හොලිවුඩ් කැලඹූ අලුත්ම ආරංචිය නෙට්ෆ්ලික්ස් බිලියන 72කට වෝනර් බ්‍රදර්ස් ඩිස්කවරි අත්පත් කර ගනී. - World News - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Dec

හොලිවුඩ් කැලඹූ අලුත්ම ආරංචිය නෙට්ෆ්ලික්ස් බිලියන 72කට වෝනර් බ්‍රදර්ස් ඩිස්කවරි අත්පත් කර ගනී.

3 Views

ලෝකයේම කතාබහට ලක්වන, හොලිවුඩ් කැලඹූ අලුත්ම ආරංචිය තමයි මේ. චිත්‍රපට හා ස්ට්‍රීමින්ග් ලෝකයේ "දැවැන්තයා" වන නෙට්ෆ්ලික්ස්, තවත් සුපිරි බලවතෙක් වන වෝනර් බ්‍රදර්ස් ඩිස්කවරි සමාගමේ චිත්‍රපට සහ ස්ට්‍රීමින්ග් අංශය ඇමෙරිකානු ඩොලර් බිලියන 72 ක් වැනි කට ඇරෙනසුළු මුදලකට මිලදී ගැනීමට එකඟ වී තිබෙනවා.

මේක සාමාන්‍ය ගනුදෙනුවක් නෙවෙයි. සති ගණනක් තිස්සේ ඇදුණු "ලංසු සටනක" අවසානයයි මේ. මේ බිලියන ගණන් ගනුදෙනුවට කොම්කාස්ට් සහ පැරමවුන්ට් ස්කයිඩෑන්ස් වැනි තවත් සුපිරි කොම්පැණි තරඟ කළත්, අවසානයේදී ජය අරගෙන තියෙන්නේ නෙට්ෆ්ලික්ස්. එයාලා තමයි ඉහළම ලංසුව දීලා මේ ජැක්පොට් එක දිනාගෙන තියෙන්නේ.

වෝනර් බ්‍රදර්ස් කියන්නේ පොඩි තැනක් නෙවෙයි. නෙට්ෆ්ලික්ස් අතට යන ප්‍රධාන ව්‍යාපාර දිහා බැලුවොත්, ඔයාටත් පුදුම හිතෙයි.

හැරී පෝටර් (Harry Potter): ලෝකයේම ආදරය දිනාගත් මැජික් ලෝකය.
ගේම් ඔෆ් ත්‍රෝන්ස් (Game of Thrones): අතිශයින් ජනප්‍රිය වූ කතා මාලාව.

HBO Max: දැනටමත් ලෝකයේ ජනප්‍රියම ස්ට්‍රීමින්ග් සේවාවක්.

මේ වගේ අතිවිශාල කන්ටෙන්ට් එකතුවක් නෙට්ෆ්ලික්ස් සතු වුණාම, ඇත්තටම හොලිවුඩයේ බල තුලනය සම්පූර්ණයෙන්ම වෙනස් වෙන බවයි වාර්තා වෙන්නේ. මෙම අත්පත් කර ගැනීම එක්සත් ජනපදයේ චිත්‍රපට සහ මාධ්‍ය කර්මාන්තය රැඩිකල් ලෙස ප්‍රතිනිර්මාණය කෙරෙනු ඇති බව ඇතැමුන්ගේ අදහසයි.