නොහික්මුණු රියදුරෙකු නිසා ඇගේ පෙම්වතා ජීවිතක්ෂයට.. පියාටත් අසාධ්‍යයි.. හොරණ මාරක අන‍තුරක් ගැන ඇසෙන අනුවේදනීය කතාව මෙන්න... - Police Case - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Aug

නොහික්මුණු රියදුරෙකු නිසා ඇගේ පෙම්වතා ජීවිතක්ෂයට.. පියාටත් අසාධ්‍යයි.. හොරණ මාරක අන‍තුරක් ගැන ඇසෙන අනුවේදනීය කතාව මෙන්න...

38 Views

මේ කියන්න යන්නේ ඊයේ දහවල් අහන්න ලැබුණ කතාවක්..

ඔවුන් මෙම ගමන ගියේ හීන ගොඩක් හිතේ තියාගෙන අලුත් ව්‍යාපාරයක් කියන්නේ ඔවුන් දෙදෙනාගේ එක හීනයක්..

ඒත් අද ඒ හීනය බොඳ වෙලා ගිහින්.. හොරණ පෝරුවදණ්ඩ බොරලුගොඩ ප්‍රදේශයේ ඊයේ දහවල් මාර්ගය අයිනේ කතාබස් කරමින් සිටි දෙදෙනෙක් වෙතට සුඛෝභෝගී මෝටර් රථයක් කඩා වැදී තිබෙනවා.. මෙම එක් අයකු මියගොස් තවත් අයෙක් බරපතළ තුවාල ලැබූ බව හොරණ මූලස්ථාන පොලිසිය පවසනවා..

අනතුරින් මියගොස් ඇත්තේ බුලත්සිංහල හල්වතුර ප්‍රදේශයේ පදිංචිව සිටි වසන්ත ලක්මාල් නමැති 29 හැවිරිදි අවිවාහක පුද්ගලයෙකි... අනතුරින් බරපතළ තුවාල ලබා ඇත්තේ පෝරුවදණ්ඩ අරුණගම ප්‍රදේශයේ පදිංචි 61 හැවිරිදි පුද්ගලයෙක්..

මියගිය පුද්ගලයා එම ප්‍රදේශයේ එළවළු වෙළෙඳසැලක් ආරම්භ කිරීමේ කටයුතුවල නියැළෙමින් සිට ඇති අතර ඔහුට දහවල් ආහාර පාර්සලයක් රැගෙන ඔහුගේ පෙම්වතිය ඇයගේ පියා සමඟ ත්‍රිරෝද රථයකින් පැමිණ ඇතැයි පොලිසිය පවසනවා..

දියණිය ත්‍රිරෝද රථයේ පිටුපස අසුන්ගෙන සිටියදී පියා ත්‍රිරෝද රථයෙන් බිමට බැස දියණියගේ පෙම්වතා සමඟ ත්‍රිරෝද රථයේ පිටුපසට වී කතා කරමින් සිටියදී හොරණ දෙස සිට ඉංගිරිය දෙසට ධාවනය වීමෙන් තිබූ සුඛෝභෝගී මෝටර් රථයක් වම් අත දිසාවේ පිහිටා තිබෙන අංක 28 බෝක්කුවේ ගැටී රියදුරට පාලනය කරගත නොහැකිව මාර්ගයේ ප්‍රතිවිරුද්ධ දිසාව දකුණු දිශාවට ගොස් බොරළුගොඩ සංගමිත්තා මාවතට හැරෙන මාර්ගය අසල කතා කරමින් සිටි පුද්ගලයන් දෙදෙනා වෙතට කඩාවැදී නතර වී ඇතැයි පොලිසිය පවසනවා...

එම අනතුරින් බරපතළ තුවාල ලැබූ පුද්ගලයන් දෙදෙනා හොරණ මූලික රෝහල වෙත ඇතුළත් කිරීමෙන් අනතුරුව එක් අයකු මියගිය බව රෝහල් ප්‍රකාශකයකු පැවසුවා..

අනෙක් පුද්ගලයා බරපතළ තත්ත්වයේ පසුවූ බැවින් කොළඹ ජාතික රෝහල වෙත මාරු කර යැවූ බවත් රෝහල් ප්‍රකාශකයා වැඩිදුරටත් පවසා තිබුණා..