ශ්රී ලංකා නිදහස් පක්ෂය, එළඹෙන මහ මැතිවරණයේදී එක්සත් ජනතා නිදහස් සන්ධානයෙන් ඉවත්ව තනිව තරඟ කරන බවට පලවන වාර්තා අසත්ය බව ශ්රී ලංකා නිදහස් පක්ෂයේ මහ ලේකම් අනුර ප්රියදර්ශන යාපා මහතා පවසනවා.
මාධ්ය වෙත විශේෂ ප්රකාශයක් කරමින් ඔහු සදහන් කළේ ශ්රී ලංකා නිදහස් පක්ෂය නිදහස් සන්ධානයෙන් තරඟ කරන බව මේ වනවිටත් මැතිවරණ කොමසාරිස්වරයා වෙත දැනුම් දී ඇති බවයි.
මෙහිදී අදහස් දැක්වූ අනුර ප්රියදර්ශන යාපා
- ශ්රී ලංකා නිදහස් පක්ෂය සන්ධානයේ ප්රධානතම දේශපාලන පක්ෂය. ශ්රී ලංකා නිදහස් පක්ෂය සන්ධානයෙන් තරග කරන බව මැතිවරණ කොමසාරිස්වරයාටත් අපි දන්වලා තියෙන්නේ. ඒ අනුව ශ්රී ලංකා නිදහස් පක්සය සියලුම අනෙකුත් පක්ෂ සමග එකතුවෙලා එක ලැයිස්තුවක් යටතේ තරග වැදීමට තමයි සූදානම්වෙලා ඉන්නේ. මං දැක්කා සමහර වෙබ් අඩවිවල විවිධාකාර අසත්ය තොරතුරු නිර්මාණය වෙනවා. ඒ තොරතුරු සම්පූර්ණයෙන්ම අසත්යයි. ඒවායෙන් බලාපොරොත්තු අරමුණ මොකක්ද කියල මම දන්නේ නැහැ. නමුත් ශ්රී ලංකා නිදහස් පක්ෂයේ මහ ලේකම් හැටියට මට කියන්න පුළුවන් වෙන්නේ අපි සියලුම දෙනා සන්ධාන ලැයිස්තුවෙන් තරග කිරීම සදහා අවශ්ය කටයුතු සූදානම්කරගෙන යන බවයි.