3 Views
සමනල අඩවිය හෙවත් ‘‘හිමේ’’ හා බැදුනු කතා අපමණය. මේවා අතර සිරිපා අඩවියේ යාබද ගම්වල වැසියන්ගේ ජීවිත හා බැදුනු ඒවා ද තිබේ. ඊට අමතරව සිරිපා වන්දනාවේ යන්නට ආ බැතිමතුන් මුහුණ දුන් ඒවාද තිබේ.
එදා සිරිපා අඩවියට හෝ සිරිපා මළුවට කෙනෙක් යන්නට සිතුනොත් එය ආවාට ගියාට නොකරයි.
ඇතැම් අවස්ථාවල පේවීම හෝ පිරිසිදුවීමකින් තොරව මේ භූමියට පිවිසිය යුතු නැති බව පැරැන්නෝ විශ්වාස කළහ. එයට හේතුව සිරිපා අඩවිය හෙවත් ‘‘සමනල අඩවිය’’ ඔවුන්ට ‘‘ශුද්ධ භූමියක්’’ වූ නිසාය. මේ ශූද්ධ භූමියට වන්දනාවේ ගිය බැතිමතුන් වගේම අවට ගම් වල ගම්වැසියන්ද ඉඳහිට මේ ‘‘ශුද්ධ භූමියේ’’ ඇති හාස්කම් අත් වින්දෝය. එවන් සිරිපා හිමේ සැඟවුණු අපූරු කතා කිහිපයක් අපි මෙසේ ඔබ වෙත තිලිණ කරන්නෙමු.
කාලෙකට ඉස්සරදි පත්තිනි දේවාලයක කපු මහත්තයෙක් ගමේ කිහිප දෙනෙක් සමග දැන හැදුනුම්කම් පැවැත්තුවා. අවුරුද්දකට විතර පස්සේ මේ කපු මහත්තයාට ඕනෑ වුණා හිමේ ගරන්න යන්න. කපු මහත්තයා තව කිහිප දෙනෙක් එක්ක හිමේට ගිහිං වාඩි ගහගෙන උයාගෙන කාලා මැණික් ගරන්න පටන් අරගත්තා. එයා පත්තිනි දේවාලයක කපුවෙක් හින්දා වෙන්න ඇති සමන් දේව අඩවියේ අනුහස් ගැන වැඩි තැකීමක් කළේ නෑ. ගමේ අපිවත් හිමේ යනකොට පිලී ජාති ගෙනියන්නේ නෑ. මෙයා කපුවා හින්දා කරවල ජාති එහෙම අරගෙන ගිහිං තිබුණා.
දවසක් සියලූ දෙනාම එකතුවෙලා උදේම උයලා කෑමටික වාඩියෙ තියලා ගරන්න ගිහිං තිබුනා. මෙහෙ වාගේ තුන හතර වෙනකම් හිමේ වැඩකරන්න බෑ. උදේ දහයේ ඉදලා හවස දෙක වෙනකම් විතර තමයි වැඩ කරන්න පුලූවන්. ඉතිං මේ අය වැඩකරලා නාගෙන දෙකට විතර ඇවිත් කන්න බලනකොට බත් මුට්ටියේ ඉහඳ පනුවොලූ. ඉතිං ඒක දැකපු කපුවා බයවෙලා කට්ටිය එක්ක ආපහු එන්න ආවා. නමුත් මිනිහ ගමට එන කොට පිස්සු හැදිලා. ඒ පිස්සුව සනීප වුනේ නෑ. පස්සේ ඒ පිස්සුවෙන්ම මිනිහා මැරුනා. සිරිපා හිමේ හාස්කම් එහෙමයි.
