රොකට් වේගයෙන් ඉහළට යන එළවළු මිල ගැන ඇස් උඩ යන කතාවක්... - Vegetables Latest Prices - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Nov

රොකට් වේගයෙන් ඉහළට යන එළවළු මිල ගැන ඇස් උඩ යන කතාවක්...

2,374 Views

පසුගිය දිනවල පැවතියේ දැඩි වර්ෂාපතන තත්වයක්.ඒ නිසාම ඇතිවුණ ගංවතුර තත්වය නිසා ගොවිතැනටත් අත්වෙලා තියෙන්නේ දරුණු ඉරණමක්.

ඉතින් ඊට පසුව අත්වන ප්‍රතිඵලය ගැනයි මේ කතාව.

ඉදිරියේදී එළවළු මිල ගණන් තවදුරටත් ඉහළ යා හැකි බව වෙළදපොළ ආරංචි මාර්ග පවසනවා.වර්ෂා තත්ත්වය හමුවේ අස්වනු නෙලීමේ අපහසුව, කෘෂි රසායන යෙදීමේ ගැටළු මෙන්ම වෙළෙඳපොළ වෙත ප්‍රවාහන ගැටළු ආදී කරුණු රැසක් හේතුවෙන් එළවළු වල මිල නොසිතූ ලෙස ඉහළ ගොස් ඇති බව වාර්තා වෙනවා...

ඒ වගේම පවත්නා වැසි සහිත කාලගුණික තත්ත්වයත් සමග මධ්‍යම පළාතේ එළවළු වල මිල ගනන් සීඝ්‍ර ලෙස ඉහළ යනු ඇති බව ගොවි සංවිධාන රැසක් ප්‍රකාශ කර සිටිනවා. වැසි තත්ත්වය හේතුවෙන් වගා කටයුවලට සිදුවී ඇති බලපෑම් නිසා ඉදිරියේදී එළවළු වල සීඝ්‍ර මිල වැඩිවීමක් මේ අනුව සිදුවන බවයි වාර්තා වෙන්නේ...

මේ අතර, ගංවතුර තත්ත්වයන් හේතුවෙන් මාතලේ දිස්ත්‍රික්කයේ ගොඩ භුමි රැසක වගාකළ බෝග රැසක් විනාශ වී ඇති බව ද ගොවීන් පවසනවා.වාර්ෂික ගොඩ බෝග ලෙස වගාකර ඇති තක්කාලි, බෝංචි, වම්බටු, මෑකරල්, අමු මිරිස් වැනි බෝගවලට වර්ෂාවෙන් බලපෑම් එල්ල වී ඇති අතර, මේ වනවිටත් බෝහෝ ස්ථාන ජලයෙන් යටවීම හේතුවෙන් බෝග වල අස්වනු නෙලීම ගැටළුකාරී තත්ත්වයට පත්ව ඇති බවයි ඔවුන් සඳහන් කළේ...

මාතලේ දිස්ත්‍රික්කයේ දෛනිකව වැඩිම එළවළු තොග සපයන නාඋල ප්‍රාදේශීය ලේකම් කොට්ඨාශයේ අඹන ගොවි සංවිධානය කියා සිටියේ, වර්ෂාව හේතුවෙන් සිය නිෂ්පාදන දඹුල්ල ආර්ථික මධ්‍යස්ථානයට රැගෙන ගියද ඒවා මිලදී ගැනීම සදහා ව්‍යාපාරිකයින් නොපැමිණෙන බවයි.

වැසි තත්ත්වය හේතුවෙන් වගා කටයුවලට සිදුවී ඇති බලපෑම් නිසා ඉදිරියේදී එළවළු වල සීඝ්‍ර මිල වැඩිවීමක් මේ අනුව සිදුවන බව අඹන ගොවි සංවිධානයේ ක්‍රියාකාරි සාමාජික වයි.එම්.එස්. බණ්ඩාර ප්‍රකාශ කළා...

මේ අතර, දිවයින පුරා පවතින අයහපත් කාලගුණය හේතුවෙන් උඩරට සහ පහතරට එළවළු මිල ඉහළ ගොස් ඇති බව හැටන් ප්‍රදේශයේ එළවළු වෙළෙඳුන් පවසනවා.

අමු මිරිස් කිලෝවක් රු 800, තක්කාලි රු 400, මාළු මිරිස් රු 650, බෝංචි 400 යන මිල ගණන් යටතේ මේ දිනයන්හි අලෙවි කරන බවත්, ඉදිරි දිනයන්වලදි එළවළු මිල තවත් ඉහළ යන බවත්, වෙළෙඳුන් සඳහන් කරනවා.