ආණ්ඩුවට සහ සෞඛ්ය බලධාරීන්ට පාලනය කළ හැක්කේ ඔවුන්ට පාලනය කළ හැකි දේ පමණයි. අප කළ යුත්තේ පරිස්සම් සහගතව නිවසට වී සිටීමයි. මේක භයානක තත්ත්වයක්. ජනතාවනි, ඒ නිසා කරුණාකර සියළුම හමුවීම්, විනෝද ගමන්, ක්රියාකාරකම් නවත්වන්න.
සමාජ මාධ්ය ඔස්සේ ශ්රී ලංකා එක්දින සහ ටෙස්ට් නායක දිමුත් කරුණාරත්න සටහනක් තබමින් ප්රකාශ කරන්නේ COVID 19 වෛරසය සාමාන්යයෙන් එළිමහනට යන අප සැවොම සැලකිලිමත් විය යුතුය.මූලික සනීපාරක්ෂාව සහ දැනුවත්භාවය නිසැකවම අප සෑම කෙනෙකුටම උපකාරවනු ඇත.එබැවින් නිරතුරු ඔබේ දෑත් -සනීපාරක්ෂක ද්රව්ය යොදා සෝදන්න.ආරක්ෂිතව,සන්සුන්ව හා ප්රවේශමෙන් සිටින්න යන්නයි.
මේ අතර හිටපු නායක ඇන්ජලෝ මැතිව්ස් මේ දිනවලදී සමාජ මාධ්ය ඔස්සේ සංසරණය වන කොරෝනා රෝගීන්ට ප්රතිකාර කරන වෛද්ය කාර්ය මණ්ඩලයක් නිකුත් කර තිබු '' WE STAY HERE FOR YOU.. PLEASE STAY HOME FOR US '' යන ජායාරුපය පිලිබඳ සටහනක් තබා තිබුනේ මෙලෙසින්.
ප්රබල පණිවිඩයකි කාරුණිකව සවන් දි එය පිලිපදින්න මිත්රවරුනි . අපි ඔවුන්ට සහ අනෙක් සියලුම රට වාසින්ට කරන මහත් උපකාරයකි.
ඇන්ජලෝ මැතිව්ස් -ක්රිකට් ක්රීඩක
"රටට සහ ලෝකයට ඉතාමත්ම භයානක විදියට මේ කොරෝනා වෛරසය දැන් ඇතුල්වෙලා තියෙනවා. ඒ දේ මර්දනය කරන්න නම් අපි අපේ උපරිම සහයෝගය ත්රිවිධ හමුදාවට, රජයට,සෞඛ්ය සේවාවට , පොලිසියට අපි ලබා දිය යුතුයි. ඒ සියලුම අංශ දිවා රෑ නොබලා ඔවුන්ගේ ජිවිත ගැනත් නොබලා තමයි මේ අපි හැම දෙන්නාටම උදව් කරන්න ලෑස්ති වෙලා ඉන්නේ. අපි ඒ ගොල්ලන්වත් රැකගන්න ඕනෑ.. ආරක්ෂා කරන්න ඕනෑ... සියලුම දෙනාම එක්වෙමු..."
චමරී අතපත්තු -නායිකා ශ්රී ලංකා ක්රිකට් කණ්ඩායම
"ශ්රී ලාංකීය පුරවැසියන් හැටියට මේ වෙලාවේ වගකීම් යුත්තව කටයුතු කරමින් අනුගමනය කරන්න ඕන සියලුම දේ හරියාකාරව අනුගමනය කරමින් ලංකාව කොරෝනාවලින් තොර දේශයක් කරන්න ඔබ සියලු දෙනාගේම සහයෝගය ලබාදෙන්න..."VIDEO
තිසර පෙරේරා - ක්රිකට් ක්රීඩක
"අපි වගේම අන් අයගේ ආරක්ෂාව සඳහාත් අපි පුළුවන් අන්දමින් උදව් කරන්න ඕනෑ. ත්රිවිධ හමුදාව විශේෂයෙන්ම ඒගොල්ලන්ගේ ජීවිත ගැනවත් හිතන්නේ නැතිව මේවගේ අවස්ථාවක රට වෙනුවෙන් ඒ ගොල්ලෝ මේ සියලු දේ කරන්නේ. කොරෝනා රෝගය මැඩ පැවැත්වීමට නම් අපි මේ හැම දේකටම උදව් කරන්න ඕනෑ. අපි සියලු දෙනාම උදව් කරමු. අපේ රට වෙනුවෙන්..."VIDEO
කුමාර සංගක්කාර - ක්රිකට් ක්රීඩක
"ඔවුන්ගේ සියලු අවවාද, ක්රමවේද අපි හරියටම පිළිපඳින්න ඕනි. අතවශ්යම දේකට ඇරෙන්න නිවසින් එළියට යන්න එපා. එහෙම ගියොත් වෛරසය පැතිරීම සීඝ්රයෙන් සිදුවන්න පුළුවන්. මේකට විශේෂයෙන්ම කලබල වෙන්න දෙයක් නෑ. ඒත් අපි වගකීමෙන් කටයුතු කරන්න ඕනි.."VIDEO