වරක් සමනල අඩවියට ගිය පිටගංකාරයෙක් ‘‘සමන් දෙවි හාමුදුරුවන්ගේ අලියා පෙන්නන්කො’’ කියලා තියනවා. එතකොටම එතන ළග තිබුණ බටපදුර බිදින ශබ්දය ඇහිලා. අලි තමයි ඒ බට පදුර බිදින්නේ කියලා කට්ටිය දුවලා. නමුත් පස්සේ ඇවිත් බලන කොට අලි ඉදලා නෑ. කට වරද්දාගැනීම නිසා ඒ වගේ අමාරුවෙත් වැටෙනව කියලයි ගම්මු කියන්නේ.
තිහේ දශකයේ බෙලිහුල්ඔය ගලගම ප්රදේශයේ සිටි කිරිඅප්පුහාමි නම් උපාසක මහත්මයකු මේ මාර්ගය ඔස්සේ සිරිපා කරුණා කරද්දී කට වරද්දා ගැනීම නිසා දහතුන් වතාවක් ඔහුට සිරිපා මලූවට යාමට නොහැකිවූ පුවතක් පැරණි ගැමියන් අතර පවතී. සිරිපා අඩවියට ඇතුළු වන විට තුන් සරණ කීම සිරිතකි. කෙසේ හෝ උපාසක තැනට සිරිපා මළුවට යන්නට ‘‘බෑ’’ කියා කට වැරදුණි. ඔහු අන්තිමේ දී සිරිපා කරුණා කරන්නට ලැබුණොත් වෙහෙරගොඩ පන්සලේ කිරිමැටියෙන් වෛත්යයක් තනන බවට බාර වීමෙන් පසු දාහතර වැනි අවස්ථාවේ සිරිපා මළුවට යන්නට හැකිවූ බව ඒ අතීතය මතක තිබූ කිහිප දෙනෙක්ම පැවසූහ. ඉර අවරට යන්නට කලින් ගමෙන් පිටත් වන පිරිස රාත්රිය පුරාම ගමන් කරන්නේ සිරිපා අඩවියෙනි.
ඇතැම් අවස්ථාවල ඉතා ළගපාත හේවිසි හඩ ඇහෙන්නට පටන් ගනී. එදා අද මෙන් විදුලි ආලෝකය හෝ වෙනත් සන්නිවේදන පහසුකම් නොතිබුණ නිසා සමහරු මළුව ළග යැයි රැවටෙන අවස්ථා ද තිබුණි. නමුත් ඒ හඩ ළග ඇසුන ද මළුවට ළගා වන්නට පැය දහයක්වත් ගතවු අවස්ථා තිබිණි. රාත්රි ගමනේ දී අදුර මකා ගන්නේ පන්දම් හෝ ලන්තෑරුම් එළියෙනි. ඒ නිසා නඩයේ සැම දෙනාම පෙනෙන දුරකින් යාම සිරිතකි. යම් හෙයකින් නඩයෙන් ඈත්වී තනි වුණොත් පාර වරදින්නට පුළුවන. එසේ වුවහොත් සතා සිවුපාවාට ගොදුරු විය හැකිය.
මෙවැනි නඩවල සිටින කියන දේ නාහන තරුණ ගැටවු කිහිප දෙනෙක්ම ඒ අකරතැබ්බයන්ට පත්වූ අවස්ථා ඇති බව කියන්නේ සිරිපා අඩවිය අවට ගම්වල වැඩිහිටියන්ය. එක් අවස්ථාවක එසේ නඩයෙන් ඈත්වු තරුණයෙක් රාත්රියේ අතරමං විය. ඔහු නැති බව නඬේ පිරිසට දැනුනේ අතරමග නැවතී ගිමන් හරින විටය. නඬේ ගුරුන්නාන්සේ අත්දැකීම් ඇති වැඩිහිටියෙක් විය.
