කාලගුණය ආයෙත් දරුණු වෙයි... පළාත් කිහිපයකට වැසි තත්වයේ වැඩිවීමක් ... ඉදිරි පැය කිහිපයේ වෙන්න යන දේ මෙන්න... - Weather Advisory - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

කාලගුණය ආයෙත් දරුණු වෙයි... පළාත් කිහිපයකට වැසි තත්වයේ වැඩිවීමක් ... ඉදිරි පැය කිහිපයේ වෙන්න යන දේ මෙන්න...

11 Views

කාලගුණය ආයෙමත් නපුරු වෙලා... මේ කියන්න හදන්නේ ඒ ගැනයි...

නිරිත දිග මෝසම් තත්ත්වය දිවයින හරහා ක්‍රමයෙන් ස්ථාපිත වෙමින් පවතින අතර, බස්නාහිර, සබරගමුව, වයඹ, මධ්‍යම සහ දකුණු පළාත්වල අද (20) විටින් විට වැසි හෝ ගිගුරුම් සහිත වැසි ඇතිවිය හැකි බවයි කාලගුණ විද්‍යා දෙපාර්තමේන්තුව නිවේදනයක් නිකුත් කරමින් සඳහන් කරන්නේ.

ඒ අනුව, බස්නාහිර සහ සබරගමුව පළාත් වලත් ගාල්ල, මාතර, පුත්තලම, නුවර එළිය සහ මහනුවර දිස්ත්‍රික්කවලත් ඇතැම් ස්ථානවල මි.මී. 75 පමණ තරමක තද වැසි ඇතිවිය හැකියි.

උතුරු සහ උතුරු - මැද පළාත්වල වැසි වාර කිහිපයක් ඇතිවිය හැකි බව සඳහන්.
නැගෙනහිර පළාතේ සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකියි.

වයඹ, උතුරු මැද, උතුරු, මධ්‍යම සහ දකුණු පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැකි බවයි එම දෙපාර්තමේන්තුව පවසන්නේ.

තවද, ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටිනවා.