තම බිරිදගේ පියාට (මාමාට) කිරිච්චියකින් දහතුන් පොලකට ඇන බරපතල තුවාල සිදු කර මරණයට පත් කළේ යැයි චෝදනා ලැබු බෑනාට නඩු විභාගයක් අවසානයේ කැගල්ල මහ අධිකරණ විනිසුරු නාමල් බණ්ඩාර බලල්ලේ මහතා පසුගිය මරණ දඩුවම නියම කර තිබෙනවා.
මෙසේ දඩුවමට යටත් කරණු ලැබුවේ බුලත්කොහුපිටිය පොලිස් වසමේ නිකපිටිය ගම පදිංචි පතිරැන්නැහැලාගේ නිමල් වීරසිංහ (55) නැමති දෙදරු පියෙක් බව සදහන්.
බිරිද අමනාපවි මහගෙදර ගිය අවස්ථාවක දි ඇය ආපසු තම නිවසට කැදවා ගන ඒමට ගිය වරදකරුවු විත්තිකරු එහිදි බිරිදගේ පියා සමග ඇතිවු බහින්බස් විමක් අවසානයේ බිරිදගේ පියාට කිරිච්චියකින් එකපිට එක දහතුනක් පොලකට ඇන බරපතල තුවාල සිදුකළ බවද තුවාල කරු කැගල්ල මහ රෝහලට ඇතුළත් කිරිමෙන් පසුව මියගොස් ඇති බවද අධිකරණයේ දි අනාවරණය වී තිබෙනවා.
මීට වසර හතකට පෙර එනම් 2012/09/14,දින හෝ ඊට ආසන්න දිනකදී සිදුවු මෙම සිද්දියෙන් පසුව වරදකරුවු විත්තිකරුගේ බිරිද මේ වනතෙක් ආගිය අතක් නැති බවද දරුවන් දෙදෙනා ඥතීන් විසින් හදාවඩා ගෙන යන බවද අනාවරණය වී තිබෙනවා. බුලත්කොහුපිටිය පොලිසිය විසින් සැකකරු අත්අඩංගුවට ගෙන කැගල්ල මහේස්ත්රාත්වරයා වෙත ඉදිරිපත් කිරීමෙන් මුලික නඩු විභාගයක් පවත්වා අවසානයේ නීතිපතිවරයා විසින් සැකකරුට එරෙහිව ගොනුකළ අධි චෝදනා කෑගල්ල මහ අධිකරණයේ නඩු විභාගයට ගෙන ඇති බවයි සදහන් වන්නේ.