නානවානම් මෙන්න මේ දේවල් දැනගෙන නාන්න.... ආයුර්වේදයට අනුව ස්නානය සඳහා සතියේ හොඳම දින ගැනයි මේ... - Healthy-life - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Mar

නානවානම් මෙන්න මේ දේවල් දැනගෙන නාන්න.... ආයුර්වේදයට අනුව ස්නානය සඳහා සතියේ හොඳම දින ගැනයි මේ...

23 Views

ආයුර්වේදයට අනුව ස්නානය සඳහා සතියේ හොඳම දින ගැනත් ඒ වගේම නිවැරැදිව ස්නානය කරන හැටිත් කියලා දෙන්නයි හදන්නේ...

ආයුර්වේද වෛද්‍ය ශාස්ත්‍රයට අනුව සත්වයාගේ ස්වස්ථ බව රැක ගැනීමට පෙර විසූ ඎෂිවරුන් විසින් ස්වස්ථ වෘත හඳුන්වා දී තිබෙනවා... එහි සඳහන් දින චර්‍යා හෙවත් දෛනිකව අප විසින් අනුගමනය කළ යුතු යහපත් දින පිළිවෙත් වල ස්නානය ගැන දක්වා තිබෙනවා...

ස්නානය මඟින් අග්නි දීප්තිය, වෘශ්‍ය ගුණය ආයුෂය, උත්සාහය, බලදානය වර්ධනය වන අතර කැසීම, හමේ අපිරිසිදු කොටස් නැතිවීම, ශ්‍රමය, දහඩිය, තන්ද්‍රාව, පිපාසය, දැවිල්ල යන මේ කොටස් මෙන්ම පාප චේතනාවන්ද දුරු වෙන බවට පිළිගන්නවා...

ඒ වගේම මනසේ ප්‍රසන්නතාව ඇති වෙනවා... උණු දිය ස්නානය නම් රෝගී අවස්ථාවක කළ යුතුයි.

හිස උණු දියෙන් සේදීම අයෝග්‍ය වෙයි...

ආර්දිත රෝගීන් , නේත්‍ර රෝගීන්, මුඛ රෝගීන්, කර්ණ රෝගීන්, අතිසාර රෝගින්, ආධ්මාන රෝගීන්, පීනස් රෝගින් ආහාර ගත් විගස ස්නානය කිරීම අයෝග්‍ය වෙනවා... උණු දියෙන් උත්තමාංගය හෙවත් හිස සේදීම ඇස්වල හා කෙස්වල බලය නැති වීමට හේතු වන බව කියැවෙනවා....

ස්නානය කළ යුතු කාලය පිළිබද විවිධ මත පවතින අතර එය උදේ වරුවක විය යුතුයි .

නමුත් සෙම් රෝග බහුල අය උදෑසන 06 ත් 10 ත් අතර ස්නානය කිරිම නුසුදුසු යි...

එයට දහවල් 10ත් 11ත් සුදුසු වෙනවා...

ස්නානය කළ යුතු කාලය ප්‍රකෘතිය, රෝගී බල ආදි කරුණු මත වෙනස් ...එනමුත් ඉර බැසගෙන ගිය පසුව ස්නානය කිරීම නුසුදුසු බව තමයි පිළිගන්නා මතය...
ස්නානය කළ යුතු දවස් ගැන මේ වගේ මතයක් තමයි තිබෙන්නේ...

ඉරිදා (රවි): ඉරිදා සූර්යයා සමඟ සම්බන්ධ වන අතර එය ජීව ශක්තිය සහ ශක්තිය නියෝජනය කරයි. ඉරිදා දිනවල ස්නානය ශාරීරික හා මානසික ශක්තිය ප්‍රවර්ධනය කරන බව විශ්වාස කෙරේ.

සඳුදා (චන්ද්‍ර): සඳුදා සඳු සමඟ සම්බන්ධ වන අතර එය සන්සුන් භාවය සහ චිත්තවේගීය යහපැවැත්ම නියෝජනය කරයි. සඳුදා දිනවල ස්නානය කිරීමෙන් විවේකය සහ මනස සන්සුන් වන බව විශ්වාස කෙරේ.

බදාදා (බුධ): සන්නිවේදනය සහ බුද්ධිය නියෝජනය කරන බුධ සමඟ බදාදා සම්බන්ධ වේ. බදාදා දිනවල ස්නානය කිරීම මානසික පැහැදිලිකම සහ සන්නිවේදන කුසලතා ප්‍රවර්ධනය කරන බව විශ්වාස කෙරේ.

සිකුරාදා (සුක්‍රා): සිකුරාදා ආදරය හා අලංකාරය නියෝජනය කරන සිකුරු සමඟ සම්බන්ධ වේ. සිකුරාදා දිනවල ස්නානය කිරීම ආදරය, සමගිය සහ ස්වයං රැකවරණය පිළිබඳ හැඟීම් වැඩි දියුණු කරන බව විශ්වාස කෙරේ.

සෙනසුරාදා (ශනි): සෙනසුරාදා විනය සහ ස්ථාවරත්වය නියෝජනය කරන සෙනසුරු සමඟ සම්බන්ධ වේ. සෙනසුරාදා දිනවල ස්නානය කිරීම ස්ථාවරත්වය පිළිබඳ හැඟීමක් ප්‍රවර්ධනය කරන බව විශ්වාස කෙරේ ....

අන්තර්ජාලයෙන්...