ස්පාඤ්ඤයේද නව මරණ 97ක් වාර්තාවී ඇති අතර, ඒ අනුව මුළු කොරෝනා මරණ සංඛ්යාව 292ක්.
ප්රංශයේද දිනක් තුළ නව මරණ 26ක් වාර්තාවීමත් සමඟ මුළු මරණ සංඛ්යාව 127 දක්වා ඉහළ ගොස් තිබෙනවා.
නව කොරෝනා වෛරසයේ ව්යාප්තිය වැළැක්වීම සඳහා ප්රංශය, ස්විට්සර්ලන්තය, ඩෙන්මාර්කය, ලක්සම්බර්ග් සහ ඔස්ටි්රයාව සමඟ පවතින තම දේශසීමා අද සිට වසා දැමීමට ජර්මනිය පියවර ගෙන තිබෙනවා.
රුමේනියාව ද එරට තුළ හදිසි තත්ත්වයක් ප්රකාශයට පත් කර ඇති අතර චෙක් ජනරජය ද සිය දේශසීමා වසා දමා රට පුරා නිරෝධායන ක්රියාවලියක් හඳුන්වා දී ඇති බව සඳහන්.
මේ අතර, ඉන්දියාව, පාකිස්තානය, ඇෆ්ගනිස්ථානය, බංග්ලාදේශය, භූතානය, මාලදිවයින, නේපාලය සහ ශ්රී ලංකාව යන රටවල කොරෝනා වෛරසයට එරෙහිව සටන් කිරීම සඳහා ස්වේච්ඡා දායකත්වයෙන් හදිසි අරමුදලක් ඇති කිරීමට ඉන්දීය අග්රාමාත්ය නරේන්ද්ර මෝදි ඊයේ යෝජනා කළා.
එම අරමුදල සඳහා ඇමරිකානු ඩොලර් මිලියන 10ක ආරම්භක මුදලක් ලබාදීමට සූදානම් බවයි ඉන්දීය අග්රාමාත්යවරයා දකුණු ආසියානු රටවල නායකයන් සමඟ ඊයේ පැවැත්වූ ඒකාබද්ධ වීඩියෝ සංවාදයේදී ප්රකාශ කර ඇත්තේ.
වයස අවුරුදු 70ට වැඩි සෑම බි්රතාන්ය ජාතික පුරවැසියෙකුටම ඉදිරි සති කිහිපය තුළ නිවෙස්වලින් බැහැරට නොයා නිවසේ රැදී සිටින ලෙස එරට සෞඛ්ය ලේකම් මැට් හැංකොක් දැනුම් දීමක් කර තිබෙනවා.
කෙසේ වෙතත්, මෙය බල කිරීමක් නොවන අතර, යුද සමයේ මෙන් මෝටර් රථ නිෂ්පාදකයන්ට වෛද්ය උපකරණ නිෂ්පාදනය කරන ලෙසත් හෝටල්, රෝහල් බවට පත් කරන ලෙසත් ඔහු ඉල්ලීමක් ද කර ඇති බවයි බී.බී.සී පුවත් සේවය වාර්තා කර ඇත්තේ.
මේ අතර සෞදි අරාබිය සිය රට තුළ අත්යාවශ්ය ආහාර අලෙවිසැල් සහ ඖෂධ අලෙවිසැල් හැර සියලුම වෙළඳසැල් වසා දමා ඇති බවයි විදෙස් වාර්තා සඳහන් කළේ.
බෙදාහැරීමේ සේවාවන්ට පමණක් ඉඩ දෙමින් අවන්හල් සහ ආපනශාලාවල ආහාර සැපයීමද තහනම් කර තිබෙනවා.
දකුණු අප්රිකාව කොරෝනා වෛරසයේ ව්යාප්තියත් සමඟ ජාතික ආපදා තත්ත්වයක් ප්රකාශයට පත් කර තිබෙනවා.
පුද්ගලයන් 100 කට වැඩි මහජන රැස්වීම් තහනම් කර ඇති අතර, පාසල් මෙන්ම පොදු ස්ථානද වසා දමා ඇති බවයි එරට වාර්තා සඳහන් කළේ.