රිය අනතුරකින් මිය ගියා යැයි කියන ලෝ ප්‍රසිද්ධ ගායක ජස්ටින් බීබර් ගැන මැවෙන පුවත්වල ඇත්ත මෙන්න - Justing Bieber - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Sep

රිය අනතුරකින් මිය ගියා යැයි කියන ලෝ ප්‍රසිද්ධ ගායක ජස්ටින් බීබර් ගැන මැවෙන පුවත්වල ඇත්ත මෙන්න

13 Views

ජනප්‍රිය සහ කීර්තිමත් පුද්ගලයින්ගේ මරණ පිළිබඳ අසත්‍ය තොරතුරු සමාජ මාධ්‍ය වේදිකාවල නිතර සංසරණය වෙනවා.

එවැනි තත්ත්වයක් තුළ කැනේඩියානු පොප් ගායක Justin Drew Bieber මරණයට පත්ව ඇති බවට පසුගිය කාලයේ සමාජ මාධ්‍ය හරහා තොරතුරු වාර්තා වූ අතර එහි සත්‍ය අසත්‍යතාවය පිළිබදව මේ වන විට තහවුරු කර තිබෙනවා.

ඒ අනුව කරුණු සත්‍යාපනය කරනු ලබන ප්‍රසිද්ධ වෙබ් අඩවියක් සඳහන් කර සිටින්නේ මෙම තොරතුරු සම්පූර්ණයෙන්ම අසත්‍යවන බවත් ඔහු නිරුපද්‍රිතව සිටින බවත් ය.

මෝටර් රථ අනතුරකින් බීබර් මිය ගිය බවට කටකතා, සමාජ මාධ්‍යවල පැතිර ගියේ ඔහුට වයස අවුරුදු 19 සිට බවද එම වෙබ් අඩවිය වාර්තා කර තිබෙනවා.

එමෙන්ම අගෝස්තු 23 වන දින ජස්ටින් බීබර් සහ ඔහුගේ බිරිඳ හේලි බීබර් ඔවුන්ගේ පළමු දරුවාගේ ඉපදීම ප්‍රකාශ කරමින් Instagramහි සටහනක්ද තබා ඇති අතර "ජැක් බ්ලූස් බීබර් සාදරයෙන් පිළිගනිමු" ලෙස එහි සටහන්ව තිබූ බවයි සඳහන් වන්නේ.

මීට අමතරව, ඇමරිකානු රැප් ගායකාවක් නිරූපිකාවක් සහ නිළියක් වන කාර්ලි රෙඩ් සැප්තැම්බර් 11 වැනිදා ඇගේ නිල ෆේස්බුක් පිටුවේ ඡායාරූප පළ කර ඇති අතර මෙම ඡායාරූපවලින් පෙන්නුම් කරන්නේ යුවළ තම අලුත උපන් බිළිඳා සමඟ සතුටින් කාලය ගත කරන ආකාරයයි.

එමෙන්ම ජස්ටින්ගේ රිය අනතුර යැයි කියන ඡායාරූපයේ මූලාරම්භය සොයා ගැනීමට ද මෙම වෙබ් අඩවිය සමත් වී තිබෙනවා.

ඒ අනුව එම වෙබ් අඩවිය වාර්තා කරන්නේ එය 2022 දී පෝලන්තයේ Wyszków නගරය අසල S10 අධිවේගී මාර්ගයේ සිදු වූ අනතුරක ඡායාරූපයක් වන බවයි.

ෆෙරාරි 488 වර්ගයේ මෝටර් රථයක් රියදුරුට පාලනය කරගත නොහැකිව අනතුරකට ලක්ව ඇති බවයි එරට මාධ්‍ය වාර්තා කර ඇත්තේ.

එම වාර්තාවේ සඳහන් වන්නේ එම අනතුර හේතුවෙන් එහි ගමන්ගත් කිසිවෙකුටත් තුවාලයක් සිදුවී නොමැති බවයි.

ඒ අනුව එම වෙබ් අඩවිය කරණු සත්‍යාපනය කරමින් සඳහන් කරන්නේ කැනේඩියානු පොප් ගායක ජස්ටින් බීබර් රිය අනතුරකින් මිය ගිය බවට සමාජ මාධ්‍ය හරහා සංසරණය වූ තොරතුරු අසත්‍ය වන බවයි.

එමෙන්ම අදාළ අනතුර පෙන්වන ඡායාරූපය ඇත්ත වශයෙන්ම 2022 දී පෝලන්තයේ සිදු වූ අනතුරක් වන අතර මෙයට ජස්ටින් බීබර් කිසිදු සම්බන්ධයක් නොමැති බවද සඳහන් කර සිටියා.