ඇගේ පෙම්වතා වූ බොරින් ජොන්සන් කොරෝනා නිසා හුදකලා වීමෙන් පසුව ඇයට ද එහි ගොදුරක් වන්නට සිදුවූ බව ඇය සඳහන් කර තිබෙනවා.
කැරී සිමන්ඩ්ස් සිය ට්විටර් ගිණුමේ මේ පිළිබඳව සඳහන් කර ඇති අතර, දින හතක විවේකයෙන් පසු, ශක්තිමත් බවක් දැනෙන බව ඇය පවසනවා.
එක්සත් රාජධානියේ 41, 903ක පිරිසක් මේ වන විට කොරෝනා ආසාදිතයින් ලෙස හඳුනාගෙන ඇති අතර එරටින් වාර්තා වන මරණ සංඛ්යාව 4,313ක්.
කෙසේ වෙතත්, සෞඛ්ය අමාත්ය නාඩින් ඩොරිස්, කැරී සිමන්ඩ්ස් සම්බන්ධයෙන් සමාජ මාධ්ය වෙත පණිවිඩයක් යොමු කර තිබූ අතර එහි සඳහන් වන්නේ, කැරී සමඟ තමන් කතා කළ බවත්, ඇය දැන් සුවය ලබමින් දිනෙන් දින ශක්තිමත් වෙමින් සිටින බවයි.
බොරිස් ජොන්සන් අග්රාමාත්යවරයා පරීක්ෂණයකින් පසුව නිරෝධායනයෙන් ඉවත්වීමට නියමිතව තිබුණත්, මෑතකදී වීඩියෝවක් මඟින් ඔහු සනාථ කළේ තමාට ඉහළ උෂ්ණත්වයක් පවතින බවත්, ඒ හේතුවෙන් හුදකලාව සිටීමට තීරණය කරන බවයි.
"මට සුවයක් දැණුනත්, දින හතක් හුදකලාව රැඳුණත් සුළු රෝග ලක්ෂණ කිහිපයක් තියනවා මට. මගේ ශරීර උෂ්ණත්වය තාමත් එහෙම්මමයි... ඒ නිසා රජයේ උපදෙස් පරිදි රෝග ලක්ෂණ පවතින තුරු හුදකලාව සිටීමට මම තීරණය කළා..."
55 හැවිරිදි අගමැති ජොන්සන් විවාහ දෙකකින් දික්කසාද වූ අයෙකු වන අතර පෙර විවාහ වලින් දරුවන් පස්දෙනෙකුගේ පියෙක්.
මුල් කාලයේ ජනමාධවේදියෙකු ලෙස කටයුතු කළ නිසාදෝ ඔහු ජනමාධ්ය ක්ෂෙත්රයට සම්බන්ධ පෙම්වතියන් හයක් පමණ කලින් කල විවාහ අපේක්ෂාවෙන් ඇසුරු කර තිබෙනවා.
කොරෝනා වැළඳුණ බවට දැන් ආරංචි වී තිබෙන කැරී සිමොන්ඩ්ස් ද ජනමාධ්ය පවුලකින් පැවත එන අතර ඇය එංගලන්තයේ ප්රකට 'ද ඉන්ඩිපෙන්ඩන්ට්' පුවත්පත හිමිකරුගේ මිණිපිරියක්.
බ්රිතාන්ය අගමැති ධූරය දක්වා ආ ගමනට ජොන්සන් මුල් පියවර තැබුවේ 2012 නගරාධිපති ධූරයට පත්වෙමිනුයි.
එම ඡන්ද සටනේදී ඔහුට වඩාත් උදව් කළේ කැරී සිමොන්ඩ්ස් වන අතර ඇය 2009 සිට බ්රිතාන්ය කන්සර්වෙටිව් පක්ෂයේ ක්රියාකාරිනියකද වුණා.
එම මිතුදම මත ඔවුන් සමීපව ඇසුරු කර 2018දී විවාහ ගිවසගැනීමක්ද සිදු කළ මුත් විවාහයට පිවිසුනේ නැහැ.
අගමැති ධූරය සඳහා ජොන්සන් පත්වීමේ ප්රචාරක ව්යාපාරයටද ඇයගෙන් නොමද උපකාර ලැබුණා.
පසුගිය දිනවල වාර්තාවී තිබුනේ කැරී සිමොන්ඩ්ස් ගැබිණීයක වී ඇති බවය. මේ අතරවාරයේ ඇයට කොරෝනා වෛරසය ආසාදනය වීම බ්රිතාන්ය වාසීන්ට කම්පනය ඇති කරන සිදුවීමක් බවට පත්ව තිබෙනවා.