" හිරු මංගලම් " මෙවර වාසනාවන්ත යුවලගේ හරි අපූරූ ආදර කතාව - Hiru Mangalam 2024 - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Mar

" හිරු මංගලම් " මෙවර වාසනාවන්ත යුවලගේ හරි අපූරූ ආදර කතාව

8 Views

හිරු මංගලම් විශේෂ මංගල ප්‍රදර්ශනයේ ලක්ෂ 100කට අධික පිරිවැයක් දරමින් හිරු TV තිලිණ කරන විවාහ මංගල උත්සවයේ පළමු වාසනාවන්ත යුවළ ලෙස රිදීගම සිට පැමිණි චාරුක ජයවීර සහ චාමින්දි දිල්හාර අද තේරී පත් වුණා.

මේ දෙන්නගෙ සිහින විවාහය හිරු TV විසින් අති උත්සවශ්‍රීයෙන් සිදු කිරීමට නියමිතයි.

ඉතින් මේ වාසනාවන්ත යුවලගේ ආදර කතාව ඉතාමත් අපූරූයි.

ඉතින් ඒ ගැන අපි චාරුකගෙන් ඇහුවා.

එයා වැඩ කරන්නේ ලැබ් එකක...දවසක් එයාගේ බයික් එක සර්විස් කරගන්න මම වැඩ කරන සර්විස් එකට ආවා.

එතකොට තමයි මම එයාව මුලින්ම දැක්කේ.

ඊට පස්සේ තමයි මට එයාට හිත ගියේ.

කොහොම හරි අවුරුදු එක හමාරක් විතර මම එයාගේ පස්සෙන් ගියා.

ඊට පස්සේ ඉතිං අපි ආදරය කරන්න පටන් ගත්තා.

මෙහෙම ආදරය කරන්න පටන් ගත්ත මේ දෙන්නා ගොඩක්ම කැමැත්ත දැක්වූවේ රටේ හැම තැනකම සංචාරය කරන්නලු.

"අපි දෙන්නා මේ රටේ හැම තැනම ගිහින් තියෙනවා,ගොඩාක්ම කැමතියි අපි දෙන්නා ඇවිදින්න "

මේ දෙන්නගේ ආදර කතාව දළු දදා වැඩෙද්දී පුංචි පුංචි ආදරණීය බාධා එහෙම ඇති වුණාලු.

ඒ චාමින්දිගේ ආදරණීය අයියගෙන්..

මේ ලෝකයේ හැම අයියා කෙනෙක්ගෙම ජීවිතය තමයි නංගි කියන්නේ.

අයියලා කොහොමත් තමන්ගේ නංගි ගැන හොයලා බලනවනේ.

ඉතිං එයාව කැමති කරගන්න තමයි පොඩී කට්ටක් කන්න වුණේ කියලායි චාරුක කියන්නේ.

මේ හැම සුබ දේවල් එක්ක චාරුක, චාමින්දිගේ ආදරය ඉස්සරහට යද්දි දෙපාර්ශවයේම වැඩිහිටියෝ හමුවෙලා මේ දෙන්නගේ ආදර කතාවට ආශිර්වාදය ලබා දෙනවා.

ඉතින් මේ යුවල විවාහය ගැන සිහින දකිමින් ඉන්න අතරතුර " "හිරු මංගලම්" ඇතුගල සම්ප්‍රාප්තියට පැමිණෙද්දී වසරේ විශාල මුදලක් වියදම් කරමින් සිදු කරන යුගයේ විශිෂ්ඨතම මංගලෝත්සවයේ හිමිකාරයින් දෙදෙනා ඔවුන් බවට චාරුකවත් , චාමින්දිවත් කිසිවිටෙකත් නොසිතන්න ඇති.

නමුත් හිරු TV තිලිණ කරන විවාහ මංගල උත්සවයේ පළමු වාසනාවන්ත යුවළ ලෙස රිදීගම සිට ඔවුන් දෙදෙනාට අද හැකියාව ලැබුනා.

ඒ ගැන චාරුක කිවුවේ මෙන්න මේ වගේ කතාවක්.

" ඇත්තටම ගොඩාක් සතුටුයි...තවමත් අපි දෙන්නට ඒ ගැන හිතා ගන්න බෑ"