කෙසේ වෙතත්, ඩොනල්ඩ් ට්රම්ප් ප්රකාශයක් සිදුකරමින් පවසා තිබුණේ, ඇමරිකාවේ මරණ ලක්ෂය ඉක්මවා යා හැකි බවටයි.
කොහොම වුණත්, මේ කතාව "කොරෝනා" ගැන කතාවක්ම නෙවෙයි.
ඇමරිකාවේ ජනාධිපතිතුමා නිතරම වගේ ජනතාවට සිය පණිවුඩ ලබා දෙන්නේ සිය ට්විටර් ගිණුම හරහා යි.
මේ ඇතැම් ටිව්ටර් පණිවුඩ ජනතාවගේ විවේචනවලට පවා ලක්වන අවස්ථා නැතුවාම නොවෙයි.
පසුගිය දිනෙක ට්රම්ප් සිය ට්විටර් ගිණුමේ රජ පවුලෙන් නික්මුණු හැරි කුමරු සහ සුරූපී මේගන් කුමරිය ගැන සටහනක් යොදා තිබුණා.
"මම රැජිණගේ සහ එක්සත් රාජධානියේ හොඳ මිතුරෙක් සහ මම ඔවුන්ව අගය කරනවා. ඔවුන්ගේ රජ පවුලෙන් ඉවත් වූ හැරී සහ මේගන් කැනඩාවේ ස්ථිර පදිංචියට යන බව වාර්තා වුණා. කොහොම වුණත් දැන් ඔවුන් එක්සත් ජනපදයට පැමිණ සිටියත් ඔවුන්ගේ ආරක්ෂාව වෙනුවෙන් මෙරටින් මුදල් ගෙවීමක් සිදු කරන්නේ නැහැ. එය ඔවුන් විසින් ගෙවිය යුතුයි..."
කෙසේ වෙතත් සසෙක්සස් හි ප්රකාශකයෙකු සඳහන් කර තිබුණේ මෙම යුවළට එක්සත් ජනපදයෙන් ආරක්ෂක ආධාර ඉල්ලා සිටීමට කිසිදු සැලැස්මක් නොමැති බවයි.
ජනවාරි මාසයේදී මේගන් සහ හැරී නිවේදනය කළේ රාජකීය පවුල තුළින් ඉවත්ව මූල්යමය වශයෙන් ද ඉවත් වන බවයි. (සරල තේරුම රජ පවුලෙන් නඩත්තු මුදල් බලාපොරොත්තු නොවන බව.)
ඔවුන් මාර්තු 31 වැනිදා (අද) නිල වශයෙන් රාජකාරි අවසන් කරනු ඇති.
කෙසේ වෙතත් මෙම යුවළ තම කුලී නිවසින් පිටව ගොස් එක්සත් ජනපදයට පියාසර කළේ කොරෝනා වෛරස් වසංගතය මධ්යයේ දේශසීමාව වැසීමට මොහොතකට පෙරයි.