2,400 Views
"දිට්වා" ලංකාවට සිදුකළ විනාසය නම් ඇත්තටම වචනවලින් කියන්නට බැරි තරම්, කාලයක් පුරාවට අඳුරු මතක රැසක් එක්කළ මේ ප්රබල සිදුවීම නිසා අපට අහිමිවුණු ජීව්ත අතරින් ඔහු ගැන බොහෝ දෙනා කතා කරන්නේ ඒ අමිල මෙහෙවර නිසා බව ඇත්තෙන්ම කියන්න ඕන.
ඉතින් මේ ඇසෙන සංවේදී කතාව වින්ග් කමාන්ඩර් නිර්මාල් සියඹලාපිටිය ගැනයි.
හෙලිකොප්ටර් අනතුරෙන් මියගිය වින්ග් කමාන්ඩර් නිර්මාල් සියඹලාපිටිය මහතා වසර 20කටත් වඩා සේවා කාලයක් ඇති දක්ෂ ගුවන් නියමුවෙක්. ඔහු වෙන්නප්පුව ලුණුවිල ප්රදේශයට ගුවන් යානය පදවාගෙන ගියේ එම ස්ථානයේ විපතට පත්වී සිටි ජනතාවට ගුවනේ සිට ආහාර ලබාදී තවත් ස්ථානයකට යෑමට වුවත් හදිසියේ ඇතිවූ කාර්මික දෝෂයක් නිසා ඔහු එහි රැස්ව සිටි ජනතාවටත් හානියක් නොවන පරිදි බෙල් 212 හෙලිකොප්ටර් යානය ආරක්ෂිත ස්ථානය වන ගිං ඔයට පහත් කිරීමට ගොස් අනතුරට පත්වීමෙන් ඔහුගේ ජීවිතය අහිමි වෙන්නට ඇතැයි ගුවන් හමුදා මාධ්ය ප්රකාශක ගෲප් කැප්ටන් එරන්ද ගීගනගේ මහතා පැවසුවා.
මෙම අනතුර සම්බන්ධයෙන් විමර්ශනය කිරීම සඳහා උසස් නිලධාරියෙක් ඇතුළු නිලධාරීන් 09 දෙනකුගෙන් යුත් කමිටුවක් ගුවන් හමුදාපතිවරයා විසින් පත්කර තිබෙන බවද හෙතෙම පැවසුවා.
වෙන්නප්පුව ජෝශප් වාස් විද්යාලයෙන් අධ්යාපනය හදාරා 2005 වසරේ ගුවන් හමුදාවට බැඳුණු වින්ග් කමාන්ඩර් නිර්මාල් වසර 20කට වඩා සේවා කාලයක් මෙන්ම ගුවන් පියාසර පැය 3000කට වඩා පියාසර කළ දක්ෂ ගුවන් නියමුවෙකි. 41 හැවිරිදි වියේ පසු වූ ඒ මහතා බෙල් 212 හෙලිකොප්ටර් යානයෙන් සහාය නියමුවා සහ තවත් තිදෙනකු සමග ගුවන්ගත වන්නේ පෙරේදා (30දා) සවස 5.40ට පමණය. දින කිහිපයක් තිස්සේ විපතට පත් ජනතාව මුදාගැනීමට සහ ඔවුන්ට ආහාර ඇතුළු අත්යාවශ්ය භාණ්ඩ ලබාදීමට ගුවන් හමුදා හෙලිකොප්ටර් යානා 09ක් යොදා තිබූ අතර ඉන් එක් යානයක ප්රධාන නියමුවා ලෙස කටයුතු කළේ නිර්මාල් සියඹලාපිටිය මහතාය. සියඹලාපිටිය මහතා ඇතුළු කණ්ඩායමට පැවරී තිබුණේ ලුණුවිල ප්රදේශයට සහ තවත් ස්ථාන කිහිපයකට ආහාර ලබාදීමටයි.
මෙම හෙලිකොප්ටර් යානයෙන් රැගෙන ගිය ආහාර පාර්සල් අඩි 75ක පමණ උසක සිට බිමට මුදාහැර නැවත වෙනත් ස්ථානයකට යෑමට උත්සාහ කළ අවස්ථාවේ හෙලිකොප්ටරයේ ඇති වූ හදිසි කාර්මික දෝෂයක් නිසා එය අනතුරට පත්වන්නට ඇති බවට සැකකරන බවත්, ඒ සම්බන්ධයෙන් සිදුකරන ලද විමර්ශනයෙන් පසු අනතුර පිළිබඳව නිශ්චිතව ප්රකාශ කිරීමට හැකිවනු ඇතැයි ද ගුවන් හමුදා මාධ්ය ප්රකාශක ගීගනගේ මහතා කීවා.
