මේ තරම් නොහික්මුණු රියැදුරන් මහමග ඉන්නවාද..? පාරේ ඇදවැටුණු තරුණයා අමාරුවෙන් නැගිටින්න වෙර දරද්දී, තවත් රියැදුරෙක්....? හයිලෙවල් මාර්ගයේ බිහිසුණු අනතුරක් ගැන ඇසෙන කතාව මෙන්න.. - Police Case - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Sep

මේ තරම් නොහික්මුණු රියැදුරන් මහමග ඉන්නවාද..? පාරේ ඇදවැටුණු තරුණයා අමාරුවෙන් නැගිටින්න වෙර දරද්දී, තවත් රියැදුරෙක්....? හයිලෙවල් මාර්ගයේ බිහිසුණු අනතුරක් ගැන ඇසෙන කතාව මෙන්න..

5 Views

හැම මොහොතකම අපි මහමග ගමන් කරන්න ඕන අපි වගේම අන් අයගේ ජීවිත ගැනත් කල්පනාවෙන්..

ඒත් මනුෂ්‍ය ජීවිතයක වටිනාකම හරියට නොදන්න ඕනෑතරම් රියදුරන් නිසා සමහර වෙලාවට මේ වගේ අවාසනාවන්ත දේවල් අහන්න දකින්න ලැබෙනවා..

රිය අනතුරකින් පාරේ ඇද වැටී සිටි යතුරුපැදිකරුවෙක් අමාරුවෙන් නැගිටීමට උත්සාහ දරන අතරතුර වේගයෙන් පැමිණි ජීප් රථයක් යතුරුපැදිකරු හප්පා පලා ගොස් තිබෙනවා..

අනතුරින් තුවාල ලැබූ තරුණයාගේ පාද දෙක සහ අතක් බිදී ඇති අතර හිසට බරපතල තුවාල සිදුව ඇති බවද පොලිසිය පවසනවා..
.
මේ අනතුර හයිලෙවල් මාර්ගයේදී සිදුවී ඇති බවයි කොට්ටාව පොලිසිය පවසන්නේ..

තුවාලකරු ප්‍රතිකාර සඳහා හෝමාගම මූලික රෝහලට ඇතුලත් කිරීමෙන් අනතුරුව වැඩ් දුර ප්‍රතිකාර සඳහා කොළඹ ජාතික රෝහලට මාරු කර යවා තිබෙනවා..

වනවිට තුවාලකරුට ශල්‍ය කර්ම දෙකක් සිදුකොට දැඩි සත්කාර ඒකකයේ ප්‍රතිකාර ලබන බවයි වාර්තා වන්නේ..

එම තරුණයා රාත්‍රී සේවා මුරය නිමවා කොළඹ සිට හයිලේවෙල් මාර්ගය ඔස්සේ කොට්ටාවට එමින් සිට තිබෙනවා..

එහිදී අද (08) අලුයම 05.20 පමණ ඔහු පැමිණි යතුරු පැදිය මහල්වරාව හන්දිය ආසන්නයේදී මාර්ගය මැද ලිස්සා වැටීමෙන් අනතුරට පත්ව ඇති බවයි පැවසෙන්නේ..

ඒ මොහොතේ අපහසුවෙන් නැගී සිටීමට උත්සාහ කළ තරුණයා පසු පසින් ආ ජීප් රථය ඔහු හප්පා නොනවත්වා ධාවනය කර ඇති බවයි පොලිසිය පවසන්නේ..

අනතුර සිදුකර පලාගිය ජීප් රථය සොයා විමර්ශන සිදු කරන බව පොලිසිය පැවසුවා..