උණු උණු සුදු කැකුළු බත් එක්ක පොල් සම්බෝලයක් හදාගෙන ඒකට නියමෙට පෑහෙන චිකන් කළුපොල් කරියක් හදමුද ? - Chiken Curry - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Feb

උණු උණු සුදු කැකුළු බත් එක්ක පොල් සම්බෝලයක් හදාගෙන ඒකට නියමෙට පෑහෙන චිකන් කළුපොල් කරියක් හදමුද ?

5 Views

චිකන් කරිය අපි එක එක විදිහට හදනවානේ... මේ කියන්න හදන්නේ චිකන් හදන්න පුළුවන් වෙනස්ම ක්‍රමයක් ගැනයි...

වෙනස් රසක්... හරි ඔන්න අපි බලමු කොහොමද චිකන් කළුපොල් කරිය හදන්නේ කියලා...

ඉස්සල්ලාම අපිට උවමනා වෙන්නේ මෙන්න මේ දේවල්....

චිකන් 500g

ඇට සහිත සියඹලා 7ක් 8ක්(ඇල් ජලයෙන් සෝදා උණු ජලයෙන් දිය කරගන්න)

සුදුලූණු බික් 7ක් 8ක්

ඉඟුරු කෑලි 3ක් 4ක්

(මේවා අඹරා යුෂ සකස් කරගන්න)

ලුණු තේ හැඳි 1 1/2

කහ තේ හැඳි 1/4

කොත්තමල්ලි තේ හැඳි 1 1/2

කළු දුරු තේ හැඳි 1/4

මාදුරු තේ හැඳි 1/4

හීන්දුරු තේ හැඳි 1/2

වියළි මිරිස් කරල් 10ක් 12ක්

අඟල් 1ක පමණ කුරුඳු කෑල්ලක්

එනසාල් 4ක් 5ක්

කරාබු නැටි 7ක් 8ක්

(මෙම තුනපහ කබලේ බැද හීනියට අඹරා ගන්න.)

රතු කැකුළු සහල් මේස හැඳි 1ක්

කුරුඳු කෑල්ලක්

ගම්මිරිස් මේස හැඳි 1ක්

හීනියට ගා ගත් පොල් මේස හැඳි 3ක්

( මෙම සියල්ල රන්වන් පාට වනතුරු බැද හීනියට අඹරා ගන්න.)

අමු මිරිස් කරල් 4ක්(කරල අගින් පලා ගන්න)

රට ළූණු ගෙඩි 2ක්( හීනියට ලියා ගන්න.)

රම්පෙ,කරපිංචා(සෝදා සූරා ගන්න.රම්පෙ කපා ගන්න.)

(එනසාල් 1ක්)

පොල්තෙල් මේස හැඳි 2ක්

අබ හා උළුහාල් ස්වල්පයක්

සාදන ක්‍රමය

පළමුව චිකන් සෝදා කැපුම් පාරවල් යොදා එයට කහ,ලුණු,(ගම්මිරිස් කුඩු),ඉඟුරු,සුදු ලූණු යුෂ,සියඹලා යුෂ,බදින ලද තුනපහ ගුලිය,හීනියට අඹරන ලද පොල් ගුලිය,කුරුඳු පොත්තක් ආදිය දමා හොඳින් මිශ්‍ර කර විනාඩි 15ක් වසා තබන්න.

මැටි ඇතිලියක් ළිප තබා පොල්තෙල් දමා රත්වීගෙන එන විට අබ,උළුහාල්,යුෂ ඉවත් කරගන්නා ලද සුදුලූණු,ඉඟුරු යොදා හොඳින් බැදුණු පසු කහ ස්වල්පයක් එක් කරන්න...

හොඳින් බැද තෙම්පරාදු කර පසුව රටළූණු,රම්පෙ,කරපිංචා සහ විනාඩි 15ක් වසා තැබූ චිකන් එකතු කර හොඳින් මිශ්‍ර කර චිකන් වලින් උනන ජලයෙන් හා තෙල් ගතියෙන් මද ගින්නෙන් තැම්බීමට සලස්වා පසුව ඇතිලියට වතුර එක්කර හොඳින් මිශ්‍ර කර තැම්බීමට සලස්වා එයට රම්පෙ,කරපිංචා,අමුමිරිස් සහ අවසානයේ ගම්මිරිස් කුඩු ඉස බාගන්න.

හදලා බලන්නකෝ... උණු උණු සුදු කැකුළු බත් එක්ක පොල් සම්බෝලයක් හදාගෙන කන්න... මාරම රසයි....

අන්තර්ජාලයෙන්....