ලැප් එක නැති වී මහපාරේ බෝඩ් එකක් අල්ලගෙන හිටපු චීන ජාතිකයාගේ සංවේදි කතාව - Photos - China Man Story - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Aug

ලැප් එක නැති වී මහපාරේ බෝඩ් එකක් අල්ලගෙන හිටපු චීන ජාතිකයාගේ සංවේදි කතාව - Photos

18 Views

"මගේ Lap top එක නැති වී ඇත. එය ආපසු ලබා දෙන අයෙකුට මුදල් ලැබේ."

රැකියාවේ වටිනා ලිපිගොනු රැසක් ලැප් එකේ තිබිලා..

අප කාටත් අමතක වීම් කියන දේ වෙනවා. මේ නිසා අපගේ වටිනා දේවල් අපට නොදැනීම නැතිවෙනවා. ඇතැම් අවස්ථාවල අප නිවසින් පිටු වන්නේ අපගේ වටිනා දේවල් අතේ ඇතැතිවයි. නමුත් ඒවා අපට බස් රථයේදී, දුම්රියේදී හෝ අප ගමන් ගන්නා වෙනත් වාහනයකදී අපට අමතක වෙන සිදුවීම් අනන්තවත් වෙනවා. ඒ වගේ අමතක වීමක් නිසා විදේශිකයෙකු වෙන්න ගිය සිදුවීමක් ගැන මේ දිනවල සමාජ ජාලයේ ඡායාරූප කිහිපයක් හුවමාරු වුණා.

මේ සිදු වීම වෙලා තියෙන්නේ චීන ජාතික තරුණයෙකුට. ඒ තමයි ඔහුගේ ලැප්ටොප් පරිඝණකය තමන් ගමන්ගත් ත්‍රීවිල් රථයකදි අමතක වෙලා ගොස් තිබීම. ඔහු වැඩ කරන ඔෆිස් එකේ වැදගත් ලිපිගොනු රැසක් මේ ලැප් එකේ තිබිලා තියෙනවා. නිසාම රැකියාව පවා නැතිවෙන තත්වයක තමයි ඔහු හිටියේ.

චීන ජාතික තරුණයට මේ වෙච්ච දේ ගැන ඔහුට කියන්න කවුරුත් නැති නිසා ඔහු කොළඹ ගංගාරාමය අසල පහුගිය දවසක බෝඩ් එකක මේ විදියට ලියලා අල්ලගෙන හිටියා. "මගේ Lap top එක නැති වී ඇත. එය ආපසු ලබා දෙන අයෙකුට මුදල් ලැබේ." යනුවෙන්.

මේ සිද්ධිය දුටු පිරිසක් මේ ඡායාරූප කිහිපයක් ෆේස්බුක් වෙත එකතු කරලා තිබුණා. මේ ඡායාරූප හැමතැනම හුවමාරු වෙද්දි චීන තරුණය ගමන් ගත් ත්‍රී රෝද රථයේ රියදුරාත් මේක දැකලා මේ විදේශිකයාට දුරකථනයෙන් කතා කරලා තිබුණා.

පසුව ත්‍රී විල් රියදුරා විදේශිකයා හම්බෙලා ලැප්එක භාර දීලා තිබුණා. ඒ සතුටට විදේශිකයා ත්‍රීවිල් රියදුරාට මුදල් ත්‍යාගයක්ද ලබා දී තිබෙනවා. සමහරු තමන් අයිති නැති දෙයක් හම්බුනත් ඒක අරගෙන ගොස් විකුණා මුදල් උපයා ගන්නා සමාජයක මෙවැනි යහපත් දෙයක් සිදු කළ ත්‍රී විල් රියදුරා ගැන රටක් හැටියට අපි කාටත් ආඩම්බර විය හැකියි. චීන ජාතිකයාට ලාංකිකයන් ගැන ඔහුට ඇත්තේ අපමණ සතුටක්. ඒ නිසා ඔහුට ලැප් එක හොයාගන්න උදව් කරපු ලංකාවේ හැමෝමට ඔහු ස්තූතිවන්ත කරලා තිබුණා.