Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

May
31
සැබෑ ජීවිතයෙත් සාර්ථක යුග ජීවිත ගත කෙරුව රිදී තිරයේ ආදරවන්තයන් - Photos

- සැබෑ ජීවිතයෙත් සාර්ථක යුග ජීවිත ගත කෙරුව රිදී තිරයේ ආදරවන්තයන් - PhotosHiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

26,876 Views
රිදී තිරයේ ආදරවන්තයන් දෙදෙනෙක් සැබෑ ලෝකයේදීත් ආදරවන්තයන් බවට පත් වීම ටිකක් විරල සිදුවීමක්. මේ කියන්නේ තිරයෙන් පිටත ආදර සබඳතා ගැන පැතිර යන කටකතා ගැන නෙවෙයි. සැබෑ ජීවිතයේදී නීත්‍යනුකූලව විවාහ වෙලා වසර ගණනාවක් පුරා සාර්ථක යුග ජීවිත ගත කෙරුව රිදී තිරයේ ආදරවන්තයන් ගැන තමයි මේ කතා කරන්නේ.
 
සාමාන්‍යයෙන් අපිට ඒ වගේ තරු යුගල ගොඩක් හම්බ වෙන්නේ බොලිවුඩයේදී. හොලිවුඩය පැත්තෙනුත් ඒ වගේ යුගල කිහිපයක්ම හොයා ගන්න පුළුවන්. ඒ වගේම අපේ සිනමාවෙත් ඒ වගේ තරු යුගල කිහිපයක්ම ඉන්නවා. ඒ සියලු දෙනා අදටත් ඉතා සාර්ථක යුග ජීවිත ගත කරනවා. ඒ අය කවුද කියලා පොඞ්ඩක් හොයලා බලන්න තමයි මේ හදන්නේ.

ප්‍රියංකර- දිල්හානි
 
මෑත කාලයේ හැමෝගෙම ආදරයට ලක් වුණු ජනප්‍රිය සිනමා තරු යුගලක් තමයි මේ. ජනප්‍රිය ගායන ශිල්පී මිල්ටන් පෙරේරා මහතාගේ පුතු ලෙසින් ගායන ලෝකයට උරුමකම් සහිතව උපත ලැබුවත්, ප්‍රියංකර දක්ෂ නළුවෙක් ලෙසින්ද ජනප්‍රියත්වයට පත් වෙනවා. 1991 වසරේදී සිනමාවට පිවිසෙන දිල්හානි වර්තමානයේදීත් තම ජනප්‍රියත්වය ඒ විදියටම රැක ගන්න සමත් වුණු නිළියක්. 1996 වසරේදී තිරගත වුණු “මධුරි” තමයි ප්‍රියංකර- දිල්හානි එකට රඟපෑ පළමු චිත්‍රපටය ලෙසින් සැලකෙන්නේ. වසර ගණනාවක් පුරා දිව යන ඒ ආදර කැදැල්ලේ උරුමය හිමි වෙලා තියෙන්නේ දිල්මිත් පෙරේරා. ප්‍රියංකර- දිල්හානි යුවළගේ ආදරණීය පුතණුවන්, ඔහුත් මේ වෙද්දි ජනප්‍රිය ගායන ශිල්පියෙක්.
 
බිමල් – සුජානි
 
බිමල්, සුජානි දෙන්නම රසිකයන් අතර ජනප්‍රිය වෙන්නේ ටෙලි නාට්‍ය කලාව හරහා. ටෙලි නාට්‍ය කලාව හරහා ජනප්‍රිය වූ බිමල් 2006 වසරේදී තමයි තම මංගල සිනමා නිර්මාණයට එකතු වෙන්නේ. ඒත් සුජානි මේනකා සිනමාවට එකතු වෙලා තියෙන්නේ ඊට ගොඩ කාලෙකට කලින්. ඒ 1987 වසරෙදි ළමා චරිතයක් නියෝජනය කරමින්. ටෙලි නාට්‍ය කලාව හරහා ජනප්‍රයි වුණා වගේම මේ දෙන්නගේ ආදර කතාව පටන් අරන් තියෙන්නෙත් ඒ හරහා. 2000 වසරේදී රූගත කරන ලද “රම්‍ය සුරම්‍ය” ටෙලි නාට්‍ය අතරතුරේදී තමයි බිමල්- සුජානි ආදර කතාව ඇරඹිලා තියෙන්නේ. නව පරපුරේ ආදර්ශවත් තරු යුගලක් විදියට අදටත් මේ දෙන්නා හැමෝගෙම ආදරය දිනාගෙන තියෙනවා.
 
තුමිඳු- කළණි
 
අද වෙද්දි කලා ලෝකයේ ජනප්‍රිය තරු යුගලක් බවට පත් වෙලා තිබුණත්, තුමිඳු- කළණි දෙන්න හමු වෙලා තියෙන්නේ රූපගත කිරීමක් අතරතුරේදී නෙවෙයි. ඒ හින්දා මේ ආදර කතාව අනෙක් ආදර කතා හැම එකකටම වඩා වෙනස් එකක්. 2007 වසරේදී “සංඛාරා” චිත්‍රපටය සමඟින් කලා ලෝකයට අවතීර්ණ වූ තුමිඳු ජනප්‍රියත්වයේ හිණිපෙත්තට ළඟා වෙන්නේ 2017 වසරේදී විකශනය වුණු “කූඹියෝ” ටෙලි නාට්‍ය හරහා. තුමිඳුගේ ආදරණීය බිරිඳ වන කළණි සිනමාවට එකතු වෙන්නේ පසුගිය වසරේ තිරගත වුණු “තාල” චිත්‍රපටයෙන්. ඒත් වසර ගණනාවක ඉඳන් තුමිඳු වගේම කළණිත් වේදිකාවේ තම හැකියාව මොනවට පෙන්නුම් කරලා තියෙනවා. මේ දෙන්නා විවාහ වෙලා තියෙන්නේ 2014 වසරේදී. අද වෙද්දී ඔවුන් දෙදෙනා පුංචි පුතකුගේ දරු සුරතල් බලනවා.
 