මුලින්ම ඔහු සමන් දෙවිදුන්ට පඩුරක් බැද බාරයක් විය. හොදින් හද එළිය තිබූ ඒ දිනයේ මේ මග හැරුණු තරුණයා සොයා වැඩිහිටියන් කිහිප දෙනෙක් ආපසු ආවේ නඬේ සෙසු පිරිස එතැන විවේක ගන්නට ඉඩ සලස්වාය. සැතපුමක් දෙකක් ආපසු එන විට පාරෙන් තරමක් දුරින් පුංචි එළියක් එහා මෙහා යනු පැමිණි කිහිප දෙනාට දැක ගන්නට ලැබී තිබේ. ඒ සමගම ගස්වල අතු බිදින ශබ්දයත් ඔවුන්ට ඇසී තිබෙනවා. ඉන් තරමක් බියට පත්වූ පිරිස අතු බිදින ශබ්දය ඇසුණු දෙසට කන් යොමාගෙන අවධානයෙන් ටික වෙලාවක් සිටිය ද කිසිදු ශබ්දයක් ඉන් පසු ඇසී නැහැ. ඒ ශබ්දය ඇසුණු දෙසට කන් යොමද්දී මුලින් දුටු එළිය ගැන ඔවුන්ගේ අවධානය ගිලිහී එය නොපෙනී ගොස් තිබේ. කෙසේ වෙතත් මේ පිරිස එළි වෙන තෙක් අතරමංවූ තරුණයා සෙව්ව ද ඔහු හමුවී නැහැ. එළිය වැටුණු පසු නඬේ අනික් අය බොහෝ දුරකින් ඈත්ව ඇති බව සිතා අතරමංවූ තැනැත්තා සෙවීම නවතා ආපසු ඉදිරියට ගොස් තිබේ.
එසේ විනාඩි කිහිපයක් ගත වන විට වන්දනා නඩයක කතාබහක් පිරිසට ඇසී ඒ ගැන සොයා බලද්දී තමන්ගේ නඬේ පිරිස ගිමන් හරිමින් ඉන්නවා දැක තිබේ. පසුව සොයද්දී සැතපුම් ගණනක් ඇවිද තිබෙන්නේ නැවතී සිටි ස්ථානය අවටමය. නඩෙන් අතරංමංවූ තරුණයා තමන් ඉදිරියෙන් පැන්න කළු ගුලියකට බියවී ගහක් මුල සැගවී සිටි බව පවසා ඇතත් ඔහු සැගවි සිටියා යැයි කී තැනට ඔහු සෙවීමට ආ පිරිස කිහිප වතාවක්ම ඇවිත් ගොස් ඇති බව නඬේ ගුරාට අවබෝධවී තිබුණි. මෙය නඬේ කෙනකුගේ කට වරද්දා ගැනීමකින් වුවක් නිසා බව නඬේ ගුරාගේ විශ්වාසය විය.
කළු ගුලියක් සේ දිස්ව ගියේ වළසාගේ දිෂ්ටිය බවට ඔහු විශ්වාස කළ බවත් අතු කඩනවා සේ ශබ්දයක් ඇසුනේ අලියාගේ වුවත් එය ද අද්භූත සිදු වීමක් ලෙස එම පිරිස විශ්වාස කළ බව ගැමියන්ගේ මතයයි. මේ සිද්ධිය මතක ඇති වැඩි දෙනෙක් ඉන් පසු සිරිපා ගමනේ දී බොහොම පරිස්සම් වන්නට වූ බව ද ඔවුහු කියති. ගලගම වෙළහාමි මහතා ද මේ ගම්වල සිරිපා නඩවල ගුරුන්නාන්සේ කෙනෙක් ලෙස කටයුතු කළ අයෙකි. වලකඩවල ගමේ පදිංචි හැත්තෑපස් හැවිරිදි එච්.ඒ. පේ්රමරත්න මහතා එවැනි මතකයන් ඇති කිහිප දෙනාගෙන් කෙනෙකි.
