සිය බාලවයස්කාර පාසල් පෙම්වතිය සීයාගේ නිවසට රැගෙවිත් කෙලසීමේ සිද්ධියකට සම්බන්ධවූ බව කියන බාලවයස්කාර පෙම්වතා මිහින්තලය පොලිසියේ ළමා හා කාන්තා කාර්යංශය මගින් පෙම්වතිය සමග නිවසේ සිටියදි සැකපිට අත්අඩංගුවට ගෙන තිබෙනවා.
මිහින්තලය පොලිසියේ ස්ථානාධිපතිවරයාට ලැබුණු නිර්නාමික දුරකථන ඇමතුමකට අනුව සිදුකල පරික්ෂනයකදි සිසුවිය හා සිසුවා කාමරතුල සිටියදිම ළමා හා කාන්තා පොලිස් නිලධාරින් හා නිලධාරිනියන් විසින් අත්අඩංගුවට ගෙන ඇති බවයි සදහන් වන්නේ.
සිසුවිය පාසල් නිල ඇදුම්මෙන් පෙම්වතාගේ නිවසට පැමිණ සිට ඇති අතර ඇය පාසල් වේලාවේ මිහින්තලය නගර ආසන්නයේ පිහිටි පෙම්වතාගේ නිවසට පැමිණෙන අයුරු දුටු කිසිවෙකු විසින් දුරකථන ඇමතුම ලබාදෙන්නට ඇති බවට පොලිසිය සැකකරයි.
සැකකාර බාලවයස්කාර පාසල් සිසුවා මිහින්තලය නගර ආසන්නයේ පිහිටි පාසලක ඉගෙනුම ලබන අතර ඔහු එදින විද්යාලිය අධ්යාපන කටයුතු සදහා ගොස් නැති බව පොලිසියට අනාවරණයවි ඇති බවත් සදහන්.
සැකකාර සිසුවා ඔහුගේ සියාගේ නිවසේ පදිංචි වි පාසල් යන බවත් එදින සීයා නිවසින් බැහැරවු අවස්ථාවේ සිද්ධිය සිදුව තිබෙන බවත් පාසල් සිසුවිය පෙම්වතාගේ කීමට අනුව පාසල් නිල ඇදුමෙන්ම එහි ගොස් තිබෙන බව පොලිසිය අනාවරණය කරගෙන තිබෙනවා.
පොලිස් අත්අඩංගුවට ගත් දෙදෙනා අතර වසර හතරක පමණ පාසල් ප්රේමයක් තිබි ඇති බව පොලිසිය අනාවරණය කරගෙන තිබුණු අතර සිද්ධියෙන් පසුව සිසුවිය හා සිසුවා අත්අඩංගුවට ගෙන ඒ පිළිබදව දෙමාපියන්ට දැන්විමට පොලිසිය කටයුතු කර තිබෙනවා. පොලිස් බාරයටගත් බාලවයස්කාර සිසුවිය සිසුවා අතින් දූෂණයට ලක්වි ඇත්ද යන්න අනාවරණය කර ගැනිමට පොලිසිය විසින් සිසුවිය අනුරාධපුර ශික්ෂන රෝහලේ අධිකරණ වෛද්යවරයා වෙත ඉදිරිපත්කර ඇති අතර එහිදි සිසුවිය පෙම්වතා අතින් දූෂණයට ලක්වි ඇති බව වෛද්යවරයා විසින් අනාවරණය කර තිබුණ අතර අත්අඩංගුවට ගත් 16 හැවිරිදි පාසල් සිසුවා අනුරාධපුර මහේස්ත්රාත් අධිකරණයට ඉදිරිපත් කිරිමට නියමිතව තිබෙනවා.