මාරාන්තික නව කොරෝනා වෛරසය ආසාදනයවීමෙන් මියගිය පිරිස මේ වනවිට 1115 දක්වා ඉහළ ගොස් තිබෙනවා.
ඉන් මරණ 97ක් ගත වූ පැය 24ක කාලය තුළ සිදුව ඇති අතර, වෛරසය ආසාදනය වූ බවට හඳුනා ගත් පුද්ගලයින් සංඛ්යාව ද 45,000කට අධිකයි.
මෙතෙක් කාලයක් 2019 නව කොරෝනා වෛරසය සහ කොරෝනා නිව්මෝනියව ලෙස හැඳින් වූ මෙම මාරාන්තික වෛරසය ‘‘කොවිඩ් - 19“ ලෙස හඳුන්වන බව ලෝක සෞඛ්ය සංවිධානය අද නිවේදනය කළා.
දැන් කොරෝනා වෛසරයට නව නමක් තිබෙනවා. මෙම වෛරසය හඳුන්වන්නේ ‘‘CoViD-19" ලෙසයි. Co යන කොටසින් කොරෝනා ලෙසත්, Vi යන කොටසින් වෛරසය ලෙසත්, D යන අකුරින් උවදුර ලෙසත් හැඳින්වෙනවා.
කොවිඩ් 19 ලෙස නම් කළ කොරෝනා ගණයට අයත් මෙම වෛරසය හේතුවෙන් මේ වනවිට චීනයේ පුද්ගලයින් 1113 දෙනෙක් ජීවිතක්ෂයට පත්ව ඇති අතර, ඉන් රෝගීන් 97 දෙනෙක් ගතවූ පැය 24 තුළ ජීවිතක්ෂයට පත්ව තිබෙනවා.
මේ අතර, චීනයට පසු වැඩිම ආසාදිතයන් සංඛ්යාවක් වාර්තා වන්නේ ජපානයෙන්.
ඒ, ජපානයට අයත් ඩයමන්ඩ් ප්රින්සස් මගී නෞකාවෙන් කෝවිඩ් 19 වෛරසය ආසාදනය වූ තවත් මගීන් 39 දෙනෙකු අද හමුවීමත් සමඟයි.
ඒ අනුව අදාළ මගී නෞකාවෙන් හමුවූ සමස්ත ආසාදිතයින් සංඛ්යාව 175 දක්වා ඉහළ ගොස් තිබෙනවා.
මේ අතර, චීනයේ ඇතැම් නිෂ්පාදන සමාගම් සිය දෛනික වැඩකටයුතු ආරම්භ කිරීමට පියවර ගෙන තිබෙන අයුරු විදෙස් මාධ්ය මෙලෙස වාර්තා කළා.
මේ මාර්ගයේ ගමන් කරන පුද්ගලයින්ගේ විෂබීජ විනාශ කිරීම සඳහා ස්ථාපිත විශේෂ විෂබීජ නාශක මංතීරුවක්.
චීන මාධ්ය වාර්තා කරන්නේ මෙම මංතීරුව තුළින් ගමන් කරන පුද්ගලයින්ගේ විෂබීජ 99%ක් තත්පර 20ක කාලයකින් විනාශ කර දැමීමට හැකි බවයි.
මේ අතර, සිංගප්පූරුවේ බී.බී.එස්. මූල්ය සමාගමෙන් කොරෝනා ආසාදිතයෙකු හමුවීමත් සමඟ 300 දෙනෙකුගෙන් යුත් බැංකු කාර්ය මණ්ඩලය නිවෙස් කරා යොමු කිරීමට අදාළ මූල්ය සමාගම පියවර ගෙන තිබෙනවා.
මිලියන 11කට අධික ජනකායකට වාස භූමිය වූ වූහාන් නගරය ඇතුළු ආසන්න නගර රැසක විෂබීජ විනාශ කිරීමට එරට බලධාරීන් කටයුතු කර තිබෙන අයුරු මෙලෙස දක්නට ලැබුණා.
චීන මාධ්ය වාර්තා කළේ මාරාන්තික කොවිඩ් 19 වෛරසය ආසාදනය වූ තවත් මවක් නිරෝගී දරුවෙකු බිහි කළ බවයි.
මේ අතර, පසුගිය සතියේ චීනයේ හුනාන් ප්රදේශයෙන් වාර්තා වූ කෝවිඩ් 19 වෛරසය ආසාදනය වූ සිව් මසක් වයසැති බිළිඳෙක් ප්රතිකාර ලබා සුව වී රෝහලෙන් පිටව ගියා.
මාරාන්තික වෛරසය ආසාදනය වී ප්රතිකාර ලබන රෝගීන්ගේ මානසිකත්වය ඉහළ නැංවීමට සහ මනා ශාරීරික යෝග්යතාවයකින් පවත්වා ගැනීමට ඔවුන්ව බැලේ නර්ථනයන්ට යොමු කිරීමට රෝහල් කාර්ය මණ්ඩල කටයුතු කළා.
කොවිඩ් 19 වෛරසය රෝගීන්ට ප්රතිකාර කිරීම සඳහා සිය කුඩා බිළිඳා වෙනත් නිවසක තබා යාමට සිදුවූ වෛද්යවරුන් යුවළකට ප්රදේශයේ නගර සභා නිලධාරීන් විසින් වීඩියෝ තාක්ෂණය ඔස්සේ සම්බන්ධවෙමින් දරුවාගේ තත්ත්වය මවට පහදන දර්ශන පෙළක් මේ.
දෙමව්පියන්, හෙදියන් ලෙස වූහාන් හි රෝහලක කටයුතු කිරීම හේතුවෙන් සිය කුඩා දරුවන්ව එම රෝහලේ වෛද්යවරුන් විසින් රැකබලා ගන්නා අයුරු චීන මාධ්ය මෙලෙස වාර්තා කර තිබුණා.
කෘතිම බුද්ධියෙන් බලගැන්වෙන රොබෝ යන්ත්ර මෙලෙස චීන බලධාරීන් ස්ථාපිත කර තිබෙන්නේ වෛරසයේ ශීඝ්ර ව්යාප්තිය හමුවේ මහජනතාව දැනුවත් කිරීමට සහ ඔවුන් නිරීක්ෂණයටයි.
මේ අතර, කෝවිඩ් 19 හෙවත් කොරෝනා වෛසරය ආසාදනය වූ බවට මෙරටින් වාර්තා වූ චීන කාන්තාවගේ වැඩිදුර පරීක්ෂණ සඳහා හොංකොං වෙත යැවූ ජෛව සාම්පල වාර්තාවෙන් ද ඇයට මෙම වෛරසය ආසාදනය වී තිබූ බවට තහවුරු වී තිබෙනවා.
කෙසේ වෙතත්, ඇය මේ වනවිට සුවය ලබා ජාතිත බෝවන රෝග විද්යායතනයේ රැඳී සිටින අතර, මේ වනවිට කෝවිඩ් 19න් නමැති වෛරසය වැළඳී ඇති බවට සැක කෙරෙන පුද්ගලයින් 16 දෙනෙකු රෝහල් කිහිපයක ප්රතිකාර ලබනවා.
ඉන් 10 දෙනෙකුම ප්රතිකාර ලබන්නේ ජාතිත බෝවන රෝග විද්යායතනයේයි.
VIDEO