අඟල් 4ක් දිග කකුල් සහිත විෂ සහිත යෝධ මකුළුවන්ගේ ආක්‍රමණයක් - Spider Attack 2024 - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Jun

අඟල් 4ක් දිග කකුල් සහිත විෂ සහිත යෝධ මකුළුවන්ගේ ආක්‍රමණයක්

3 Views

මේ කියන්න යන්නේ භයානක ආක්‍රමනයක් ගැන.

ඊසානදිග එක්සත් ජනපදයේ, අඟල් 4ක් දිග කකුල් සහිත විෂ සහිත යෝධ මකුළුවන් විශාල වශයෙන් පැතිර යාමේ අවදානමක් මතුවී තිබෙනවා.

අනෙක් මකුළුවන් මෙන් නොව මෙම මකුළුවන් සතුව පියාසර කිරීමේ හැකියාවක් පවතින බවයි වාර්තා වෙන්නේ.

මකුළුවන් විසින් නිපදවා උදාහරනු ලබන සේද නූල් සුළඟ මඟින් ගසාගෙන යෑම හරහා මෙම මකුළුවන්ට මෙම පියාසර කිරීමේ හැකියාව ලැබී තිබෙනවා.

Joro යන නමින් හඳුන්වන මෙම මකුළුවන් දීප්තිමත් කහ සහ අළු පැහැයෙන් යුතු වෙනවා.

ආක්‍රමණශීලී විශේෂ විශේෂඥ ඩේවිඩ් කොයිල් විසින් පසුගිය ඔක්තෝම්බර් මාසයේදී ප්‍රකාශයට පත් කරන අධ්‍යනයක සඳහන් වන්නේ මෙම මකුළුවන්ගේ නිජබිම ආසියාව වන බවයි.

2010 දී පමණ උතුරු ජෝර්ජියාවේ මෙම මකුළුවන් වාර්තා වී ඇති අතර 2022 වසරේ සිට නිව් යෝර්ක් නුවර මෙම මකුළුවන් හඳුනාගෙන තිබෙනවා.

ෆ්ලොරිඩා, ඇලබාමා, මිසිසිපි, කැරොලිනාස්, ටෙනසි, කෙන්ටකි වර්ජිනියා, බටහිර වර්ජිනියා, මේරිලන්ඩ් සහ ඔහියෝ ඇතුළු නැගෙනහිර එක්සත් ජනපදයේ බොහෝ ප්‍රදේශවල ජෝරෝ මකුළුවන් දැක ඇති බව මිනිසුන් වාර්තා කර තිබෙනවා.

ඩේවිඩ් කොයිල් සඳහන් කරන්නේ අනෙක් මකුළුවන්ට අහිතකර පරිසර තුළදී පවා මෙම මකුළුවන්ට නොනැසී ජීවත් වීමේ හැකියාව පවතින බවයි.