Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Jun
08
"ස්වයං හික්මීමක් තිබුණොත් කාටවත් කරදරයක් නැතිව ජිවත් වෙන්න පුළුවන්.." - විනු සිරිවර්ධන - Photos

- "ස්වයං හික්මීමක් තිබුණොත් කාටවත් කරදරයක් නැතිව ජිවත් වෙන්න පුළුවන්.." - විනු සිරිවර්ධන - PhotosHiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

10,984 Views
"රැකියාවක් කරනවා  නම් සමියාගෙනුත් උදව් තියෙන්න ඕන.."

"ඇතැම් අවස්ථාවලදී කාන්තාව පිරිමියාට වඩා සංවේදී වෙනවා..."

කාන්තාව යනු මෙලොව උතුම්ම පදවිය ලැබිය හැකි එකම තැනැත්තියයි. ඇය නිතැතින්ම අන්‍යයන්ගේ ගෞරවයට, ආදරයට බඳුන් විය යුතුයි. අතීත සමාජය තුළ කාන්තාව පහත් කොට ඇය දුර්වල සත්ත්වයෙක් ලෙස සැලකුවා. එම සමාජය තුළ ප්‍රමුඛත්වය හිමි වූයේ පුරුෂයාට පමණයි. නමුත් සමාජ විකසනයත් සමඟ අද වන විට කාන්තාව ඇයට හිමි විය යුතු නිසි තැන ලබාගෙන අවසානයි. සෑම ක්‍ෂේත්‍රයකින්ම ඇය ඇයට ගමන් කළ හැකි උපරිමය දක්වා ගමන් කොට තිබෙනවා. එවැනි දිරිය කාන්තාවන් පිළිබඳව හදවත තුළ මහත් වූ ගෞරවයක් සහ අභිමානයක් පවතිනවා.

ඇය ස්වයං හික්මීමක් ඇති කර ගත යුතුයි.
මගේ පවුල තුළ මට වඩා වැඩිමහල් සහෝදරයකු සහ නැඟණියක් සිටිනවා. මගේ මව සහ පියා අප සියලුදෙනාටම එක සේ ආදරය රැකවරණය ලබාදෙනවා. කුඩා කල සිට අපගේ ආරක්‍ෂාව උදෙසා යම් යම් සීමාවන් පැනවුණා. අදටත් අපට සීමාවන් පැනවෙන අවස්ථා තිබෙනවා. අපට ආදරය කරන අපගේ යහපත ප්‍රාර්ථනා කරන මවුපියන්ගේ මතයට ඇහුම්කන් දිය යුතුයි කියා මා සිතනවා. අත්දැකීම් සමඟ ලබාගත් පරිණතභාවය හේතුවෙන් ඔවුන්ට අපට වඩා සමාජය පිළිබඳව හොඳ වැටහීමක්, ඉවක් තිබෙනවා. වැරැදි දෙයට යොමු නොවී නිවැරැදි මාර්ගය තෝරා ගැනීමට ඔවුන්ගේ මඟ පෙන්වීම වැදගත්. ඕනෑම පුද්ගලයකු තමාට ස්වයං වාරණයක් පනවා ගත යුතුයි. ස්වයං හික්මීමක් ඇති කරගත් තැනැත්තා අන්‍යයන්ට කරදයක් නොවන ලෙස සමාජයේ ජීවත්වීමට අනුගත වනවා.

ඇය බුද්ධිමත් බවින් හා දැනුමින් පූර්ණ විය යුතුයි.
අධ්‍යාපනය, බුද්ධිය, දැනුම මෙලොව වසන සෑම මනුෂ්‍යයකුටම වැදගත්. මා රූ රැජනක් රූප රාජිනියක් යැයි පැවැසූ විට බොහෝදෙනා සිතන්නේ එහි මූලිකත්වය ලැබෙනුයේ බාහිර සුන්දරත්වයට පමණක් කියා. රූ රැජනක තේරීමේදී රුව සහ බුද්ධිය යන කරුණු දෙකෙහිම සංයෝජනය නිර්ණායක වනවා. බුද්ධි, දැනුම හිමි කාන්තාවන්ට ගෞරවාන්විතව සමාජයේ ජීවත් වීමට හැකියාව තිබෙනවා. අධ්‍යාපනය වැදගත් වන්නේ රැකියාවක නිරත වීම උදෙසා පමණක්ම නොවෙයි. යහපත් පුරවැසියන් මෙලොවට දායාද කිරීමට මවකගේ බුද්ධිමත්භාවය ඉවහල් වනවා. එසේම අන්‍යයන් තේරුම් ගෙන සුහද ලෙස ජීවිතය ගත කිරීම බුද්ධිමත් කාන්තාවකගේ ලක්‍ෂණයක්.

