මේ සිද්ධිය සම්බන්ධයෙන් සැක පහළ වුණේ බ්රිජර් නම් පුද්ගලයෙක් ගැන. එවකට මෙම ඝාතනය මහත් කම්පනයක් ඇති කළ සිදුවීමක් වූ අතර දැරිය පැහැරගෙන ගොස් ඝාතනය කරන්නට ඇති බවටයි නිගමනය කෙරුණේ.
එමෙන්ම, ඇයව දූෂණයට ලක් කරන්නට ඇති බවටද සැක කෙරෙනවා.
කෙසේ වෙතත්.. වසර ගණනක් ඉපැරණී ඇගේ මරණ ගැන නවතම තොරතුරු වාර්තා කර ගැනීමට පොලිසිය සමත්ව ඇති පුවතක්, විදෙස් මාධ්ය වාර්තා කරනවා.
ඇප්රිල් ජෝන්ස් ඝාතනය කළ බව නොපිළිගත් ඝාතකයා පොලිසියට "පැටලිලි සහගත" පාපොච්චාරණයක් සිදු කර තිබුණා.
"ඇය කොහෙද කියලා මම දන්නේ නැහැ. දන්නවා නම් මම ඔබට කියන්නම්..." යනුවෙන් ඔහු පොලිසිය හමුවේ ප්රකාශ කර ඇති බව සඳහන්.
බ්රිජර් නම් ඝාතකයා මුලින් කියා ඇත්තේ ඇය මිතුරෙකු සමඟ බයිසිකල් පදවමින් සිටියදී ඇය පසුපස දිව ගිය බවයි.
ඒ මොහොතේ තමා බීමතින් සිටි බවත් ඔහු පවසා තිබෙනවා.
පටිගත කිරීමේදී මෙම ඝාතකයා පොලිසියට බොරු කියමින් "හඬා" ඇති බව වාර්තා වනවා.
"අවංකවම ඇය ඉන්න තැන දැන හිටියා නම් මම ඔබට කියනවා..."
කෙසේ වෙතත්, පළමු සම්මුඛ සාකච්ඡාවේදීම බ්රිජර් ගැන පොලිසියට සැක පහළ වී තිබෙනවා. සැබැවින්ම ඔහු ඒ මොහොතේ නොහැඬු බවත්, ඔවුන් පවසනවා.
සාක්ෂිකරුවෙකුගේ නිසා අත්අඩංගුවට පත් මෙම ඝාතකයා ගැන පොලිසිය වඩාත් සැක කර අනතුරුව ඔහුගේ නිවසේ සෝදිසි කිරීමක් සිදු කර තිබෙනවා. බ්රිජර්, මෙම ඝාතනය සිදු කළ බවට ඔහුගේ නිවසේ සිදුකළ සෝදිසි කිරීම්වලින් තහවුරු වී තිබෙනවා.
පොලිසිය විසින් ඔහුගේ ලැප්ටොප් පරිගණකගේ තිබී කුඩා ළමුන්ගේ අසභ්ය පින්තූර සොයාගෙන ඇති අතර ඔහුගේ නාන කාමරයේ බිත්ති පුරා ලේ වැගීරි තිබුණා.
එවන් දේ හසුව ඇතත්, ඔහු තවමත් පස් හැවිරිදි දැරිය තමන් විසින් ඝාතනය නොකළ බවම පුන පුනා පවසනවා.
කෙසේ වෙතත් දැරියගේ අස්ථි කොටස් හමුවී තිබීම මෙම නඩුව ඉදිරියට ගෙන යාමට පහසුවක් වුණා.
පසුව සැකකරුට 2013 මැයි 30 වැනි දින තෙක් ජීවිතාන්තය දක්වා සිරදඬුවම් නියම කෙරුණා.
මෙම සිදුවීම නැවත කරළියට පැමිණෙන්නේ පොලිසිය විසින් ඝාතකයා සිදුකළ පාපොච්චාරණය ඇතුළත් වීඩියෝවක් නිකුත් කර ඇති නිසාවෙනුයි.
එහි, ඝාතකයා විසින් "බොරු කී" ආකාරය ඇතුළත් වන අතර ඝාතකයාව පොලිසිය විසින් කොටු කරගත් "මෙහෙයුම"ද මෙම වාර්තාමය වැඩසටහනට ඇතුළත් බව විදෙස් මාධ්ය වාර්තා කරනවා.
(විදෙස් මාධ්ය ඇසුරිනි.)පහත ඡායාරූපවල ඇප්රිල් ජෝන්ස් දැරිය, ඇයව අවසන් ගමන් යැවූ ඝාතකයා, ඝාතකයාගෙන් ප්රශ්න කළ ස්ථානය එමෙන්ම, ඇගේ මව හඬා වැටෙන අයුරු දැක්වෙනවා... VIDEO