සිරිපා අඩවියේ බවුන් වඩන හිමිවරු ගැන කතා ද ඇත. ඒ අතර වලහා පැන්න හාමුදුරුවන් ගැන ගම් කිහිපයකදීම අසන්නට ලැබුණි. මේ වන විට ජීවතුන් අතර නොමැති බව පවසන මේ හිමිනම සිරිපා අඩවියේ දී දැක ඇත්තේ කිහිප දෙනෙක් පමණකැයි ද කියති. ඇසින් දුටුවන් කියුවැයි පවසන උදවිය පවසන්නේ සිහින් සිරුරකින් හෙබි භික්ෂූ නමක් එලෙස සිරිපා අඩවියේ කුණුදියගල ප්රදේශයේ ගල් ගුහාවක බවුන් වැඩූ බවයි.
සිරිපා අඩවියේ වැඩෙන ඵලවැල අනුභව කරමින් මිනිස් වාසයෙන් බැහැරව විසූ උන්වහන්සේගේ මුහුණට සිරිපා අඩවියේ වෙසෙන වලසෙක් පැන හානි කිරීමෙන් පසු මුහුණෙහි යම් විකෘති බවක් ඇතිව තිබූ බවයි. වලසා පැනීමෙන් පසු ප්රතිකාර කරගෙන ඇත්තේ ද ඒ හිමියන් විසින් බවත් කැලෑ කොළ ඖෂධ ලෙස භාවිත කර ඇති බවත් සිද්ධිය ගැන දන්නා වැඩිහිටියෝ කිහිප දෙනෙක්ම කීහ. මේ අතර තවත් තොරතුරකින් කියවුණේ ජීවිතයේ සැදෑ සමයේ මේ හිමිනම සිරිපා අඩවියෙන් ගම්මානයකට පැමිණ විහාරස්ථානයක වැඩ විසිමින් සිටිය දී අපවත්වූ බවයි.
අවාරය සිරිපා අඩවියේ වන සතුන් නිදහසේ එහාමෙහා යන කාලය ලෙස සිරිපා අඩවිය අවට ගම්වල වැසියෝ කියති. අවාරයට සුදු ඇතා ද සමනොළ අඩවියේ සැරිසරන නිසා සමනොළ කන්ද පාමුල ප්රදේශයට නොයා යුතුය යන අදහසක් බෙලිහුල්ඔය ප්රදේශයේ පැරැණියන් අතර විශ්වාසයක් පවතී. එමෙන්ම රත්නපුර පැරණි රජ මාවත ඔස්සේ ගිලීමලේ රංකොත් විහාරය ද වැද සිරිපා වදින්නට එන බැතිමත්හු අතීතයේ හිරු අවරට ගිය පසු උඩුතුලාන කදිරවාන් ඇළෙන් එගොඩ නරහින්වලින් ඉදිරියට ගමන් නොකරතියි කියති. විශේෂයෙන් රාත්රි කාලයට මෙතැනට හේවිසි හඩ ඇසෙන බවත් හාස්කම් නිසා මෙසේ රාති්ර කාලයට නොයන බව ද කියති.
තවත් එක් කතාවකට අනුව ගිනිගත්හේනට නුදුරු සිල්මාතාවක් තවත් සිල්මාතාවන් සමඟ ශ්රී පාද වන් දනාවේ ගියාය. වෙහෙසට පත්වූ ඔවුහු පියගැටපෙලේ මඳක වාඩි වී ගිමන් හැරියාහ. දෙපා ඉදිමී තුවාල වලින් දෙකකුල් වැසී ගිය මහල්ලෙක් අවුත් සිල්මාතාවන් පසුකර හැරමිටියක ආධාරයෙන් පියගැටපෙළ නගිමින් නායක සිල් මාතාවගේ හිසට අත තබා කතා කළේය. සිල් මාතාවට ඇතිවූයේ දැඩි පිළිකුලකි. මේ මහළු තුවාල කරු කවදා කෙසේ ශ්රී පාදය නඟින්නදැයි සියල්ලෝම කතාබහ කළහ. ටික වේලාවකින් නැවතත් ගමන පටන් ගත් සිල්මාතාවරු තවත් සැතපුම් 2ක් පමණ ඉහළට ගොස් පියගැටපෙළේ වාඩිවී ගිමන් හරින්නට වූහ.
