු වන අතර ඒ සඳහා ඇයව කොළඹ රිජ්වේ ළමා රෝහලෙන් ප්‍රතිකාර ලබාදෙමින් සිට ඇත. එසේම ඇයට එම රෝහලේදීම කළ ශල්‍ය කර්මයක් මගින් කෘත්‍රිම යෝනි මාර්ගයක්ද සකස් කර ඇත. දැරිය දූෂණයට ලක්වූ දිනට පසුදින ඇගේ දෙමාපියන් ඇය රැගෙන ප්‍රතිකාර සඳහා රිජ්වේ ළමා රෝහලට ගොස් ඇත. එහිදී දැරියගේ මව සිදුවීම වසන් කිරීමට තැත්කළද වෛiවරුන් රැවටීමට ඇය සමත්වී නැත. වින්දිත දැරිය පරීක්‍ෂා කළ රත්නපුර රෝහලේ විශේෂඥ අධිකරණ වෛද්‍යවරයා නිසැක ලෙසම දැරිය ස්ත්‍රී දූෂණයට ලක්වී ඇති බවට සාක්‍ෂි වලින් තහවුරු කළේය.

විත්තිකරුට නියම කරන දඬුවම ළිහිල් කර ගැනීම සඳහා කරුණු දැක්වීමට විත්තියේ නීතිඥවරයාට අධිකරණය ඉඩ ලබාදුන් අතර විත්තිකරු අකුරු කියවීමට හෝ ලිවීමට නොදන්නා කිසිදු අධ්‍යාපනයක් නොලද පුද්ගලයකු බව හෙතෙම පැවැසුවේය. අධ්‍යාපනයත් සමාජ මට්ටම සහ වටපිටාවත් පුද්ගලයකුගේ හැසිරීමට බලපාන බැව් සඳහන් කළ නීතිඥවරයා වයෝවෘද්ධ විත්තිකරුට ළිහිල්ව දඬුවම් කරන ලෙසට අධිකරණයෙන් ඉල්ලා සිටියේය.

සීයා තමාට සිදුකළ කරදරය සම්බන්ධයෙන් ඔහුට දඬුවම් නියම කරන අවස්ථාවේ තමාට කීමට යමක් තිබේදැයි විනිසුරුවරයා වින්දිත දැරියගෙන් ඇසූවිට ඇය පැවසුවේ ‘‘සීයාට දැඩිලෙස දඬුවම් ලබාදෙන්න’’ යනුවෙනි.

පැමිණිල්ල මෙහෙය වූ රජයේ අධිනීතිඥ සමදරි පියසේන මහත්මිය අධිකරණය අමතමින් මෙම සිදුවීමේදී දැරියට මෙන්ම ඇගේ මවටද බලවත් ශාරීරික හා මානසික වේදනාවක් ඇතිවූ බවද සිද්ධිය හෙළිදරව්වීමෙන් පසු දැරියට සාධාරණයක් ඉටුකරදීමට ඇගේ පියාගෙන් මවට කිසිදු සහයෝගයක් නොලැබුණ බවද සඳහන් කරමින් දැරියගේ මවටද විත්තිකරුගෙන් සුදුසු වන්දියක් ලබාදෙන ලෙසට ඉල්ලා සිටියාය.

විත්තිකරුට දඬුවම් නියම කරමින් විනිසුරු ප්‍රකාශකළේ විත්තිකරු කර ඇති සිද්ධිය ශිෂ්ට සමාජයේ වැඩිහිටියෙකු කිසිසේත්ම අනුමත නොකරන ම්ලේච්ඡු ක්‍රියාවක් බවය. එවැනි වරදක් කළ අයෙකුට ළිහිල්ව කටයුතු කිරීම යනු සමාජයට දෙන ඉතා වැරදි පූර්වාදර්ශයක් මෙන්ම මහජනයා අධිකරණය කෙරෙහි තැබූ විශ්වාසය බිඳ දමන්නක්ද වන බවය.

විත්තිකරුට නියම කළ දඬුවම් අතර වින්දිත දැරියට රුපියල් ලක්‍ෂ 4 ක්ද ඇගේ මවට ලක්‍ෂ 1 ක් වන්දි වශයෙන් ගෙවීමටද වෙයි.