Ellen DeGeneres කියන්නේ මුළු ලෝකයම වසගයට ගත් රූපවාහිණි නිවේදිකාවක්. ඒ වගේම විනෝදාස්වාදය සපයන්නියක්. තවත් විටෙක නිලියක්. ඒ විතරක් නෙමෙයි පද රචිකාවියක්. ඇය මෙහෙයවන වැඩසටහන් වලට සම්බන්ධ වෙන්න ඇමරිකාවේ බොහෝ තරු සිහින දකිනවා. මේ කියන්න යන්නේ කිසිම මොහොතක එවැනි වැඩසටහනකට සම්බන්ධ වෙන්න පුළුවන්කමක් තිබේ යැයි සිහිනෙන්වත් නොසිතු කෙනෙක් ගැන කියන්නයි.
ඇය වසර 15ක් තිස්සේ විවාහ මංගල්ය, වගේම උත්සවවල ගීත ගායනා කරන ගායිකාවක්. Charlotte Awbery කියලා. ඇය ඇයගේ මිතුරියක් මුණගැසීමේ අරමුණින් ගමන් කරමින් සිටියදී තරුණයෙක් මයිකෆෝනයක් ඇය දෙසට යොමු කරමින් Lady Gaga හා Bradley Cooper විසින් ගයන Tell me something girl ගීතයේ කොටසක් ගායනා කරනවා. Tell me something girl Are you happy in this modern world? කියලා. Or do you need more? කියමින් මයිකෆොනයට ඇය ඒ ගීතයේ කොටසක් මිහිරි හඩින් ගායනා කරනවා. එම වීඩියෝව අන්තර්ජාලයේ එක මොහොතකින් අතිශය ප්රසිද්ධියට පත් වෙමින් වැඩිම පිරිසක් නැරඹු වීඩියෝව බවට පත් වෙනවා. පසුව ඇයට ප්රසංග වේදිකාවක ගීත ගායනා කිරීමට පමණක් නොව වැඩසටහන්වලත් ඇරයුම් ලැබෙනවා.
Ellen DeGeneres විසින් ඉදිරිපත් කරන වැඩසටහනකට ඇරයුම් ලැබෙන්නෙත් ඒ නිසයි. මේ වැඩසටහන අතරතුරදී ඇයට ශ්රී ලංකා මුදලින් රුපියල් ලක්ෂ 23ක් මුදලක් හිමි වෙන්නේ ඇයව පුදුමයට පත් කරමින්. ඒ වගේම ඒ මොහොතේදී නිවේදිකාව පවසනවා Charlotte Awbery ගේ ගීතය සහිත වීඩියෝව මිලියන 16ක් නැරඹා ඇති බව. ඒ මොහොතේ ඇය "මොකක් මිලියන 16ක්, මම ඒ ගැන දැනගෙන හිටියේ නැහැ.." යනුවෙන් පවසනවා. ඒ වගේම නිවේදිකාව පවසනවා ඇයගේ Instagram ගිණුමේ සිටි අනුගාමිකයින් 5,000 සිට 466,000 දක්වා ඉහල ගොස් ඇති බව. ඒ මොහොත වනතුරුත් ඇය ඒ බව නොදැන සිටි බව නිහතමානිව හා සතුටින් යුතුව පවසනවා. ඒ වගේම තමන්ට හිමි මුදල ගැන පැවසූ මොහොතේ ඇය පුදුමයට පත් වෙමින් මේ මටද කියා නිවේදිකාව සිපවැළදගැනීමට හැකිද යන්න විමසා සිටිනවා.