තුවාල පිරී ගිය කකුල් ඉදිමුණු අර මහළු මිනිසා දෙවැනි වරටත් ඔවුන් පසු කරමින් නායක සිල් මාතාවගේ හිසට අත තබා කතා කළේය. රෝගී මහළු මිනිසා මෙම ස්ථානයට පැමිණි හැටි ඔවුනට පුදුමයක් විය. විවේකය නිමාකොට නැවත ගමන ඇරඹූ සිල්මාතාවරු මහගිරිදඹය අසළ තුන්වැනි වරටත් නැවතී විවේක ගැනීමට වූහ. පාද පුරා තුවාල පිරුණු පිළිකුල් සහගත රෝගී මහල්ලා 3න් වන වරටත් ඔවුන්ව පසු කරමින් නායක සිල් මාතාවගේ හිසට අත තබා සෙත් පැතුවේය. ඇය පිළිකුලෙන් යුතුව මුහුණ පසෙකට හරවා ගත්තාය. මේ රෝගියා මේ තරම් ඉක්මනින් කඳු මුදුනට ආවේ කෙසේදැයි ඔවුනට ගැටලුවක් විය. ශ්රී පාද පද්මය මුදුනට ගිය සිල් මෑණිවරු ඉර සේවය උදා වනතුරු පද්මය මුදුනේ ඉඩ ඇති තැනක බිම ඉඳගෙන භාවනා කිරීමට වූහ. පුදුමයකි, නායක සිල් මාතාවගේ මුහුණට එක්වරම අමුතු ආලෝකයක් පතිත විය.
”දරුවා, මං උඹට තුන්සැරයක් කතා කළා. මතකද?” ඒ හඬ හා ආලෝකය අතුරුදන් විය. නායක සිල් මාතාව සහ ඇගේ පිරිවර උතුරා යන භක්තියෙන් ශ්රී පාද පද්මය මුදුනේදී සමන් දෙවියන්ට පින් දුන්හ.
ගිලීමලේ චන්ද්රාලෝක නායක හිමියන් මවුබිම පුවත්පතට මෙසේ ප්රකාශ කර තිබුනි.
මොනවද ඔය මළුවේ ඉද්දි එහෙම දැකලා අහලා තියෙන්නේ…හේවිසි හඬ නම් ඇහෙනවා. පිරිත් කියනවා ඇහෙනවා. තව ඉතින් දේවතා එළි එනවා දැකලා තියෙනවා.
රාත්රියට තමයි ගොඩාක් එහෙම ඒවා පේන්නේ. ඇහෙන්නේ. මහත්තයාට කියන්න ඝණ්ටාරය ගහනවා ඇහෙනවා. ගිහින් බැලුවාම කවුරුත් නෑ. රෑ නවයෙන් පස්සේ වගේ තමයි ගොඩාක් ඒ වගේ අමුතු දේවල් වෙන්නේ.
උඩ මළුවටම යනවද… නෑ. මළුවේ පත්මේ ගාවට යන්නේ නෑ. වට රවුමේ යනවා. උඩටම නඟින්නේ නෑ. තාප්පෙන් මෙහා. තව එනවා මහත්තයා පිච්ච මල් සුවඳක්. කොහෙන් එනවද දන්නේ නෑ. දවල්ටත් ඒක නම් එනවා. අපි උඩට ගිහින් බැලුවට හඳුන්කූරුවත් පත්තු කරලද කියලා. එහෙම නෑ. කවුරු පත්තු කරන්නද? හරි පුදුමයි. එක එක පැත්තට සුවඳ වෙනයි.
කීයට විතරද එහෙම සුවඳ එන්නේ…
උදේට හවසට තමයි වැඩියෙන් එන්නේ.
