වසර 3ක සිට ජනප්රිය පාසල්වල දැරියන් රවටා කළ දේ..
මුරපද හෝ වෙනත් දේ නාඳුනන අයට ලබාදෙන්නට එපා..
විමර්ශනවලදී තවත් තොරතුරු රැසක් එළියට එයි...
සමාජ මාධ්යයන්හි සැරිසරමින් ව්යාජ ගිණුම් සකස් කරමින් කොළඹ හා අවට ජනප්රිය පාසල් සිසු සිසුවියන් රවට්ටමින් නිරුවත් ඡායාරූප ලබාගෙන දෙස් - විදෙස් අසභ්ය වෙබ් අඩවිවලට අලෙවි කළ 21 හැවිරිදි තරුණයකු අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශය විසින් ඉකුත් 7 වැනිදා අත්අඩංගුවට ගෙන තිබෙනවා.
පරිගණක ක්ෂේත්රයට සම්බන්ධ රැකියාවක නියුක්තව සිටින සැකකරු වසර තුනකට අධික කාලයක සිට අන්තර්ජාලය හරහා කොළඹ හා අවට ජනප්රිය පාසල්වල පිරිමි ළමයින් රාත්රි කාලයේදී සමාජ ජාලා හරහා ව්යාජ ලෙස සකස් කරන ලද ගිණුම් හරහා කාන්තාවක් ලෙස හෝ පිරිමි පුද්ගලයෙකු ලෙස පෙනී සිටිමින් දරුවන් රැවටීමට ලක් කරමින් ඔවුන් බියට හා ත්රාසයට පත්කොට තර්ජනය කර ඔවුන්ගේ නිරුවත් ඡායාරූප හා වීඩියෝ ලබාගෙන පසුව ඒවා දේශීය හා විදේශීය අසභ්ය වෙඩ් අඩවි වෙත ලබාදෙන බවට විමර්ශනයේදී අනාවරණය වී තිබෙනවා.
මෙවැනි ගිණුම් හරහා සිදු කරනු ලබන ඉල්ලීම් සඳහා ප්රතිචාර නොදක්වන ලෙස මෙම ගිණුම් භාවිත කරනු ලබන දරුවන් ඇතුළු සමාජයේ සියලු ජන කොට්ඨාසවලින් පොලිසිය ඉල්ලා සිටිනවා.
තවද තමන්ගේ ජාතික හැඳුනුම්පත් භාවිත කරමින් වෙනත් පුද්ගලයන් හට සිම් කාඩ්පත් මිලදී ගෙන දීම, තමා විසින් මිලදී ගත් සිම් කාඩ්පත් මඟින් අන්තර්ජාලයේ සමාජ ජාලා වෙබ් අඩවි තුළ සකස් කරන ලද ගිණුම් හි මුරපද පිටස්තර පුද්ගලයන්ට ලබාදීම ආදී ක්රියාවන් කිසිදු අවස්ථාවක සිදුනොකළ යුතු බව දන්වා සිටිනවා.
එවැනි ක්රියා සිදුකිරීම මඟින් අපරාධකරුවන් පහසුවෙන්ම එම තොරතුරු අවභාවිත කරමින් මෙවැනි ළමා අපචාර බහුලව සිදුකර ඇති බවට විමර්ශනවලදී අනාවරණය වී තිබෙනවා.
චාමර අමරසූරිය
මව්බිම