දිවයින පුරා මේ වනවිට ක්රියාත්මක වන පොලිස් ඇඳිරි නීතිය කඩ කළ පුද්ගලයින් 130 දෙනෙකු ප්රදේශ රැසකදී අත්අඩංගුවට ගෙන තිබෙනවා.
නියෝජ්ය පොලිස්පති අජිත් රෝහණ කියා සිටියේ පුද්ගල ඒකරාශීවීම්, මාර්ගවල අත්යාවශ්ය සේවාවන් නොවන කාර්යයන් සඳහා ගමන් කිරීම යන හේතූන් පදනම් කරගනිමින් මෙම පිරිස් අත්අඩංගුවට ගෙන ඇති බවයි.
එහිදී අත්අඩංගුවට ගත් පිරිස සතුව තිබූ යතුරුපැදි 10ක් සහ ත්රිරෝද රථයක් පොලිස් භාරයට ගැනුනා.
මේ අතර වේයන්ගොඩ - කළගෙඩිහේන මාර්ගයේදී ඇඳිරි නීතිය ක්රියාත්මක අවස්ථාවේ පොලිස් අණ නොතකා ධාවනය කළ යතුරුපැදියක්, ගිලන් රථයක ගැටීමෙන් අද දහවල් අනතුරක් සිදුවුණා.
මෙම අනතුරින් යතුරුපැදියේ ගමන් ගත් 17 හැවිරිදි පසුපැදිකරු මියගිය අතර, 23 හැවිරිදි යතුරුපැදිකරු බරපතල තුවාල ලබා මේ වනවිට වතුපිටිවල රෝහලේ ප්රතිකාර ලබනවා.
යතුරුපැදියේ ගැටුණු ගිලන් රථය නොනවත්වා ධාවනය කර ඇති අතර, යක්කල නගරය ආසන්නයේදී පොලිසිය එම ගිලන් රථය ලූහුබැද ගොස් එහි රියදුරා අත්අඩංගුවට ගත්තා.
පෞද්ගලික රෝහලකට අයත් එම ගිලන් රථයෙන් රෝහල් සේවිකාවන් පිරිසක් ප්රවාහනය කරමින් සිට ඇති බවයි පොලීසිය ප්රකාශ කළේ.
මේ අතර වියලි ආහාර සලාක ලබාදීමේ කටයුතු සම්බන්ධීකරණය කරගැනීම සඳහා කොළඹ මහ නගර සභා සීමාවේ පදිංචි මහජන ආධාරලාභීන්ට විශේෂ දුරකථන අංකයක් හඳුන්වාදී තිබෙනවා.
ඒ අනුව 071 447 32 30 යන දුරකථන අංකයට අමතා අදාළ තොරතුරු ලබාගන්නා ලෙසයි කොළඹ නාගරික කොමසාරිස්වරයා ඉල්ලා සිටින්නේ.
එමෙන්ම නාවික හමුදාවද රාගම, වත්තල සහ කඳාන යන ප්රදේශවල මහාමාර්ග අවට ජීවත්වන දිළිඳු ජනතාව වෙනුවෙන් දිවා ආහාරය ලබාදීම අද සිදුකළා.
එසේම සමූපකාර වෙළඳසැල්වලට අවශ්ය වන අත්යාවශ්ය ආහාර ද්රව්යවල හිඟයක් පවතීනම් තම පළාතේ සමූපකාර සංවර්ධන කොමසාරිස්වරයා මගින් ඒවා ලබාගැනීමට කටයුතු කරන ලෙස සමූපකාර සංවර්ධන කොමසාරිස්වරයා සියලූම විවිධ සේවා සමූපකාර සමිතිවලට දන්වා සිටිනවා.