පුවත්පත් ලිපි ඇසුරෙනි
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
![ශ්රී ලාංකේය ළමා ගායන අභිෂේකය Hiru Kids Star - Season 01 තරඟයට අයදුම්කළ තරගකරුවන්, Audition සඳහා මුහුණ අවස්ථාවන්.. [Photo Album]](https://gossip.hirufm.lk/data/photo-gallery/2900-zwj-hiru-kids-star-season-01-audition-photo-album/thumb_hiru-kids-star-thum.jpg "ශ්රී ලාංකේය ළමා ගායන අභිෂේකය Hiru Kids Star - Season 01 තරඟයට අයදුම්කළ තරගකරුවන්, Audition සඳහා මුහුණ අවස්ථාවන්.. [Photo Album]")
![මහ ජන ගඟක් මැදින් උපන් ගමට සෙන්දු වූ Hiru Star - Season 04 සුපිරි තරුව, චමෝද් කවිෂ්කට උපන් ගමෙන් ලැබුණු උණුසුම් ප්රේක්ෂක ප්රතිචාර.. [Photo Album 02]](https://gossip.hirufm.lk/data/photo-gallery/2899-hiru-star-season-04-zwj-photo-album-02/thumb_final.jpg "මහ ජන ගඟක් මැදින් උපන් ගමට සෙන්දු වූ Hiru Star - Season 04 සුපිරි තරුව, චමෝද් කවිෂ්කට උපන් ගමෙන් ලැබුණු උණුසුම් ප්රේක්ෂක ප්රතිචාර.. [Photo Album 02]")
![මහ ජන ගඟක් මැදින් උපන් ගමට සෙන්දු වූ Hiru Star - Season 04 සුපිරි තරුව, චමෝද් කවිෂ්කට උපන් ගමෙන් ලැබුණු උණුසුම් ප්රේක්ෂක ප්රතිචාර.. [Photo Album]](https://gossip.hirufm.lk/data/photo-gallery/2898-hiru-star-season-04-zwj-photo-album/thumb_hfdfgg.jpg "මහ ජන ගඟක් මැදින් උපන් ගමට සෙන්දු වූ Hiru Star - Season 04 සුපිරි තරුව, චමෝද් කවිෂ්කට උපන් ගමෙන් ලැබුණු උණුසුම් ප්රේක්ෂක ප්රතිචාර.. [Photo Album]")
![Hiru Star - Season 04 | Grand Finale 360°ක සිලින්ඩරාකාර අති දැවැන්ත වීඩියෝ ප්රාකාරයකින් වටවූ අවසන් මහා සංග්රාමයේ උත්කර්ෂවත් අවස්ථාව.. [Photo Album 02]](https://gossip.hirufm.lk/data/photo-gallery/2897-hiru-star-season-04-grand-finale-360deg-zwj-photo-album-02/thumb_final.jpg "Hiru Star - Season 04 | Grand Finale 360°ක සිලින්ඩරාකාර අති දැවැන්ත වීඩියෝ ප්රාකාරයකින් වටවූ අවසන් මහා සංග්රාමයේ උත්කර්ෂවත් අවස්ථාව.. [Photo Album 02]")
![ජනකාන්ත සිහින තරු 28ක් නර්තන සහයකයින් 28ක් සමඟ, Hiru Mega Star Season 04 | GRAND PREMIERE වර්ණවත් වූ හැටි...[Photo Album]](https://gossip.hirufm.lk/data/photo-gallery/2896-28-hiru-mega-star-season-04-grand-premiere-photo-album/thumb_hiru-mega-star-banner.jpg "ජනකාන්ත සිහින තරු 28ක් නර්තන සහයකයින් 28ක් සමඟ, Hiru Mega Star Season 04 | GRAND PREMIERE වර්ණවත් වූ හැටි...[Photo Album]")
