සිය පාසල් දියණියට 2018 වර්ෂයේ සිටම ලිංගික අතවර කළ පියෙක් ඊයේ (10) දැදිගම පොලිසිය මගින් අත්අඩංගුවට ගෙන වරකාපොළ තුල්හිරිය මහෙස්ත්රාත් යු,බි කුලතුංග මහතා වෙත ඉදිරිපත් කිරීමේන් පසුව ඔක්තෝබර් මස 21 දා දක්වා රක්ෂිත බන්ධනාගාර කරන ලෙද නියෝග කෙරුණා.
සැකකරුගේ බිරිඳ වරකාපොළ ප්රදේශයේ ඇගළුම් ආයතනයක රැකියාවක් කරන අතර ඔහුට වයස අවුරුදු 20 ක විහාහක පිරිමි දරුවෙක්ද, 17 හැවිරිදි පාසල් දියණියක්ද 08 හැවිරිදි පාසල් පිරිමි දරුවෙක්ද සිටිනවා.
සැකකරු බිරිඳ හා දරු තිදෙනා අතහැර දමා කලක් මැල්සිරිපුර ප්රදේශයේ පදිංචි කාන්තාවක් සමඟ අනියම් සම්බන්ධතාවයක් ඇති කරගෙන මැල්සිරිපුර ප්රදේශයේ පදිංචිව සිට ඇති බව ද පොලිසිය අධිකරණයට කරුණු වාර්තා කෙරුණා.
පසුව සැකකරු එම කාන්තාව අතහැර දමා යලි මෑතකදී නිවසට පැමිණ එකම දියණිය 2018 වර්ෂයේ සිට අවස්ථා ගණනාවකදීම හිතවත් පුද්ගලයින්ගේ නිවෙස්වලට රැගෙන ගොස් ඇති බවද පොලිසිය අධිකරණයට කරුණු වාර්තා කර තිබුණා.
සිය පාසල් දියණිය සැකකාර පියා විසින් බිය ගන්වා බලහත්කාරයෙන් නිවසේදීත් නිවසේන් පිටදීත් මෙම ලිංගික අපයෝජනය කර ඇති බවද සඳහන්.
පෙරේදා 09 දා සැකකරුගේ බිරිඳ හා අතවරයට ලක් වුවා යැයි කියන පාසල් ශිෂ්යාව දැදිගම පොලිසියට පැමිණ සිද්ධිය සම්බන්ධයෙන් පැමිණිල්ලක් කර තිබෙනවා.
පැමිණිල්ලට අනුව සැකකරුත් පෙරේදා 09 දා අත්අඩංගුවට ගෙන කෑගල්ල මහ රෝහලේ අධිකරණ වෛද්යවරයා වෙත ඉදිරිපත් කර පසුව වරකාපොළ තුල්හිරිය මහෙස්ත්රාත් යු, බි කුලතුංග මහතා වෙත ඊයේ 10 දා ඉදිරිපත් කෙරුණා.
දැරිය ද ඊයේ 10 දා කෑගල්ල මහ රෝහලේ අධිකරණ වෛද්යවරයා වෙත ඉදිපත් කිරීමට නියමිතව තිබුණා.