සාමාන්ය පුද්ගලයින්ට මුඛ ආවරණ භාවිත කිරීම සඳහා නිර්දේශ නොකරන බව පවසමින් සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ වැඩබලන පොලිස්පතිවරයාට ලිපියක් යොමු කරමින් සඳහන් කර තිබෙනවා.
එහි දැක්වෙන්නේ කොරෝනා වෛරසය ආසාදනය වී ඇති බවට සැක කරන පුද්ගලයින්, ඔවුන් ළඟින් ඇසුරු කළ පුද්ගලයින් මෙන්ම රෝගීන් රැකබලාගන්නා සෞඛ්ය සේවකයින් සහ ස්වසන රෝග ලක්ෂණ පෙන්වන පුද්ගලයින් මුඛ ආවරණ පැළඳීම නිර්දේශ කරන බවයි.
එදිනෙදා ජීවන කටයුතුවල නිරතවන සාමාන්ය පුද්ගලයින් මුඛ ආවරණ පැළඳීම අවශ්ය නොවන බවත්, භාවිත කළ මුඛ ආවරණ තැන තැන බැහැර කිරීම මගින් රෝග පැතිරීමේ වැඩි අවදානමක් පවතින බවද අදාළ ලිපියේ වැඩිදුරටත් සඳහන්.
එමඟින් සෞඛ්ය සේවා අධ්යක්ෂ ජනරාල්වරයා වැඩබලන පොලිස්පතිවරයාගෙන් වැඩිදුරටත් ඉල්ලා ඇත්තේ සාමාන්ය ජනතාව මුඛ ආවරණ භාවිත නොකිරීම වරදක් ලෙස සළකා ඔවුන්ට කිසිදු හානියක් නොකරන ලෙසයි.