හැමෝගෙම ඇස් මවිත කරවමින්, ට්‍රම්ප්ගේ ජයග්‍රහණයත් සමඟ ඩොලරයේ සහ රන් මිලෙහි සිදු වූ පෙරළිය... - Dollar And Gold Prices - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Nov

හැමෝගෙම ඇස් මවිත කරවමින්, ට්‍රම්ප්ගේ ජයග්‍රහණයත් සමඟ ඩොලරයේ සහ රන් මිලෙහි සිදු වූ පෙරළිය...

10,593 Views

ඩොනල්ඩ් ට්‍රම්ප්ගේ ජනාධිපතිවරණ ජයග්‍රහණයෙන් පසු ඩොලරයේ අගය ශක්තිමත් වී ඇතැයි ද, කොටස් වෙළෙඳ පොළ වාර්තාගත ලෙස ඉහළ ගොස් ඇතැයිද විදෙස් මාධ්‍ය තොරතුරු වාර්තා කරනවා.

මාස හතරකට පමණ පසු ඩොලරය එහි ඉහළම අගයට ළඟා වී ඇති අතර වසර හතරකට පසුව යුරෝව ඩොලරයට සාපේක්ෂව විශාලම දෛනික පහත වැටීමට ලක්ව ඇති බවයි සඳහන් වෙන්නේ.

ජපානයෙන්, යුරෝ, මෙක්සිකානු පෙසෝ, චීන යුවාන් අගයන් ද පහත වැටී ඇති බවත් සඳහන්.

ඩොලරය ස්ථාවර වීම මත රන් සහ තඹ මිල ද යම් ප්‍රමාණයකින් පහත වැටී තිබෙනවා.

පසුගිය සතියේ රන් අවුන්සයක අගය ඩොලර් 2790.15 ක් වූ අතර පසුගිය බ්‍රහස්පතින්දා වන විට එය ඩොලර් 2657.65 දක්වා පහත වැටී තිබුණා.

ඒ අනුව ඩොලර් 130 කින් පමණ රන් මිල පහත වැටී ඇති බවයි විදෙස් මාධ්‍ය පෙන්වා දෙන්නේ.

වසර දෙකකට පසු එක්සත් ජනපද කොටස් වෙළෙඳපොළ එක් රැයක් තුළ 2.5% කින් ඉහළ ගොස් ඇති බවද සඳහන්.

බදු, වෙළෙඳාම සහ සංක්‍රමණික නීති පිළිබඳ ට්‍රම්ප්ගේ යෝජිත ප්‍රතිපත්ති මෙම ආර්ථික වර්ධනයට හේතු වී ඇති බවයි විශ්ලේෂකයෝ පෙන්වා දෙන්නේ.

ආසන 270ක අවම සීමාව පසු කිරීමත් සමඟ ජයග්‍රගණය ලැබූ ඩොනල්ඩ් ට්‍රම්ප් පවසා සිටියේ තමන් ඇමෙරිකාව යළිත් සුවපත් කිරීමට සහය වන බවයි.

එහිදී ඔහු අවධාරණය කළේ, ඇමෙරිකානු දේශසීමා යළි තහවුරු කරන බව යි.