බොහෝ දෙනා අතර කතා බහට ලක්වූ සක්විති රණසිංහ ගැන විශේෂ ආරංචියක්.. - News Artical - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

බොහෝ දෙනා අතර කතා බහට ලක්වූ සක්විති රණසිංහ ගැන විශේෂ ආරංචියක්..

24 Views

ඔහු කලකට ඉහත ලංකාවේ බොහෝ දෙනා දැන හඳුනාගත්තේ දක්ෂ ඉංග්‍රීසි භාෂා ගුරුවරයෙක් ලෙසයි..

ඒත් පසු කාලෙක ඔහු ගැන අහන්න ලැබෙන්නේ ඊට වඩා හාත්පසින්ම වෙනස් කාරණාවක්.. ඔහු ගැන අදත් විශේෂ කාරණාවක් අහන්න ලැබුණා මේ අන්න ඒ ගැනයි..

නීති විරෝධී මූල්‍ය ආයතනයක් පවත්වාගෙන ගොස් රුපියල් දාසය කෝටි හතළිස් එක් ලක්ෂයකට අධික මුදලක් මහජනතාවගෙන් තැන්පතු ලෙස භාර ගැනීම ඇතුලු චෝදනාවලට වරද පිළිගත් චන්දන වීර කුමාර හෙවත් සක්විති රණසිංහ සහ ඔහුගේ බිරිඳ වූ කුමාරි අනුරාධිනී යන අයට කොළඹ මහාධිකරණය අත්හිටවූ සිර දඬුවම් සහ දඩ නියම කළා...

එම චෝදනාවලට විත්තිකරුවන් වරද පිළිගැනීමෙන් අනතුරුව එක් එක් විත්තිකරුට බරපතළ වැඩ සහිත වසරක සිර දඬුවම් නියම කළ මහාධිකරණ විනිසුරු ආදිත්‍ය පටබැඳිගේ එම සිර දඬුවම වසර 10 කට අත්හිටුවන බවත් නියෝග කළා..

ඊට අමතරව විත්තිකරුවන්ට රුපියල් 25000 බැගින් දඩ මුදල්ද නියම වුණා...

දඩ මුදල් ගෙවීමෙන් පසුව විත්තිකරුවන්ගෙන් ඇඟිලි සලකුණු ලබා ගන්නා ලෙසත් ඉන් පසුව ඔවුන් මුදාහරිණ ලෙසත් විනිසුරු වරයා නියෝග කළා...

මීට පෙර පැමිණිල්ලේ සහ විත්තියේ මෙන්ම අගතියට පත් පාර්ශවය නීතිඥවරු අතර ඇතිවූ එකඟතාවය මත මෙම විත්තිකරු විසින් තැන්පත්කරුවන්ගෙන් භාරගත් සමස්ත මුදල් වලින් සියයට 60 වන නවකෝටි අසූපන් ලක්ෂයකට ආසන්න මුදලක් 2023 වසරේ ජූලි මාසයේ සිට රුපියල් ලක්ෂ පනහ බැගින් වූ මාසික වාරික වලින් විත්තිකරු ගෙවා අවසන් කර තිබෙන බව ඔවුන්ගේ නීතිඥවරු අධිකරණයට දැනුම් දුන්නා...

ඉන් අනතුරුව විත්තිකරුවන් වෙනුවෙන් පෙනී සිටි ජනාධිපති නීතීඥ ජයන්ත වීරසිංහ අධිකරණය හමුවේ කරුණු දක්වමින් මෙම නඩුවේ පළමුවන විත්තිකරු වසර නවයක් පමණ රක්ෂිත බන්ධනාගාරගතව සිටි බවත් දෙවන විත්තිකාරිය වසර දෙකක් පමණ බන්ධනාගාරය බාරය පසුව බවත් සඳහන් කළා...

බන්ධනාගාරයෙන් ඇප ලබා පැමිණීමෙන් පසුව අමතර උපකාරක පන්ති පවත්වා ලැබුණු මුදල් වලින් මෙම ගෙවීම් සිදුකළ බවත් ජනාධිපති නීතිඥවරයා සඳහන් කළා...

මෙම විත්තිකරුවන්ගේ දරුවන් දෙදෙනා ඉදිරියේදී විවාහ වීමට නියමිතව සිටින බැවින් ඔවුන්ට ලිහිල් දඬුවම් නියම කරන ලෙසත් ජනාධිපති නීතිඥවරයා අධිකරණයෙන් ඉල්ලා සිටියා...

ඉදිරිපත් වූ කරුණු සලකා බැලූ මහාධිකරණ විනිසුරුවරයා අනතුරුව මෙම තීන්දුව ප්‍රකාශයට පත් කළා..