මියගිය සියඹලාපිටිය මහතා වෙන්නප්පුව ප්රදේශයේම ඉපිද වෙන්නප්පුව ජෝශප් වාස් විද්යාලයෙන් අධ්යාපනය ලබා අයහපත් කාලගුණයෙන් එම ප්රදේශයේම විපතට පත් ජනතාවට සේවය කිරීමට ගොස් ජීවිතය අහිමිවීම දෛවයේ සරදමක් දැයි කෙනකුට සිතිය හැකිය. වෙන්නප්පුව කිරිමැටියාන තුලාවල ඔහුගේ ගම් ප්රදේශයයි. ඔහු ක්රියාන්විත රාජකාරියේ යෙදෙමින් උපන් බිමට මහත් සේවයක් කර තිබෙනවා.
කොළඹ විශ්වවිද්යාලයේ අන්තර්ජාතික සබඳතා කටයුතු පිළිබඳ Master of Arts in International Relations, International Relations and Affairs උපාධිධරයකු වූ නිර්මාල් තම වැඩිදුර අධ්යාපනය සඳහා London Metropolitan University ඇතුළත් වී Master of Science උපාධිය හදාරනු ලැබුවේ Aviation/ Airway Management and Operation යන අංශ පිළිබඳවයි.
ඉන් පසුව නිර්මාල් එම සරසවියේම MSc උපාධිය ද සම්පූර්ණ කර ඇති අතර, 2005 වර්ෂයේදී රත්මලාන ගුවන් හමුදා කඳවුරෙන් සිය ගුවන් හමුදා සේවය ආරම්භ කළ සියඹලාපිටිය මහතා වසර 20ක සේවා කාලය ද සම්පූර්ණ කර සිටියේය. රටට මහත් විපතක් කළ ‘දිට්වා’ සුළි කුණාටුවෙන් දහස් ගණනකගේ ජීවිත මුදාගැනීමට දායකවී සිටියදී තමන් පැදවූ හෙලිකොප්ටරයම අනතුරට ලක්වී ඔහුගේ ජීවිතය අහිමි වුණා. ඔහු සමග ගමන් කළ අනිත් සිව්දෙනා ද තුවාල ලබා මාරවිල රෝහලට ඇතුළත් කර සිටිනවා.
හත් හැවිරිදි පුංචි පුතකුගේ පියකු වූ රණවිරු වින්ග් කමාන්ඩර් නිර්මාල් සියඹලාපිටිය මහතා ජීවිතයත්, මරණයත් අතර සටනක යෙදී සිටි දහස් ගණනක් මුදාගෙන ඔවුන්ට ආහාර ලබාදීමට ගොස් ජීවිතයෙන් සමුගැනීම රටේ හදවත් තුළ සදා සිහිවටනයක් වනු ඇතියි.
වින්ග් කමාන්ඩර් නිර්මාල් සියඹලාපිටියගේ දේහය කිරිමාවියාන තලාව පාරේ පිහිටි නිවසේ තැන්පත් කර ඇති අතර අවසන් කටයුතු 04 වැනිදා ප.ව. 4.00ට රත්මලාන රෝමානු කතෝලික සුසාන භූමියේ දී සිදු කිරීමට නියමිතයි.
දිවයින පුවත්පත ඇසුරෙන්..
හෙලිකොප්ටර් අනතුරෙන් මියගිය වින්ග් කමාන්ඩර් නිර්මාල් සියඹලාපිටිය මහතා වසර 20කටත් වඩා සේවා කාලයක් ඇති දක්ෂ ගුවන් නියමුවෙක්. ඔහු වෙන්නප්පුව ලුණුවිල ප්රදේශයට ගුවන් යානය පදවාගෙන ගියේ එම ස්ථානයේ විපතට පත්වී සිටි ජනතාවට ගුවනේ සිට ආහාර ලබාදී තවත් ස්ථානයකට යෑමට වුවත් හදිසියේ ඇතිවූ කාර්මික දෝෂයක් නිසා ඔහු එහි රැස්ව සිටි ජනතාවටත් හානියක් නොවන පරිදි බෙල් 212 හෙලිකොප්ටර් යානය ආරක්ෂිත ස්ථානය වන ගිං ඔයට පහත් කිරීමට ගොස් අනතුරට පත්වීමෙන් ඔහුගේ ජීවිතය අහිමි වෙන්නට ඇතැයි ගුවන් හමුදා මාධ්ය ප්රකාශක ගෲප් කැප්ටන් එරන්ද ගීගනගේ මහතා පැවසුවා.
මෙම අනතුර සම්බන්ධයෙන් විමර්ශනය කිරීම සඳහා උසස් නිලධාරියෙක් ඇතුළු නිලධාරීන් 09 දෙනකුගෙන් යුත් කමිටුවක් ගුවන් හමුදාපතිවරයා විසින් පත්කර තිබෙන බවද හෙතෙම පැවසුවා.