ශ්‍රියන්ත – කුසුම් රේණු
 
මේ දෙන්නා ගැන අමුතුවෙන් විස්තර කියන්න ඕනෑ නැහැ. ශ්‍රියන්ත, කුසුම් රේණු දෙන්නම සිනමාව විතරක් නෙවෙයි ටෙලි නාට්‍ය සහ වේදිකාවත් එක වගේ ජය අරන් තියෙනවා. ඒ වගේම ඔවුන් දෙදෙනා වසර ගණනාවක් පුරා ඉතාම සාර්ථක යුග දිවියක් ගත කරනවා. 1984 වසරේදී වේදිකා ගත කළ “පණ්ඩුකාභය” වේදිකා නාට්‍යයේදී තමයි මේ දෙන්නගේ ආදර කතාව ආරම්භ වෙලා තියෙන්නේ. 1986 වසරේදී ඔවුන් දෙදෙනා විවාහ දිවියට එළැඹෙනවා. ශ්‍රියන්ත- කුසුම් රේණු යුවළට දාව දියණියන් දෙදෙනෙක් ඉන්නවා.
 
රෝයි – සුමනා
 
ජනප්‍රිය සිනමා නළුවෙක් ලෙසින් කලා ලෝකයට පිවිසුණු රෝයි ද සිල්වා පසුව විශිෂ්ට ගණයේ සිනමා අධ්‍යක්ෂවරයකු ලෙසින් සිනමා කෘති කිහිපයක් සිංහල සිනමාවට දායාද කරනවා. සිංහල සිනමාවේ “ස්වීට් ගර්ල්” ලෙසින් හැඳින්වූ සුමනා අමරසිංහ බොහෝ දෙනකුගේ ආදරය දිනා ගත් සිනමා තාරකාවක්. පසුව සහාය අධ්‍යක්ෂවරියක් සහ නිෂ්පාදිකාවක් ලෙසින්ද ඇය සිංහල සිනමාවට විශාල මෙහෙයක් ඉටු කර තිබෙනවා. රිදී තිරයේ පෙම්වතුන් වූ රෝයි සහ සුමනා සැබෑ ලෝකයේ ආදර කතාව අරඹලා තියෙන්නේ 1969 වසරේදී. ඒ “හතර පෙරළිය” චිත්‍රපටය අතරතුරේදී. වසර කිහිපයක් ගලා ගෙන ගිය ආදර කතාව අවසානයේ 1975 වසරේදී ඔවුන් දෙදෙනා විවාහපත් වෙනවා. කෙසේ නමුත් පසුගිය 2018 වසරේදී රෝයි ද සිල්වා ඒ ආදර කතාවට විතරක් නෙවෙයි ජීවන ගමනටත් නිමාව තියනවා. ඒත් ඒ ආදර කතාව තවමත් අමරණීයයි.
 
ආනන්ද- මානෙල්
 
දශක හයකට වැඩි කාලයක් දිවෙන කලා ඉතිහාසයක් සහිත යුවළක් තමයි මේ. ආනන්ද- මානෙල් යුවළ විවාහ වෙලා තියෙන්නේ 1984දි. සිනමාව, ටෙලි නාට්‍ය වගේම වේදිකාවත් ජය ගත් මේ යුවළගේ විවාහ දිවියත් ඉතාම සාර්ථකයි. මොවුන් දෙදෙනාට දාව පුතුන් දෙන්නෙක් ඉන්නවා. ඒ ජනිත් ගමගේ සහ සංඛේත් ගමගේ. ඔවුන් දෙදෙනාත් මේ වෙද්දී ජනප්‍රිය කලාකරුවන් බවට පත් වෙලා.
 
මව්රට


Make a Comment
Make a Comment


මෙන්න බලන්න තවත් ගොසිප්




Recent Gossip Post




Dura Penena Thanithala - Senior Choir Gateway College Colombo
Dura Penena Thanithala
Senior Choir Gateway College Colombo
⤵  306 Downloads

Hiru Shraddhabhi Wandana Theme Song 2020 - Yaham Hettiarachchi
Hiru Shraddhabhi Wandana Theme Song 2020
Yaham Hettiarachchi
⤵  835 Downloads

Dawasak Thiyewi - Rana with AURA
Dawasak Thiyewi
Rana with AURA
⤵  586 Downloads

Lowama Ekalu Kala Deshayak - Fredy Alex Silva
Lowama Ekalu Kala Deshayak
Fredy Alex Silva
⤵  1,501 Downloads

Gedarata Wela Inna - Seeduwwa Sakura
Gedarata Wela Inna
Seeduwwa Sakura
⤵  1,309 Downloads

Hemin Sare Aa Sulangak  - Sanka Dineth
Hemin Sare Aa Sulangak
Sanka Dineth
⤵  2,116 Downloads

Mahapolovata Nivaduwak - Warsha Vihangi Samaranayaka
Mahapolovata Nivaduwak
Warsha Vihangi Samaranayaka
⤵  7,795 Downloads

Guru Geethaya - Bhanuka G Senarath
Guru Geethaya
Bhanuka G Senarath
⤵  4,106 Downloads

Thanikada Ahase - Bhanuka G Senarath
Thanikada Ahase
Bhanuka G Senarath
⤵  1,954 Downloads

Awasan Haduwa - Pawan Minon
Awasan Haduwa
Pawan Minon
⤵  38,065 Downloads



Top