ඇය තම පවුලත්, රැකියාවත් සමබර කර ගත යුතුය.
මවක්, බිරියක් ලෙස ජීවිතය ඉදිරියට ගෙන යෑමේදී කාන්තාවකට පැවැරෙන වගකීම් වැඩකටයුතු සමඟ අනිවාර්යයෙන්ම රැකියාවක නිරත විය යුතුයි කියා පැවැසීම අපහසුයි. නමුත් වර්තමාන ආර්ථික පසුබිම සමඟ නිවෙසේ එක් අයකු පමණක් රැකියාවක නිරත වීම ආර්ථිකය ශක්තිමත් කිරීමට ප්‍රමාණවත් වන්නේ නැහැ. යම් කාන්තාවක් නිවෙසේ රාජකාරි ඉටුකරමින් රැකියාවක නිරත වෙනවා නම් සැමියාගේ සහයද ඇයට අත්‍යවශ්‍යයි. නැතහොත් ඇය මනසින් කඩා වැටී අනවශ්‍ය පීඩනයකට ලක් වීමට ඉඩ තිබෙනවා. ඇතැම් කාන්තාවන් තවත් පුද්ගලයකු මත යැපීමට ඇති අකැමැත්ත මතද රැකියාවක නිරත වනවා. එය එක් එක් කාන්තාවගේ පෞද්ගලික මතය අනුව සිදුවන්නක්. රැකියාව සහ පවුල නිසි පරිදි සමබරව පවත්වාගෙන යා හැකි නම් සැබැවින්ම එම කාන්තාව සාර්ථක කාන්තාවක් ලෙස හඳුන්වා දිය හැකියි.

ඇය තමාගේ නායකත්ව ගුණාංග හඳුනාගත යුතුයි.
කාන්තාවකට නායකත්වය දැරීමේ හොඳ හැකියාවක් තිබෙනවා. ඇය තුළ ඉවසීම, දරාගැනීම, බුද්ධිමත්ව තීරණ ගැනීම වැනි ගුණාංග හොඳින් පිහිටා තිබීම එයට හේතුවයි. කාන්තාවකට නායකත්වය දැරිය හැකි බවට ඕනෑ තරම් උදාහරණ අප රට තුළින්ම පෙන්වා දිය හැකියි. කාන්තාවක් අප රටේ ජනාධිපතිනිය ලෙස කටයුතු කළා. එසේම ලොව ප්‍රථම අගමැතිනිය වීමේ ගෞරවය හිමි වන්නේ අප රටේ කාන්තාවකටයි. අද වනවිට කාන්තා නායකත්වය සමඟ පෙරට එන රටවල් ඕනෑ තරම් තිබෙනවා. එවැනි කරුණුවලින් ගම්‍ය වන්නේ කාන්තාවකට නායකත්වය දැරීමට ඕනෑ තරම් සුදුසුකම් තිබෙන බවයි.

ඇය හදවතින් නොව බුද්ධියෙන් තීරණ ගතයුතුයි.
මම කලා ක්‍ෂේත්‍රයට පා තැබුවේ අභියෝගයක් සමඟයි. එසේම කලා ක්‍ෂේත්‍රයට පැමිණි දා සිට අද දක්වා විවිධ අභියෝගයන්ට මුහුණදීමට මට සිදුවුණා. ඒ සෑමවිටම අභියෝග ජය ගනිමින් මට හිමි තැන රැක ගනිමින් ඉදිරියට යෑමට මට හැකියාව ලැබුණා. ජීවිතයේ සාර්ථකත්වය රදාපවතින්නේ අභියෝග ජය ගැනීමේ හැකියාව මතයි. ජය පරාජය මධ්‍යස්ථ සිතින් දරා ගැනීමට අපගේ මනස හුරු කළ යුතුයි. ඇතැම් අවස්ථාවලදී කාන්තාව පිරිමියාට වඩා සංවේදී වෙනවා. බුද්ධිමත් ලෙස කටයුතු නොකර බොළඳ තීරණවලට යොමු වන යුවතියන්ද සිටිනවා. නමුත් යම් තීරණයක් ගැනීමට පෙර හදවතින් නොව බුද්ධියෙන් ඒ පිළිබඳව විමසිය යුතුයි.

ඇය තම මනස විවේකීව තෘප්තිමත්ව තබා ගත යුතුයි
කාර්යබහුල ජීවිතයක් ගත කරන අප මනසේ සැහැල්ලුව උදෙසා යම් කාල වේලාවක් වෙන්කළ යුතුයි. මා ළඟින් ඇසුරු කරනා හිත මිතුරන් සිටින්නේ ඉතා අල්ප ප්‍රමාණයක් පමණයි. ඉඩක් ලද විට ඔවුන් සමඟ සිනමා ශාලාවකට ගොස් චිත්‍රපටයක් රස විඳීමට මා ඇලුම් කරනවා. රසවත් චිත්‍රපටයකට අපගේ මනස සැහැල්ලු කිරීමේ හැකියාව තිබෙනවා. නිවෙසේ සිට රූපවාහිනියෙන් චිත්‍රපට නරඹනවාට වඩා රසයක් සිනමා ශාලාවකට ගොස් චිත්‍රපටයක් නැරැඹීමෙන් විඳිය හැකියි. එසේම තෝරා ගන්නා මාතෘකා යටතේ ඇතැම් පොත් පත් කියැවීමටත් මා රුචියක් දක්වනවා. එවැනි දෙයින් මගේ මනස සැහැල්ලු වෙනවා.

