දිවංගත හිටපු ජනාධිපති රණසිංහ ප්රේමදාස මහතාගේ 22වැනි ගුණ සමරුව අදට (1) යෙදී තිබෙනවා.
ලෝක කම්කරු දිනය සමරමින් මැයි පෙළපාලියේ ගමන් ගනිමින් සිටිය දී එල්.ටී.ටී.ඊ. මරාගෙන මැරෙන බෝම්බ ප්රහාරයක් එල්ල වීමෙන් ප්රේමදාස මහතා දිවි මගෙන් සමු ගත්තේ 1993 වසරේ දී.
පීඩිත පන්තියේ පවුලක ඉපිද රජ මැදුරට ගිය ප්රේමදාසයන් ජනසවිය සහ උදාගම් ව්යාපාරය අරඹමින් කළ මෙහෙය අදත් ලක්ෂ සංඛ්යාත ජනතාවක් සිහිපත් කරන්නේ මහත් බැතියෙන්.
දරුවන් සහ ඥතීන් පිරිවරාගත් ලෝකයක් ඔහුට නොතිබූ අතර තමාගේ ගම් පළාත පමණක් අන් හැම තැනකටම වඩා උදාරය යන පටු අදහස ඔහු තුළ නොතිබූ බව ප්රසිද්ධ කරුණක්.
රට හදන්නට නම් ගම හැදිය යුතු බව නිතර පැවසූ ඔහු වැඩ කරන්නට කැමති අයට දුන් පළමු උපදේශය වූයේ මිනිසුන් අතරට යන්න, ඔවුන්ගෙන් ඉගෙන ගන්න යන්නයි.
කොළඹ අතහැර, මෙරටේ දුෂ්කරම කලාපය වූ හම්බන්තොට දිළිඳු ජනතාව අතරට ගොස් එතැනින් පටන්ගෙන දේශපාලනය කරන ලෙස සජිත් ප්රේමදාස පුතුට උපදෙස් දුන්නේ ද ඔහුයි.
පවූල් දේශපාලනය පිළිබඳ එදා අපට අසන්නට නොලැබුණේ ඒ නිසායි.
ප්රේමදාස යුගයේ සිදු වූ බොහොමයක් ව්යාපෘති මිනිසුන්ගේ ජීවිතවලට දැනෙන, බලපෑමක් සිදුවූ දේශපාලනීකරණය නොවූ ව්යාපෘති වුණා.
ජනසවිය ව්යාපාරය, ජනසවිය භාරකාර අරමුදල නම් ව්යවස්ථාපිත අරමුදල මගින් විධිමත්ව පාලනය වූ දේශපාලනයෙන් තොර වූ ජනහිතකාමී ව්යාපෘතියක් ලෙස පවත්වා ගැනීමට ඔහුට සමත්කම් දැක්වුවා.
උසස් අධ්යාපනයක් නොලද තරුණියන් මෙරට ශ්රම බළකායේ කැපීපෙනෙන මට්ටමක සිටින බව තේරුම්ගත් ඔහු ඇඟලුම් කම්හල් සිය ගණනක් පිහිට වනු ලැබුවා.
එමෙන්ම,ජාතියට අමතකව තිබූ යුගයක් අවදි කළ වියපත් ටවර්හෝල් කලා ශිල්පීන් වෙනුවෙන් කළ වැඩ කොටසද විශිෂ්ටයි.
දිවංගත ජනාධිපති රණසිංහ ප්රේමදාස මහතාගේ විසිදෙවැනි ගුණසමරු වැඩසටහන අද (1) පෙරවරුවේ කොළඹ අලුත්කඩේ, ප්රේමදාස පිළිරුව අසළ දී පැවැත්වුණා.