මෙහෙමත් ආදරයක්... ප්‍රේමයට වැට බැන්දයි උරණ වූ පෙම්වතා තුවක්කු 2කුත් අරන් මහ රෑම පෙම්වතිය පැහැර ගන්න ඇවිත්... - Social Story - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Nov

මෙහෙමත් ආදරයක්... ප්‍රේමයට වැට බැන්දයි උරණ වූ පෙම්වතා තුවක්කු 2කුත් අරන් මහ රෑම පෙම්වතිය පැහැර ගන්න ඇවිත්...

1,908 Views

ප්‍රේම සම්බන්ධය නැවැත්තුවයි තුවක්කු දෙකක් සහ පිහි දෙකක් රැගෙන, 21 හැවිරිදි පෙම්වතිය පැහැර ගන්නට පැමිණි 22 හැවිරිදි පෙම්වතා අත්අඩංගුවට ගෙන තිබෙනවා.

වලස්මුල්ල, වත්තේහේන්ගොඩ ප්‍රදේශයේදී පෙම්වතිය බලහත්කාරයෙන් පැහැරගන යෑමට තැත් කළ පෙම්වතා ගල් කටස් වර්ගයේ ගිනි අවි දෙකක්, පිහි දෙකක් හා වෙඩි බෙහෙත් සමග වලස්මුල්ල පොලිසිය ඊයේ අලුයම එකට පමණ අත්අඩංගුවට ගෙන තිබේ.

මෙලෙස අතඅඩංගුවට ගෙන ඇත්තේ දෙණියාය, යාපිටකන්ද ප්‍රදේශයේ පදිංචි 22 හැවිරිදි තරුණියකි.

අත්අඩංගුවට පත් තරුණයා වලස්මුල්ල, වත්තේහේන්ගොඩ ප්‍රදේශයේ පදිංචි 21 හැවිරිදි තරුණියක සමග වසරක පමණ කාලයක් ප්‍රේම සබඳතාවයක් පවත්වාගෙන ගොස් ඇති අතර පසුව තරුණිය මෙම ප්‍රේම සබඳතාවය නවත්වා තිබේ.

එකවරම තරුණිය ප්‍රේම සබඳතාවය නැවැත්වීම හේතුවෙන් උරණ වූ පෙම්වතා යකඩ බට ආධාරයෙන් සකස් කරන ලද ගල් කටස් ප්‍රමාණයේ ගිනි අවි දෙකක් , පිහිදෙකක් හා වෙඩි බෙහෙත් ප්‍රමාණයක් ද සමග වලස්මුල්ල පිහිටි තරුණියගේ නිවසට පැමිණ තරුණියව බියගන්වා පැහැරගෙන යෑමට උත්සාහ කර තිබේ.

එම අවස්ථාවේදී තරුණිය හා නිවැසියන් විසින් මේ සම්බන්ධයෙන් 119 පොලිස් හදිසි ඇමතුම් අංශයට පැමිණිලි කර ඇත. ඒ අනුව වලස්මුල්ල පොලිස් ස්ථානයේ නිලධාරීන් කණ්ඩායමක් එම ස්ථානයට පැමිණ පෙම්වතා අත්අඩංගුවට ගෙන තිබේ.

අත්අඩංගුවට පත් සැසැකකාර පෙම්වතා අපරාධවලට සම්බන්ධ හෝ ආරක්ෂක අංශවලට සම්බන්ධ බවට මේ දක්වා සිදු කළ විමර්ශනවලදී අනාවරණය වී නොමැත.

සැකකාර පෙම්වතා වලස්මුල්ල මහෙස්ත්‍රාත් අධිකරණයට ඉදිරිපත් කිරීමට නියමිතය.

වලස්මුල්ල පොලිස් ස්ථානය සිද්ධිය සම්බන්ධයෙන් වැඩිදුර විමර්ශන පවත්වයි.