යුධ හමුදා සාජන් මේජර්වරයෙකුගේ තුන්වැනි බිරිඳ විසින් මේජර්වරයාගේ දෙවැනි බිරිඳට ගාල්ල කොටුවේදී ඊයේ (27) තුවාල සිදු කර ඇතැයි වාර්තා වෙනවා. මෙසේ බරපතළ තුවාල ලබා ඇත්තේ 37 හැවිරිදි තිදරු මවක් බව පොලිසිය පවසනවා.
මෙම යුධ හමුදා නිලධාරියා පළමුව නුවර ප්රදේශයෙන් කාන්තාවක් විවාහ කරගෙන ටික කලකින් ඇය අතහැර දමා දෙවැනිවරත් විවාහයක් සිදුකරගෙන තිබෙනවා.
එසේ විවාහ කරගෙන ඇත්තේ තුවාල ලැබු කාන්තාවයි. ඔහුට පළමු විවාහයෙන් දරුවන් නොමැති අතර දෙවනි විවාහයෙන් දරුවන් තිදෙනෙක් සිටිනවා.
මේ අතර මෙම හමුදා නිලධාරියා දෙවැනි විවාහයද අතහැර දමා තුන්වැනිවරට සැකකාරිය සමඟ විවාහ වී ඇත්තේ 2013 වසරේය. ඇය පාදුක්ක ප්රදේශයේ පදිංචිකාරියක් වන අතර දරුවන් තවමත් ඇයට දරුවන් නොමැති බවටද වාර්තා වෙනවා.
මේ අතර තමා හමුවීමට ගාල්ල කොටුවට පැමිණෙන ලෙස මේජර්වරයාගේ තුන්වන බිරිඳ විසින් දෙවන බිරිඳට දුරකථන ඇමතුමක් දී ඇති අතර ඒ අනුව ඇය ගාලු කොටුවේ මාර්ග සංවර්ධන අධිකාරයේ කාර්යාලය ඉදිරිපිටට පැමිණි අවස්ථාවේ සැකකාරිය ඡායාරූප කිහිපයක් ද පෙන්වා එක්වරම අත් බෑගයේ තිබූ පිහියක් ගෙන ඇයගේ ඔලුවට බෙල්ලට සහ අත්වලට පිහියෙන් ඇනගෙන ඇනගෙන ගොස් තිබෙනවා.
සිද්ධිය සම්බන්ධයෙන් ළඳ පැමිණිල්ලකට අනුව පොලිසිය විසින් සැකකාර කාන්තාව මේ වන විට අත්අඩංගුවට ගෙන ඇති බවයි වාර්තා වෙන්නේ.