Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Aug
08
"සමහරු මගේ මරණය ප්‍රර්ථනා කළා.." - අමිතාබ් රෝහලේදී වින්ද අත්දැකීම්

- "සමහරු මගේ මරණය ප්‍රර්ථනා කළා.." - අමිතාබ් රෝහලේදී වින්ද අත්දැකීම්Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

3,306 Views
බච්චන් පවුලේ සිවු දෙනකුම කොරෝනා වයිරසයට ගොදුරු වී රෝහල් ගත කිරීම පසුගිය දිනවල මහත් අවධානයක් දිනාගත් සිදුවීමක් වුණා. ඒ ආකාරයෙන් ආසාදිතයන් බවට පත් වූයේ අමිතාබ්, අභිෂේක්, අයිශ්වර්යා සහ ආරාධ්‍යා යන සිවු දෙනායි. 9 හැවිරිදි ආරධ්‍යා, අභිෂේක්-අයිශ්වර්යා දෙදෙනාගේ දියණියයි.

දින කිහිපයක් රෝහලේ නතර වී ප්‍රතිකාර ගැනීමෙන් පසු අයිශ්වර්යාට සහ ආරධ්‍යාට ඉක්මනින්ම නැවත නිවෙස වෙත යෑමට හැකියාව ලැබුණත් අමිතාබ් සහ අභිෂේක් පියපුතු දෙදෙනාට දිගටම රෝහල්ගතව සිටීමට සිදු වුණා. කෙසේ වෙතත් පසුගිය ඉරිදා (02දා) පළ වූ තවත් සතුටුදායක පුවතකින් පැවැසුණේ අමිතාබ් බච්චන්ද සුවය ලබා රෝහලෙන් පිටව ඇති බවයි. එය ඔහුගේ පවුලේ අයට මෙන්ම රසික රසිකාවියන්ටද, සිනමා ක්‍ෂේත්‍රයේ හිතවතුන්ටද විශාල සතුටක් ඇති කළ කාරණාවක් වුණා.

ඒ වනවිට ඔහු සහ අභිෂේක් රෝහල්ගත කර සති තුනකට ආසන්න කාලයක් ගත වී තිබීම විශේෂත්වයක්. ඔවුන් දෙදෙනා රෝහල්ගත කෙරුණේ පසුගිය ජූලි 11 වැනි දිනයි. ඔවුන්ට මෙතරම් කාලයක් රෝහලේ නතර වී සිටින්නට සිදු වූයේ ඔවුන්ගේ සිරුරු තුළ දිගින් දිගටම කොරෝනා වයිරසය පැවතීම පරීක්‍ෂණවලින් පෙනීයෑම නිසයි. අමිතාබ්ගේ වයස මේ වනවිට අවුරුදු 77ක්. ඔහු සිටියේ කොරෝනා වයිරසයෙන් වැඩිම අවදානමක් ඇති වයස් කාණ්ඩයේ බවත් අමතක කළ නොහැකියි. මේ නිසා වෛද්‍යවරුන් ඔහුගේ තත්ත්වය ගැන විශාල අවධානයකින් පසු වූ බව පෙනෙන්නට තිබුණා.
 
ඔවුන් දිගටම රෝහලේ නතරව සිටියත් අමිතාබ් සහ අභිෂේක් දෙදෙනාගේ තත්ත්වය එතරම් බරපතළ බවක් පෙනෙන්නට තිබුණේ නැහැ. ඔවුන් නිරන්තරයෙන් සමාජ මාධ්‍ය හරහා තම රසික රසිකාවියන් සමඟ අදහස් බෙදා ගන්නා ආකාරය දැකිය හැකි වුණා. කොවිඩ් රෝගියකු වීම නිසා තමාට අත්විඳින්නට සිදුව ඇති හුදෙකලාව ගැන වරක් අමිතාබ් සිය ට්විටර් ගිණුමේ සටහන් කර තිබුණා. තමා දැන් දවසේ වැඩියෙන්ම බලාගෙන සිටින අවස්ථාව වෛද්‍යවරුන් සහ හෙද හෙදියන් තමා පරීක්‍ෂා කිරීමට පැමිණෙන අවස්ථාව බවයි ඔහු පවසා තිබුණේ. ඔහු අත්විඳිමින් සිටි හුදෙකලා බව නිසා වෛද්‍යවරුන් හෙද හෙදියන් සමඟ හෝ කතාබහ කිරීමට ලැබෙන අවස්ථාව ඔහුට වැදගත් වූ බවයි පෙනුණේ. ඒ වගේම තමාගේ සෞඛ්‍ය තත්ත්වය ගැන දැන ගැනීමටත්, තමාට ඉක්මනින් ගෙදර යෑමට හැකි වේවිද යන්න දැන ගැනීමටත් ඔහු තුළ ලොකු ආසාවක් තිබුණා විය හැකියි. ජීවිතයේ සහ ලෝකයේ අවිනිශ්චිත බව ගැනත් වරක් ඔහු ලියා තිබුණා. 'ලෝකය මහ අමුතු තැනක් බවට පත්වෙලා. හෙට දවසේ කුමක් සිදු වේවිද යන්න ගැන පවා කිසිවක් සිතාගත නොහැකියි'.

