ආදර කැදැල්ලට පාත් වූ හෙණහුරා... සැමියාගේ පහරින් සෙනුරිට අත් වූ අවාසනාවන්ත ඉරණම... - The Police - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Jul

ආදර කැදැල්ලට පාත් වූ හෙණහුරා... සැමියාගේ පහරින් සෙනුරිට අත් වූ අවාසනාවන්ත ඉරණම...

18 Views

පඩුවස්නුවර කිරිමැටියාව ප්‍රදේශයේ 18 හැවිරිදි විවාහක කාන්තාවකට පහර දී ඝාතනය කිරීමේ සිද්ධියකට සම්බන්ධ පුද්ගලයෙකු අත්අඩංගුවට ගන්නැයි ඉල්ලා ප්‍රදේශවාසීන් පිරිසක් විරෝධතාවයක නිරත වුණා.

කිරිමැටියාව උණලීය මාර්ගය හරස්කරමින් පැවැත්වූ මෙම විරෝධතාව පැය දෙකකට ආසන්න කාලයක් පැවැත්වුණා.

පඩුවස්නුවර කිරිමැටියාව කෙලිනාවය ප්‍රදේශයේ පදිංචි 18 හැවිරිදි සෙනුරි ඉමාශා මීට මාස කිහිපයකට පෙර මඩුගොල්ල ප්‍රදේශයේ තරුණයෙකු සමග විවාහ වී තිබෙනවා.

පසුව දෙදෙනාගේ පවුල් දෙක අතර ආරවුල් ද ඇති වී තිබූ අතර අදාළ තරුණයාගේ පියා විසින් සෙනුරිගේ මවට පහර දී ඇත්තේ එම ආරවුල හේතුවෙන්.

එම පහරදීම සම්බන්ධයෙන් ඉමාශාගේ පවුලේ පාර්ශ්වයෙන් කටුපොත පොලිසියට පැමිණිල්ලක් ඉදිරිපත් කර ඇති අතර අදාළ පැමිණිල්ල ඉල්ලා අස් කරගන්නැයි බලකරමින් ඉමාශාගේ සැමියා විසින්ද ඇයට පහර දී තිබෙනවා.

එම පහරදීම හේතුවෙන් ඉමාශා මියගොස් ඇති බවටයි ඇගේ ඥාතීන් චෝදනා කරන්නේ.

ඒ අනුව මියගිය තරුණියගේ ඥාතීන් සහ ගම්වාසීන් පිරිසක් ඇගේ දේහයද කිරිමැටියාව උණලීය මාර්ගයට රැගෙන විත් විරෝධතාවක නිරත වුණා.

පිරිස පාලනය කිරීම සදහා පොලිස් නිලධාරීන් ද යොදවා තිබුණා.