සෑම කාන්තාවක්ම තමන්ගේ මනස තෘප්තිමත් වන දෙයක නිරත විය යුතුයි. එය ඇයගේ අනෙකුත් සෑම ක්‍රියාවකම සාර්ථකත්වයට හේතු වෙනවා.

ඇය තම සුන්දරත්වය තමා වෙතින් ගිලිහී යෑමට ඉඩ නොදිය යුතුයි
ආදරයක් ප්‍රථමයෙන් ගොඩනැඟෙන්නේ රූපය මතයි. අපගේ නෙත ප්‍රිය කරන ආකාරයේ රුවක් ඇති අයකු කෙරේ අපගේ සිතෙහි ආකර්ෂණයක් ඇති වනවා. ඉන්පසු ඇසුරු කිරීමේදී ඔහුගේ ඇයගේ ගති ගුණ පිළිබඳව ඇතිවන පැහැදීම එම බැඳීම විවාහය දක්වා ගෙන යනවා. ප්‍රථමයෙන් ගති ගුණ සමඟ බැඳී ඇති වන ආදර අන්දරයන් ද තිබෙනවා. නමුත් බොහෝවිට සිදුවන්නේ රූපයට ඇති වන ආකර්ෂණයයි. විවාහයෙන් පසු බොහෝ කාන්තාවන් රූපය පිළිබඳව දැක්වූ සැලකිල්ල ක්‍රම ක්‍රමයෙන් අවම කරනවා. මවක් වූ පසු ඇති වන කාර්යබහුලත්වය සමඟ රුව පිළිබඳව තැකීමක් සිදුකරන්නේම නැහැ. සුන්දරත්වය තුළ රූපයේ සුන්දරත්වය, ශරීරයේ හැඩය, පිරිසුදුකම, පිළිවෙළ යන මේ සියලු කාරණා අන්තර්ගතයි. සුන්දරව පිරිසුදුව සිටින විට ඇයගේ සැමියාට, දරුවන්ට ඇය ආඩම්බරයක්, මගේ මව මට වඩා සුන්දර යැයි ඇතැමුන් පවසනවා. දියණියක ලෙස එවැනි වදන් මගේ සිතට ආඩම්බරයක් ගෙන එනවා. වියපත් වීම සමඟ කාන්තාව ශරීරය පිළිබඳව දක්වන සැලකිල්ල අවම කරනවා වෙනුවට තව තවත් සුන්දරව, නිරෝගීමත්ව සිටීමට උත්සහ දැරිය යුතුයි.

ඇය තමාට හැකි අයුරින් තම යුතුකම් ඉටු කළ යුතුයි.
විශාල බලාපොරොත්තු හෝ අනාගත සැලසුම් පිළිබඳව මා තවමත් සිතා නැහැ. එහෙත් මගේ එකම පරමාර්ථය මගේ මවුපියන්ට, පවුලට මට හැකි උපරිමයෙන් සැලකීමයි. එය මා ඉටු කළ යුතු වගකීමක් ලෙස මා දකිනවා. මට පැවැරී ඇති වගකීම් නිසි ලෙස ඉටු කර වගකීම් පැහැර නොහැර ජීවත් වූ කාන්තාවක් ලෙස යම් දිනෙක මිය යෑමට හැකි වේ නම් එය මට විශාල සතුටක් වේවි.

සෙව්වන්දි හෙට්ටිආරච්චි
මව්බිම



Make a Comment
Make a Comment


මෙන්න බලන්න තවත් ගොසිප්




Recent Gossip Post




Dura Penena Thanithala - Senior Choir Gateway College Colombo
Dura Penena Thanithala
Senior Choir Gateway College Colombo
⤵  306 Downloads

Hiru Shraddhabhi Wandana Theme Song 2020 - Yaham Hettiarachchi
Hiru Shraddhabhi Wandana Theme Song 2020
Yaham Hettiarachchi
⤵  835 Downloads

Dawasak Thiyewi - Rana with AURA
Dawasak Thiyewi
Rana with AURA
⤵  586 Downloads

Lowama Ekalu Kala Deshayak - Fredy Alex Silva
Lowama Ekalu Kala Deshayak
Fredy Alex Silva
⤵  1,501 Downloads

Gedarata Wela Inna - Seeduwwa Sakura
Gedarata Wela Inna
Seeduwwa Sakura
⤵  1,309 Downloads

Hemin Sare Aa Sulangak  - Sanka Dineth
Hemin Sare Aa Sulangak
Sanka Dineth
⤵  2,116 Downloads

Mahapolovata Nivaduwak - Warsha Vihangi Samaranayaka
Mahapolovata Nivaduwak
Warsha Vihangi Samaranayaka
⤵  7,795 Downloads

Guru Geethaya - Bhanuka G Senarath
Guru Geethaya
Bhanuka G Senarath
⤵  4,106 Downloads

Thanikada Ahase - Bhanuka G Senarath
Thanikada Ahase
Bhanuka G Senarath
⤵  1,954 Downloads

Awasan Haduwa - Pawan Minon
Awasan Haduwa
Pawan Minon
⤵  38,065 Downloads



Top