![Hiru Star - Season 04 අවසන් රාත්රියට තේරුණු දංකොටුව, ශිවන්ත ආශ්ට උපන් ගමෙන් ලැබුණු හරසර... [Photo Album]](https://gossip.hirufm.lk/data/photo-gallery/2893-hiru-star-season-04-zwj-photo-album/thumb_hiru-star-banner-2nd-round.jpg "Hiru Star - Season 04 අවසන් රාත්රියට තේරුණු දංකොටුව, ශිවන්ත ආශ්ට උපන් ගමෙන් ලැබුණු හරසර... [Photo Album]")
![Hiru Star - Season 04 අවසන් රාත්රියට තේරුණු ගම්පහ, නේසර සෙනෙවිරත්නට උපන් ගමෙන් ලැබුණු හරසර...[Photo Album]](https://gossip.hirufm.lk/data/photo-gallery/2892-hiru-star-season-04-zwj-photo-album/thumb_hiru-star-banner-2nd-round.jpg "Hiru Star - Season 04 අවසන් රාත්රියට තේරුණු ගම්පහ, නේසර සෙනෙවිරත්නට උපන් ගමෙන් ලැබුණු හරසර...[Photo Album]")
![Hiru Star - Season 04 අවසන් රාත්රියට තේරුණු මහනුවර, අශාන් කපුගෙදරට උපන් ගමෙන් ලැබුණු හරසර... [Photo Album]](https://gossip.hirufm.lk/data/photo-gallery/2891-hiru-star-season-04-zwj-photo-album/thumb_hiru-star-banner-2nd-round.jpg "Hiru Star - Season 04 අවසන් රාත්රියට තේරුණු මහනුවර, අශාන් කපුගෙදරට උපන් ගමෙන් ලැබුණු හරසර... [Photo Album]")
![Hiru Star - Season 04 අවසන් රාත්රියට තේරුණු අනුරාධපුරයේ, චමෝද් කවිෂ්කට උපන් ගමෙන් ලැබුණු හරසර... [Photo Album]](https://gossip.hirufm.lk/data/photo-gallery/2890-hiru-star-season-04-zwj-photo-album/thumb_hiru-star-banner-2nd-round.jpg "Hiru Star - Season 04 අවසන් රාත්රියට තේරුණු අනුරාධපුරයේ, චමෝද් කවිෂ්කට උපන් ගමෙන් ලැබුණු හරසර... [Photo Album]")
![Hiru Star - Season 04 | TICKET TO FINALE සිව්වැනි වරම අනුරාධපුරයේ, චමෝද් කවිෂ්ක හිමිකරගනියි. - මහ පොළොවේ ජීවිත අහස උසට ඔසවා තබන සජීවී ගැයුම් උන්මාදය Hiru Star - Season 04 අවසන් 03 දෙනාගෙන් හැඩ වුණු හැටි... [Photo Album]](https://gossip.hirufm.lk/data/photo-gallery/2889-hiru-star-season-04-ticket-to-finale-03-photo-album/thumb_hiru-star-banner-2nd-round.jpg "Hiru Star - Season 04 | TICKET TO FINALE සිව්වැනි වරම අනුරාධපුරයේ, චමෝද් කවිෂ්ක හිමිකරගනියි. - මහ පොළොවේ ජීවිත අහස උසට ඔසවා තබන සජීවී ගැයුම් උන්මාදය Hiru Star - Season 04 අවසන් 03 දෙනාගෙන් හැඩ වුණු හැටි... [Photo Album]")
