පාර්ලිමේන්තුව සුද්ද කරන්න ඇවිත් මොකද්ද මේ කරපු වැඩේ.. ජපන් විශ්ව විද්‍යාල‍යේ කතාව ගැන මෙන්න තවත් වෙනස් ආරංචියක්... - News Artical - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Dec

පාර්ලිමේන්තුව සුද්ද කරන්න ඇවිත් මොකද්ද මේ කරපු වැඩේ.. ජපන් විශ්ව විද්‍යාල‍යේ කතාව ගැන මෙන්න තවත් වෙනස් ආරංචියක්...

13 Views

මේ කතාව ගැන බොහෝ දෙනා ඉන්නේ උනන්දුවෙන්.. ඔහු ඇයි මේ වගේ බොරුවක් කළේ..? ඒත් තවම ඒ ගැන ඔහු ඉන්නේ නිහඬ පිළිවෙතක..

මේ කියන්නේ අන්න ඒ ගැන ඇසෙන තවත් එක් අලුත් කතාවක්..

කථානායක අශෝක සපුමල් රන්වල ජපානයේ විශ්ව විද්‍යාලයක උපාධිධාරියෙකු නොවන බවත්, ඔහු එහි අධ්‍යාපනය ලබා නොමැති බවට එම විශ්ව විද්‍යාලයෙන් දැනුම්දුන් බවත්, හිටපු ඇමතිනි තලතා අතුකෝරළ පවසනවා.

මෙම තොරතුරු සත්‍ය නම් මෙරට තුන්වැනි තනතුර හොබවන පුද්ගයයෙකු එවැනි අසත්‍ය තොරතුරක් පතුරවමින් රට අගාධයකට යොමු කර ඇති බවයි ඇය සඳහන් කළේ.

මාධ්‍ය හමුවකට එක්වෙමිනුයි ඊයේ (10) ඇමතිනිය මේ බව පැවසුවේ.

එහිදී ඇය මෙසේද සඳහන් කළා.

''පාර්ලිමේන්තුවේ සටහන් වෙලා තිබුණේ ගරු ආචාර්ය අශෝක සපුමල් රන්වල කියන නමින් තමයි. අද නිකන්ම මේ වෙබ් සයිට් එකේ ගරු අශෝක සපුමල් රන්වල මහත්මයා හැටියට පත්වෙලා තියෙනවා. ජපානයේ වසේඩා විශ්ව විද්‍යාලයේ තමයි එතුමා පශ්චාත් උපාධිය කරලා තියෙන්නේ කියලා සඳහන් වෙලා තියෙන්නේ.

එතකොට අපි ගාව තියෙනවා ජපානයේ ෂින්ජුකු නගරයේ වසේඩා විශ්ව විද්‍යාලයෙන් ගෙන්නගත්ත එකක්, එකේ තියෙන්නේ එහෙම කෙනෙක් එහේ අධ්‍යාපනය ලබලා නැහැයි කියලා. කථානායක කියන පදවිය මේ රටේ තුන්වෙනි තනතුර. ජනාධිපතිවරයා නැති වෙලාවක අගමැතිවරයා නැති වෙලාවක වැඩ බලන්න පත් වෙන්නේ කථානායකතුමා.

ශ්‍රේෂ්ඨාධිකරණ විනිශ්චයකාරතුමන්ලා, අග්‍ර විනිශ්චයකාරතුමා, අභියාචනාධිකරණ විනිශ්චයකාරතුමන්ලා, ඉහළ අධිකරණ විනිශ්චයකාරවරු, පොලිස්පතිවරයා විගණකාධිපති ඇතුළු මේ සියලු දෙනාගේම පත්වීම්, මේ ප්‍රධාන ඉහළ පෙළේ පත්වීම් ටික කෙරෙන්නේ මෙතුමා සභාපතිත්වය දරන ආණ්ඩුක්‍රම ව්‍යවස්ථා සභාවෙන්.

ඔබ හොඳට කල්පනා කරලා බලන්න අපි මොනතරම් අනතුරකට ද මේ මාලිමා ආණ්ඩුව රට දාලා තියෙන්නේ කියලා. පාර්ලිමේන්තුව සුද්ද කරන්න ඇවිල්ලා, බැලින්නම් මොකක්ද මේ කරලා තියෙන්නේ. මේ මුළු රටම හොරා කන තැනකට අද මේ පත්වීමත් එක්ක පත්වෙලා තියෙනවා, මේ කරුණු ඇත්ත නම්.''