එය ලොව මෙතෙක් වාර්තාවී ඇති සමස්ත කොරෝනා වෛරස් මරණ සංඛ්යාව වන 12,973න් සියයට 38.3 ක ප්රතිශතයක්.
ඉතාලියේ කොරෝනා වෛරස් ව්යාප්තිය ආරම්භ වූයේ මීට මාසයකට පමණ පෙරයි.
ඉන් පසු ඊයේ දිනයේදී කොරෝනා මරණ සංඛ්යාව සියයට 19.6 කින් ඉහළ යාම කැපී පෙනෙන වර්ධනයක් ලෙසයි සැළකෙන්නේ.
ඉතාලියේ කොරෝනා වෛරස් ආසාදිත සංඛ්යාවද දිනක් තුළ 6,557කින් ඉහළ ගොස් ඇති අතර, දැන් එරට මුළු ආසාදිත සංඛ්යාව 53,578ක්.
ඉන් බහුතරයක් මිලාන් නගරය කේන්ද්ර කොටගත් ලොම්බාඩි කලාපයෙන් වාර්තාවන අතර, එහි මරණ සංඛ්යාව 3,095ක් ලෙස වාර්තාවනවා. චීනය අභිබවා වැඩිම කොරෝනා මරණ සංඛ්යාවක් සිදුවු රට බවට ඉතාලිය පත්වූයේ පසුගිය බ්රහස්පතින්දායි.
මිලියන 60 ක ජනගහණයක් වෙසෙන ඉතාලියේ බොහෝ ප්රදේශ පසුගිය මාර්තු 12 වනදා සිට වසා දමා ඇති අතර, ජනයා එක්රැස්වීම් මුළුමනින්ම තහනම් කර තිබෙනවා.
කඩසාප්පු බොහොමයක් වසා දමා ඇති අතර, කොරෝනා මර්දන පියවර දැඩි කිරීමට ප්රාදේශීය පාලනය ඊයේ පියවර ගත්තා.
එම පියවර නිසි ලෙස ක්රියාත්මක කිරිම සඳහා ආරක්ෂක අංශ වීථිවල මුර සංචාරවල සඳහා යොදවා තිබෙනවා.
මේ වනවිට ලොව පුරා කොරෝනා වෛරස් ආසාදිත සංඛ්යාවද තුන්ලක්ෂ 4,528 දක්වා ඉහළ ගොස් තිබෙනවා.
චීනය සහ ඉතාලිය හැරුණුකොට වැඩිම ආසාදිත සංඛ්යාවක් ඇමරිකා එක්සත් ජනපදයෙන් වාර්තාවන අතර, එරට මුළු ආසාදිත සංඛ්යාව 25,493ක්.
ඉතාලියෙන් පසු වැඩිම මරණ සංඛ්යාවක් එනම්, මරණ 1,566ක් ඉරානයෙන් වාර්තාවන අතර, ස්පාඤ්ඤයෙන් වාර්තාවන මරණ සංඛ්යාව 1,326ක්.
මේ අතර, ප්රංශයේ කොවිඩ් - 19 මරණ සංඛ්යාව ඊයේ දිනයේදී පමණක් 112 කින් ඉහළ ගොස් තිබෙනවා.
ඒ අනුව එරට මුළු කොරෝනා මරණ සංඛ්යාව 562 දක්වා ඉහළ ගොස් ඇති අතර, ආසාදිත සංඛ්යාව 14,459ක් ලෙසයි ප්රංශ සෞඛ්ය අමාත්යාංශය නිවේදනය කළේ.
වෛසරය තවදුරටත් පැතිරීම වැළැක්වීම සඳහා ආරක්ෂිත මුහුණු ආවරණ මිලියන 250 ක් හෙට සිට නිකුත් කිරීමට ප්රංශ රජය පියවර ගෙන තිබෙනවා.
ආසියාකරයේ රටවල් සැළකූ විට මැලේසියාවේ කොවිඩ් - 19 මරණ සංඛ්යාව 8 දක්වා ඉහළ ගොස් ඇති අතර, සිංගප්පූරුවෙන් ඊයේ මරණ දෙකක් වාර්තාවුණා.
එරට කොරෝනා ආසාදිතයන් සංඛ්යාව 432 දක්වා ඉහළ ගොස් ඇති අතර, ඉන් සියයට 80 ක්ම පිටතින් වෛරසය රැගෙන ආ අයයි.