හාස්යයෙන් තවත් පිරිසක් හිනස්සන්න පුළුවන් නම් රංගන ශිල්පියෙක් හෝ ශිල්පිනියක් හැටියට ඔහු හෝ ඇය සාර්ථක බවයි මත පලවෙන්නේ. එලෙසින් ඉංග්රීසි සිනමාව තුළ සියල්ලන් හිනැස්සු Freddie Starr නම් වූ එංගලන්ත හාස්ය රංගන ශිල්පියාට බොහෝ දෙනෙක් ආදරේ කළා. ඔහු ගායකයෙක් ලෙසිනුත් අතිශය ජනප්රියයි. 1943 වර්ෂයේ ජනවාරි 9 දා උපදින ඔහු වර්ෂ 76 ආයු වළදා ඊයේ දින ලෝකයම හඩවා ජිවිතයට සමු දුන්නා.
ඔහු එලෙසින් ජිවිතයට සමු දුන්නේ ෆේස්බුක් සටහනක් තබා අභිරහස් ලෙසයි. ස්පාඤ්ඤයේ Mijas හි පිහිටි ඔහුගේ නිවසේ තිබියදී සිරුර හමුව තිබෙන බව විදෙස් මාධ්ය සදහන් කර තිබෙනවා. ඔහුගේ සිරුර හමුව ඇත්තේ නිරුවත්ව.
කොහොම නමුත් ඔහු මිය යාමට පෙර ෆේස්බුක්හි තැබූ සටහන ගැන බොහෝ දෙනෙක් කතාබහ කරන අතර ඔහු සිය දිවිහානි කරගත්තාද ඒ කුමන හේතුවක් නිසාද යන්න සදහනක් නැහැ. "හැමෝම හොදින් ඇති කියා මම හිතනවා. ඔව් මමත් හොදින්. දැන් මම වෙහෙසට පත් වෙලා. කොහොම නමුත් මම හොදින්...මගේ හදවත තුල සිටි හැමෝටම මම ස්තුතිවන්ත වෙනවා. මට අදහස් දැක්වූ මට කරුණාව දැක්වූ සියල්ලන්ටම.." යනුවෙන් ඔහු සටහන් තබා තිබෙනවා. ඔහුගේ වියෝව සම්බන්ධයෙන් ලෝකයේ බොහෝ ජනප්රිය තරු ශෝකය පල කර තිබෙනවා.