පෙම්වතුන් යුවළ පිළියන්දල මැද්දෝවිට ප්රදේශයේ කාරයක සිට කතාබස් කරමින් සිටියදී එම ස්ථානයට පැමිණ තිබූ පොලිස් නිලධාරීන් තිදෙනාගෙන් අයකු ඔහුගේ අසලට පැමිණ අශෝභන ලෙස හැසිරීම සම්බන්ධයෙන් පොලිසියට රැගෙන ගොස් නීතිමය කටයුතු කරන බවත්, එසේ නොකිරීමට නම් රුපියල් ලක්ෂයක මුදලක් ලබාදෙන ලෙස පවසා තිබූ බවට පොලිසිය සඳහන් කළා.
තමන් ළඟ එතරම් මුදලක් නොමැති බවත් රුපියල් පනස් දහසක මුදලක් ලබා දීමට හැකි බව වැඳ වැටෙමින් පවසා තමන් නිදහස් කරන ලෙස ඔවුන් ආයාචනා කර තිබූ බව යි වාර්තා වන්නේ.
පසුව කොස්තාපල්වරයකු ඔවුන් සමඟ කාරයෙන් බොරලැස්ගමුව බැංකුවක් අසලට ගොස් රැඳී සිටියදී පෙම්වතුන් පෞද්ගලික බැංකුවක ටෙලර් යන්ත්රයකින් රුපියල් තිස් දහසක මුදලක් ලබාගෙන කොස්තාපල්වරයාට ලබාදී එම මුදල පමණක් තිබෙන බව ඔහු පවසා තිබෙනවා.
එම අවස්ථාවේදී පොලිස් කොස්තාපල්වරයා තවත් කොස්තාපල්වරයකුට ඇමතුමක් ලබා ගනිමින් මූ වංගු ගහන්න හදනවා. රුපියල් තිස් දහසක් තමයි දුන්නේ මොකද කරන්නේ, යනුවෙන් උපදෙස් පතා ඇතැයිද පැමිණිල්ලේ සඳහන්.
පැමිණිකාර පෙම්වතුන් යුවළ පොලිස් කොස්තාපල්වරයා ඔවුන් හා කතාබහ කළ දේවල් උපක්රමශීලීව ජංගම දුරකථනයේ සටහන් කරගෙන තිබූ බවද පොලිසිය පවසනවා.
පසුව පෙම්වතුන් යුවළ මේ සම්බන්ධව 119 පොලිස් හදිසි ඇමතුම් අංශයට කළ පැමිණිල්ලක් අනුව ගල්කිස්ස පොලිසියේ සැකකාර පොලිස් කොස්තාපල්වරයා අත්අඩංගුවට ගෙන තිබෙනවා.
තවත් පොලිස් නිලධාරීන් දෙදෙනකු සම්බන්ධ බවට තොරතුරු ලැබී බවට පොලිසිය අධිකරණයට දැනුම් දුන්නා.
මව්බිම