අම්මලා තාත්තලා කැම්පස් යැව්වේ මේවා කරන්නද? මාකස් එක ඇතුළේ හොර රහසේ සිද්ධ වුණු මහා පරිමාණ බිස්නස් එක - University Of Paradeniya - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

අම්මලා තාත්තලා කැම්පස් යැව්වේ මේවා කරන්නද? මාකස් එක ඇතුළේ හොර රහසේ සිද්ධ වුණු මහා පරිමාණ බිස්නස් එක

367 Views

අනාගතේ රට බාරගන්න ඉන්න, ලංකාවේ තියෙන සුපිරිම කැම්පස් එකකට තේරිච්ච තරුණ දරුවෝ මත්ද්‍රව්‍ය ජාවාරම්වලට අහුවෙන එක ගැන මේ දවස්වල ලොකු කතාවක් යනවනේ.

ඔන්න ඒ වගේම මුළු රටේම අවධානය දිනාගත්තු, සරසවි සිසුන්ව වගේම දෙමව්පියන්වත් කම්පා කරපු සිදුවීමක් පේරාදෙණිය විශ්වවිද්‍යාලයෙන් වාර්තා වෙනවා.

විද්‍යා පීඨයේ (Science Faculty) පළමු වසරේ ඉගෙනගන්නා සිසුන් දෙන්නෙක්ව මත්ද්‍රව්‍ය සහ විදේශීය දුම්වැටි තොගයක් එක්කම කැම්පස් එකේ විනය ආරක්ෂක නිලධාරීන් විසින් අද අලුයම සූක්ෂ්ම ලෙස අත්අඩංගුවට ගෙන පේරාදෙණිය පොලීසියට බාර දීලා තියෙනවා.

සිද්ධිය වෙලා තියෙන්නේ පේරාදෙණිය කැම්පස් එකේ තියෙන ප්‍රසිද්ධ නේවාසිකාගාරයක් වෙන "මාකස් ප්‍රනාන්දු" හොස්ටල් එක ඇතුළෙදියි. මේ සිසුන් දෙන්නා මත්ද්‍රව්‍ය පාවිච්චි කරනවා විතරක් නෙමෙයි, හොස්ටල් එක ඇතුළේ වෙනත් සිසුන්ට මේවා විකුණනවා කියලා විනය ආරක්ෂක අංශයට රහසිගත තොරතුරක් ලැබිලා තියෙනවා.

ඒ අනුව ඊයේ (24) මධ්‍යම රාත්‍රී 12.30 ට විතර සිකියුරිටි නිලධාරීන් කණ්ඩායමක් එකපාරටම හොස්ටල් කාමර හදිසි පරීක්ෂාවකට ලක් කරලා තියෙනවා. ඒ වෙලාවේ තමයි දෙන්නා බඩුත් එක්කම හොරෙන් මට්ටු වෙලා තියෙන්නේ.

පොලීසිය පවසන විදිහට අත්අඩංගුවට ගත්තු මේ සිසුන් දෙන්නා කෝට්ටේ සහ මිහිරිගම ප්‍රදේශවල පදිංචිකරුවන්.

පේරාදෙණිය කැම්පස් එකේ හොස්ටල් ඇතුළේ මේ වගේ මත්ද්‍රව්‍ය ජාවාරම්කරුවෝ කොටු වුණු පළවෙනි වතාව මේක නෙමෙයි. මීට පෙරත් අවස්ථා කිහිපයකදීම සිසුන්ව කුදලාගෙන තිබුණා. මේ සරසවි සිසුන් දෙන්නා ගැන පේරාදෙණිය පොලීසිය විසින් වැඩිදුර විමර්ශන පවත්වාගෙන යනවා.