![Hiru Star - Season 04 | TICKET TO FINALE තෙවැනි වරම මහනුවර, අශාන් කපුගෙදර හිමිකරගනියි. - මහ පොළොවේ ජීවිත අහස උසට ඔසවා තබන සජීවී ගැයුම් උන්මාදය Hiru Star - Season 04 අවසන් 04 දෙනාගෙන් හැඩ වුණු හැටි... [Photo Album]](https://gossip.hirufm.lk/data/photo-gallery/2888-hiru-star-season-04-ticket-to-finale-photo-album/thumb_hiru-star-banner-2nd-round.jpg "Hiru Star - Season 04 | TICKET TO FINALE තෙවැනි වරම මහනුවර, අශාන් කපුගෙදර හිමිකරගනියි. - මහ පොළොවේ ජීවිත අහස උසට ඔසවා තබන සජීවී ගැයුම් උන්මාදය Hiru Star - Season 04 අවසන් 04 දෙනාගෙන් හැඩ වුණු හැටි... [Photo Album]")
![Hiru Star - Season 04 | TICKET TO FINALE දෙවැනි වරම දංකොටුව, ශිවන්ත ආශ් හිමිකරගනියි. - මහ පොළොවේ ජීවිත අහස උසට ඔසවා තබන සජීවී ගැයුම් උන්මාදය Hiru Star - Season 04 අවසන් 05 දෙනාගෙන් හැඩ වුණු හැටි... [Photo Album]](https://gossip.hirufm.lk/data/photo-gallery/2887-hiru-star-season-04-ticket-to-finale-05-photo-album/thumb_shiwa.jpg "Hiru Star - Season 04 | TICKET TO FINALE දෙවැනි වරම දංකොටුව, ශිවන්ත ආශ් හිමිකරගනියි. - මහ පොළොවේ ජීවිත අහස උසට ඔසවා තබන සජීවී ගැයුම් උන්මාදය Hiru Star - Season 04 අවසන් 05 දෙනාගෙන් හැඩ වුණු හැටි... [Photo Album]")
![Hiru Star - Season 04 | TICKET TO FINALE පළමු වරම ගම්පහ, නේසර සෙනෙවිරත්න හිමිකරගනියි. - මහ පොළොවේ ජීවිත අහස උසට ඔසවා තබන සජීවී ගැයුම් උන්මාදය Hiru Star - Season 04 අවසන් 06 දෙනාගෙන් හැඩ වුණු හැටි... [Photo Album]](https://gossip.hirufm.lk/data/photo-gallery/2886-hiru-star-season-04-ticket-to-finale-06-photo-album/thumb_ticket-1.jpg "Hiru Star - Season 04 | TICKET TO FINALE පළමු වරම ගම්පහ, නේසර සෙනෙවිරත්න හිමිකරගනියි. - මහ පොළොවේ ජීවිත අහස උසට ඔසවා තබන සජීවී ගැයුම් උන්මාදය Hiru Star - Season 04 අවසන් 06 දෙනාගෙන් හැඩ වුණු හැටි... [Photo Album]")
![ජනකාන්ත ජනප්රිය කලා තරු රැසක් පායන, 31 රෑ ටෙලිවිෂන් ප්රාතිහාර්යය - “ හිරු සිහින රැයක් ” වර්ණවත් වෙන්නේ මෙහෙමයි... [Photo Album 02]](https://gossip.hirufm.lk/data/photo-gallery/2885-zwj-31-ldquo-rdquo-photo-album-02/thumb_hiru-sihina-rayak-2.jpg "ජනකාන්ත ජනප්රිය කලා තරු රැසක් පායන, 31 රෑ ටෙලිවිෂන් ප්රාතිහාර්යය - “ හිරු සිහින රැයක් ” වර්ණවත් වෙන්නේ මෙහෙමයි... [Photo Album 02]")
![ජනකාන්ත ජනප්රිය කලා තරු රැසක් පායන, 31 රෑ ටෙලිවිෂන් ප්රාතිහාර්යය - “ හිරු සිහින රැයක් ” වර්ණවත් වෙන්නේ මෙහෙමයි... [Photo Album]](https://gossip.hirufm.lk/data/photo-gallery/2884-zwj-31-ldquo-rdquo-photo-album/thumb_sihina-rayak-1.jpg "ජනකාන්ත ජනප්රිය කලා තරු රැසක් පායන, 31 රෑ ටෙලිවිෂන් ප්රාතිහාර්යය - “ හිරු සිහින රැයක් ” වර්ණවත් වෙන්නේ මෙහෙමයි... [Photo Album]")
