ලෝකයම කළඹමින්, චීනයේ COVID-19 ව්‍යාප්ත වීම ගැන රහසිගත වාර්තාවක් එළියට එයි, ආසාදිතයින් ගණන 640, 000කටත් වැඩියිලු ! - Video & Photos - China May Have 640,000 Coronavirus Cases Instead Of 84,000, Leaked Data From Country's Military-run University Suggests - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

May

ලෝකයම කළඹමින්, චීනයේ COVID-19 ව්‍යාප්ත වීම ගැන රහසිගත වාර්තාවක් එළියට එයි, ආසාදිතයින් ගණන 640, 000කටත් වැඩියිලු ! - Video & Photos

1 Views

චීනයේ විශ්වවිද්‍යාලයක් විසින් සැකසූ වාර්තාවක්..!!!

කොරෝනාවල ඇත්ත තත්ත්වය චීනය සැඟවුවා ද?

මේ වන විට ලෝකයේම ආධිපත්‍යය පතුරවමින් සිටින මාරාන්තික නව කොරෝනා වෛරසය ලොව පුරා ජීවිත 308,645ක් බිලිගෙන තිබෙනවා.

කොරෝනා උපත ලැබූ චීනය එය මනාව පාලනය කළ බව කීවත්, එය එසේ නොවෙන බවට පසුගිය දින කිහිපයේ වාර්තා පළ වුණා. ඒ එරට වෛරසය ව්‍යාප්ත වූවා යැයි සැලකෙන වුහාන්වලින් තවත් ආසාදිතයින් කිහිප දෙනෙකු හමුවීමත් සමඟයි.

කෙසේ වෙතත්, චීනය විසින් කොරෝනා මරණ සංඛ්‍යාව ලෝකයෙන් වසං කරන බවට මුල සිටම ඔවුන්ට චෝදනා එල්ල වුණා.

විශේෂයෙන්ම ලෝක බලවතා වූ ට්‍රම්ප් මෙම චෝදනාව තවමත් බැහැර කර නැහැ. වරෙක ඔහු සඳහන් කළේ චීනයේ මුළු මරණ ගණන 4000 ගණනක් ලෙස හුවා දැක්වුවත් වුහාන්හි පමණක් 40, 000කට වැඩි පිරිසක් වෛරසයට බිලි වී ඇති බවයි.

කෙසේ වෙතත්, මෙවන් තත්ත්වයක් තුළ චීනයේ විශ්ව විද්‍යාලයකින් එරට කොරෝනා ව්‍යාප්තිය පිළිබඳව සකසන ලද රහසිගත වාර්තාවක් මාධ්‍යයට නිකුත් කර තිබෙනවා.

එම රහසිගත ලේඛනයට අනුව චීනයේ ආසාදිතයින් 84, 914ක් ලෙස දක්වනු ලැබුවත්, රට පුරා ආසාදිත සංඛ්‍යාව 640, 000ත් ඉක්මවා යන බවයි සඳහන් වන්නේ.

මෙම රහසිගත වාර්තාව චීනයේ චැංෂා නගරයේ ජාතික ආරක්ෂක තාක්ෂණ විශ්ව විද්‍යාලයෙන් සකස් කරනු ලැබූවක්.

ඔවුන් මෙය සකස් කර තිබෙන්නේ රට පුරා මහල් නිවාස, සුපිරි වෙළඳසැල්, අවන්හල්, පාසල් ආදිය ද කේන්ද්‍ර කර ගනිමිනුයි.

මේ සෑම ප්‍රවේශයකම අවම වශයෙන් "එක් ආසාදිතයෙකු" හෝ සිටින බවයි වාර්තාව මඟින් පෙන්වා දෙන්නේ.

කෙසේ වෙතත්, මෙවන් දත්ත සමූහයක් රැස්කිරීම කුමක් පදනම් කරගෙන සිදු කළාද යන්න ගැටලුවක් බවයි ඩේලිමේල් වෙබ් අඩවිය පෙන්වා දෙන්නේ.

චීනය විසින් මුලින් ප්‍රකාශ කළ මරණ සංඛ්‍යාව ද සංශෝධනයට ලක් කළ අතර එය සැක සහිත බවයි ලෝක නායකයින් චෝදනා කළේ. එමෙන්ම ආසියාවේ විශාලතම වෛරස් බැංකුවට හිමිකම් කියන චීනය මෙම වෛරසය ඔවුන් විසින් නිපදවන්නට ඇතැයි ද දිගින් දිගටම ඔවුන්ට චෝදනා එල්ල වනවා.

කෙසේ වෙතත්, චීනය මෙම චෝදනා ප්‍රතික්ෂේප කරනු ලබනවා. ඔවුන් විසින් තමන්ට එල්ල වන චෝදනාවලට පිළිතුරු ලෙස දීර්ඝ ලිපියක් ද මාධ්‍යයට නිකුත් කර තිබෙනවා.

ලෝක සෞඛ්‍ය සංවිධානය ප්‍රකාශයක් සිදු කරමින් කියා සිටියේ, මෙවන් දත්ත සමූහයක් පිළිබඳව ඔවුන් නොදන්නා බවයි.

Dailymail ඇසුරිනි.