වාහනයට නැග්ගේ සැමියා නෙවෙයි, වැරදීමක් කියා ඇය කිව්වත්..... දෙනෝදාහක් බලා සිටියදී කිරිබත්ගොඩ නගර මැද සිදුවූ පැහැරගැනීම.. - News Artical - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Sep

වාහනයට නැග්ගේ සැමියා නෙවෙයි, වැරදීමක් කියා ඇය කිව්වත්..... දෙනෝදාහක් බලා සිටියදී කිරිබත්ගොඩ නගර මැද සිදුවූ පැහැරගැනීම..

2 Views

දෙනොදාහක් සිටින මහ මගක මේ වගේ දෙයක් සිද්ධ වෙන්න පුළුවන්ද..? මේ ඇසෙන්නේ ඇත්තටම ටිකක් වෙනස් කතාවක්..

කිරිබත්ගොඩ නගරයේ නතර කර තිබූ මෝටර් රථයක් නාඳුනන පුද්ගලයෙක් විසින් බලහත්කාරයෙන් පැහැර ගෙන ගොස් තිබෙනවා..
අදාළ අවස්ථාවේ එහි සිටි කාන්තාව රථයෙන් පැන තිබූ අතර පැහැරගත් මෝටර් රථය මෙතෙක් සොයාගැනීමට හැකිව නැහැ..

මේ ඒ ගැන ඇසෙන කතාවයි.. කිරිබත්ගොඩ, මාකොළ පදිංචි විවාහක යුවලක් සිය මෝටර් රථයේ ලීසිං වාරිකය ගෙවීම සඳහා ඊයේ දහවල් කිරිබත්ගොඩ නගරයට පැමිණ තිබුණා.. සැමියා කිරිබත්ගොඩ මංසන්ධියෙන් මාකොළ මාර්ගයේ පිහිටි අදාළ ලීසිං ආයතනය වෙත ගොස් ලීසිං වාරිකය ගෙවා පැමිණෙන තෙක් ඔහුගේ බිරිඳ රැඳී සිටියේ එහි රියදුරු ආසනයට යාබද අසුනේයි..

ඒ වන විටත් මෝටර් රථය පණගන්වා තිබී ඇති අතර, මාර්ගයේ පැමිණි මෙම පුද්ගලයා එකවරම එම මෝටර් රථයේ රියැදුරු අසුන පැත්තෙන් දොර ඇර එහි අසුන් ගෙන තිබුණා.. මෝටර් රථයට ඇතුළු වී ඇත්තේ සිය සැමියා නොවන බව දැනගත් කාන්තාව ඔහුට ඉන් බැස යන ලෙස පවසා ඇති නමුත් ඔහු තවදුරටත් මෝටර් රථයේ රැඳී සිට තිබුණා...

අදාළ පුද්ගලයා මෝටර් රථය ධාවනය කිරීමට කටයුතු කරනවාත් සමගම එහි සිටි කාන්තාව දොර විවෘත කර ඉන් පැන තිබුණේ මෙලෙසින්.. සැකකරු මෙම මෝටර් රථය රැගෙන පලාගොස් ඇති අතර, අදාළ යුවල සිද්ධිය සම්බන්ධයෙන් කිරිබත්ගොඩ පොලිසියට පැමිණිලි කර තිබුණා..

ඒ අනුව පොලිසිය විමර්ශන ආරම්භ කරමින් එම ප්‍රදේශයේ CCTV කැමරා දර්ශන විමර්ශනය කිරීමේදී අනාවරණ කරගෙන ඇත්තේ එම මෝටර් රථය වත්තල දෙසට ධාවනය කර ඇති බවයි..

කෙසේ වෙතත් අදාළ මෝටර් රථය සොයා ගැනීමට මෙතෙක් හැකිව නැහැ.. මෝටර් රථය සහ එය පැහැරගත් පුද්ගලයා සොයා කිරිබත්ගොඩ පොලිසිය මගින් වැඩිදුර විමර්ශන ක්‍රියාත්මකයි...