අමිතාබ් කෙතරම් ජනප්‍රිය පුද්ගලයකු වුවත් ඔහුට වෛර කරන්නන්, ඔහු පිළිකුල් කරන්නන්ද සිටින බව දැකිය හැකියි. පසුගියදා එවැනි අයගේ සමාජ මාධ්‍ය පණිවුඩ නිසා අමිතාබ් තරමක් සසල වී සිටි ආකාරයකුත් දකින්න ලැබුණා. ඔහුගේ මරණය ප්‍රාර්ථනා කරමින්ද සමහරුන් සටහන් පළකර තිබුණු නිසයි ඒ. එවැනි අවස්ථාවල අමිතාබ් ඉතා කෝපයෙන්, කලකිරීමෙන් සහ නොඉවසිලිමත් ගතියෙන් පිළිතුරුදී තිබූ අතර බොහෝ දෙනා පැවැසුවේ එම පිළිතුරු අමිතාබ්ගේ සාමාන්‍ය ස්වභාවයට නොගැළපෙන බවයි. නමුත් මෙවැනි බරපතළ අසනීපයකින් පෙළෙමින් සිටින අවස්ථාවක ඒ වැනි දුෂ්ට පණිවුඩ ලැබෙන විට කෙනකු මානසිකව පත්වන තත්ත්වය තේරුම් ගැනීම අපහසු නැහැ.

අයිශ්වර්යා සහ ආරධ්‍යා සුවය ලබා රෝහලෙන් නික්ම යද්දී තමාගේ ඇස්වලට කදුළු නැඟුණු බවත් අමිතාබ් ඔහුගේ ට්විටර් ගිණුමේ සටහන් කර තිබුණා. ඒ, ඔවුන් ඉක්මනින් සුවය ලැබීම ගැන නැඟුණු සතුටු කඳුළුයි. ආරධ්‍යා නික්ම යෑමට පෙර ඇය වැලඳ ගැනීමට අමිතාබ්ට අවසර ලැබී තිබුණා. 'මගේ ඇස්වලින් කඳුළු ගලන්න පටන් ගත්තා. පුංචි කෙල්ල මාව වැලඳගෙන අඬන්න එපා සීයේ කියලා කිව්වා. සීයටත් ඉක්මනින් ගෙදර එන්න ලැබෙයි කිව්වා. මම ඇයව විශ්වාස කරනවා' යනුවෙන්ද අමිතාබ් එහි ලියා තිබුණා.

මේ අතර අභිෂේක් පසුගිය දිනෙක ඔහුගේ ට්විටර් ගිණුමේ පළකර තිබූ ඡායාරූපයක් ගැන බොහෝ දෙනාගේ අවධානය යොමුව තිබෙනු දැකිය හැකි වුණා. එහි සටහන් වූයේ රෝහලේ පාළු කොරිඩෝවක්. රාත්‍රි කාලයක ගෙන තිබූ එම ඡායාරූපය ඔහුගේ පාළුව, තනිකම, ශෝකය පිළිබිඹු කරන්නක් ලෙස සැලකිය හැකියි. එම කොරිඩෝව කෙළවර විදුලි එළියක් දක්නට ලැබෙන අතර අභිෂේක් ඡායාරූපයට යටින් ලියා තිබූ වැකියක සටහන් වූයේ 'බිම් ගෙය කෙළවර ආලෝකයක්' යනුවෙනුයි. ඉක්මනින් සුවය ලැබීමට ඇති බලාපොරොත්තුවක්, ලෝකයද ඉක්මනින් යථා තත්ත්වයට පත්වනු දකින්නට ඇති කැමැත්තක් මෙයින් කියැවෙන බව සැලකිය හැකියි. කෙසේ වෙතත්, මෙම සටහන ලියන අවස්ථාව වනවිටත් අභිෂේක්ට රෝහලෙන් නික්මයෑමට හැකිව තිබුණේ නැහැ. ඒ තවදුරටත් ඔහුගේ සිරුර තුළ කොරෝනා වයිරසය පවතින බව පරීක්‍ෂාවන්හිදී හෙළි වීම නිසයි. තමා කෙසේ හෝ වයිරසය පරාජය කරන බවත්, වඩාත් නිරෝගී ආකාරයෙන් ඉක්මනින් නැවත පැමිණෙන බවත් ඔහු ට්විටර් සටහනක සඳහන් කර තිබුණා.

සනත් වික්‍රමගේ
Make a Comment
Make a Comment


මෙන්න බලන්න තවත් ගොසිප්




Recent Gossip Post




Dura Penena Thanithala - Senior Choir Gateway College Colombo
Dura Penena Thanithala
Senior Choir Gateway College Colombo
⤵  306 Downloads

Hiru Shraddhabhi Wandana Theme Song 2020 - Yaham Hettiarachchi
Hiru Shraddhabhi Wandana Theme Song 2020
Yaham Hettiarachchi
⤵  835 Downloads

Dawasak Thiyewi - Rana with AURA
Dawasak Thiyewi
Rana with AURA
⤵  586 Downloads

Lowama Ekalu Kala Deshayak - Fredy Alex Silva
Lowama Ekalu Kala Deshayak
Fredy Alex Silva
⤵  1,501 Downloads

Gedarata Wela Inna - Seeduwwa Sakura
Gedarata Wela Inna
Seeduwwa Sakura
⤵  1,309 Downloads

Hemin Sare Aa Sulangak  - Sanka Dineth
Hemin Sare Aa Sulangak
Sanka Dineth
⤵  2,116 Downloads

Mahapolovata Nivaduwak - Warsha Vihangi Samaranayaka
Mahapolovata Nivaduwak
Warsha Vihangi Samaranayaka
⤵  7,795 Downloads

Guru Geethaya - Bhanuka G Senarath
Guru Geethaya
Bhanuka G Senarath
⤵  4,106 Downloads

Thanikada Ahase - Bhanuka G Senarath
Thanikada Ahase
Bhanuka G Senarath
⤵  1,954 Downloads

Awasan Haduwa - Pawan Minon
Awasan Haduwa
Pawan Minon
⤵  38,065 Downloads



Top