වෙන්නප්පුව ජෝශප් වාස් විද්යාලයෙන් අධ්යාපනය හදාරා 2005 වසරේ ගුවන් හමුදාවට බැඳුණු වින්ග් කමාන්ඩර් නිර්මාල් වසර 20කට වඩා සේවා කාලයක් මෙන්ම ගුවන් පියාසර පැය 3000කට වඩා පියාසර කළ දක්ෂ ගුවන් නියමුවෙකි. 41 හැවිරිදි වියේ පසු වූ ඒ මහතා බෙල් 212 හෙලිකොප්ටර් යානයෙන් සහාය නියමුවා සහ තවත් තිදෙනකු සමග ගුවන්ගත වන්නේ පෙරේදා (30දා) සවස 5.40ට පමණය. දින කිහිපයක් තිස්සේ විපතට පත් ජනතාව මුදාගැනීමට සහ ඔවුන්ට ආහාර ඇතුළු අත්යාවශ්ය භාණ්ඩ ලබාදීමට ගුවන් හමුදා හෙලිකොප්ටර් යානා 09ක් යොදා තිබූ අතර ඉන් එක් යානයක ප්රධාන නියමුවා ලෙස කටයුතු කළේ නිර්මාල් සියඹලාපිටිය මහතාය. සියඹලාපිටිය මහතා ඇතුළු කණ්ඩායමට පැවරී තිබුණේ ලුණුවිල ප්රදේශයට සහ තවත් ස්ථාන කිහිපයකට ආහාර ලබාදීමටයි.
මෙම හෙලිකොප්ටර් යානයෙන් රැගෙන ගිය ආහාර පාර්සල් අඩි 75ක පමණ උසක සිට බිමට මුදාහැර නැවත වෙනත් ස්ථානයකට යෑමට උත්සාහ කළ අවස්ථාවේ හෙලිකොප්ටරයේ ඇති වූ හදිසි කාර්මික දෝෂයක් නිසා එය අනතුරට පත්වන්නට ඇති බවට සැකකරන බවත්, ඒ සම්බන්ධයෙන් සිදුකරන ලද විමර්ශනයෙන් පසු අනතුර පිළිබඳව නිශ්චිතව ප්රකාශ කිරීමට හැකිවනු ඇතැයි ද ගුවන් හමුදා මාධ්ය ප්රකාශක ගීගනගේ මහතා කීවා.
මියගිය සියඹලාපිටිය මහතා වෙන්නප්පුව ප්රදේශයේම ඉපිද වෙන්නප්පුව ජෝශප් වාස් විද්යාලයෙන් අධ්යාපනය ලබා අයහපත් කාලගුණයෙන් එම ප්රදේශයේම විපතට පත් ජනතාවට සේවය කිරීමට ගොස් ජීවිතය අහිමිවීම දෛවයේ සරදමක් දැයි කෙනකුට සිතිය හැකිය. වෙන්නප්පුව කිරිමැටියාන තුලාවල ඔහුගේ ගම් ප්රදේශයයි. ඔහු ක්රියාන්විත රාජකාරියේ යෙදෙමින් උපන් බිමට මහත් සේවයක් කර තිබෙනවා.
කොළඹ විශ්වවිද්යාලයේ අන්තර්ජාතික සබඳතා කටයුතු පිළිබඳ Master of Arts in International Relations, International Relations and Affairs උපාධිධරයකු වූ නිර්මාල් තම වැඩිදුර අධ්යාපනය සඳහා London Metropolitan University ඇතුළත් වී Master of Science උපාධිය හදාරනු ලැබුවේ Aviation/ Airway Management and Operation යන අංශ පිළිබඳවයි.
ඉන් පසුව නිර්මාල් එම සරසවියේම MSc උපාධිය ද සම්පූර්ණ කර ඇති අතර, 2005 වර්ෂයේදී රත්මලාන ගුවන් හමුදා කඳවුරෙන් සිය ගුවන් හමුදා සේවය ආරම්භ කළ සියඹලාපිටිය මහතා වසර 20ක සේවා කාලය ද සම්පූර්ණ කර සිටියේය. රටට මහත් විපතක් කළ ‘දිට්වා’ සුළි කුණාටුවෙන් දහස් ගණනකගේ ජීවිත මුදාගැනීමට දායකවී සිටියදී තමන් පැදවූ හෙලිකොප්ටරයම අනතුරට ලක්වී ඔහුගේ ජීවිතය අහිමි වුණා. ඔහු සමග ගමන් කළ අනිත් සිව්දෙනා ද තුවාල ලබා මාරවිල රෝහලට ඇතුළත් කර සිටිනවා.
හත් හැවිරිදි පුංචි පුතකුගේ පියකු වූ රණවිරු වින්ග් කමාන්ඩර් නිර්මාල් සියඹලාපිටිය මහතා ජීවිතයත්, මරණයත් අතර සටනක යෙදී සිටි දහස් ගණනක් මුදාගෙන ඔවුන්ට ආහාර ලබාදීමට ගොස් ජීවිතයෙන් සමුගැනීම රටේ හදවත් තුළ සදා සිහිවටනයක් වනු ඇතියි.
වින්ග් කමාන්ඩර් නිර්මාල් සියඹලාපිටියගේ දේහය කිරිමාවියාන තලාව පාරේ පිහිටි නිවසේ තැන්පත් කර ඇති අතර අවසන් කටයුතු 04 වැනිදා ප.ව. 4.00ට රත්මලාන රෝමානු කතෝලික සුසාන භූමියේ දී සිදු කිරීමට නියමිතයි.
දිවයින පුවත්පත ඇසුරෙන්..
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
