Meme එකක් එහෙම නැත්තම්, දකින කෙනෙක්ට හාස්ය උපදවන විදිහේ පින්තූර කතා, මුහුණු පොතේ සැරිසරන ඔබට මේ දිනවල නම් ඇහැ ගැටෙනවා ඇති.
ඒ නිසාම Memes වලින් ඔබට මුණ ගැහෙන "චරිත කිහිපයක්" ගැන ඔබ නොදන්න කතා ටිකක් ඔබට කියන්න අපි හිතුවා.
කේන්ති ගිය පූස් තඩියා
මේ පූස් තඩියව මතකද.? මේ පූසා දැන් කොයි තරම් ජනප්රිය හාදයෙක්ද කියනවනම් මේ වෙද්දි ඔහුටම වුණු සුප්රසිද්ධ ඉන්ස්ටග්රෑම් ගිණුමක් පවා තියනවලු. ඒ විතරක් නෙවේ, චිත්රපටි ලෝකයත් ආක්රමණය කරන්න මේ "කෝපාවිශ්ඨ බළලා" සමත් වෙලා තියනවා.
හිනාවෙන වයසක හාදයා
මතකද මේ සීයාව? අමුතු විදිහට හිනාවෙන හාදයා? මෙම්ස් හුවමාරු කරන බොහෝ දෙනා මෙයාව නිතරම පාවිච්චි කරනවා. එතනින් වැදගත්ම දේ මේ මනුස්සයා හිනාවෙන්නෙ මොකක් හෝ වේදනාවක් යටපත් කරගෙන. මේ හිනාවට හිමිකම් කී සැබෑ මිනිසා නමින් ඇන්ඩ්රාස් අරටෝ. ඔහු හංගේරියානු ජාතිකයෙක් වන අතර මේ වන විට සමාජ මාධ්ය තුළ තමා ජනප්රිය වීම ගැන ඔහු ඉන්නේ හරිම සතුටින් කියලයි දැනගන්න ලැබෙන්නේ.
ඩිස්නිලන්තයට ගිය කෙල්ල
මේ චූටි කෙල්ලව මතක කාටද? අමතක වෙන්න නම් විදිහක් නෑ. මේ කෙල්ල කාටත් වඩා දැන් හරි ජනප්රියයි. ඩිස්නිලන්තයට යන බව දෙමව්පියන් පැවසූ විට සයිඩ් අයි ක්ලෝයි කියන මේ පුංචි කෙල්ලගේ ප්රතිචාරය වුණේ මේක. දැන් නම් මේ කෙල්ල හරියට ජනප්රියයි. අද වෙද්දි ක්ලොයිට හා ඇගේ සහෝදරියට වැඩි රසික පිරිසක් සිටින ඉනස්ටග්රෑම් ගිණුමකුත් තියනවා.
සාර්ථකත්වයේ සතුට
මෙයා නම් ටිකක් පරණ කොල්ලෙක්. කොටින්ම දැන් මෙයා ලොකුයි. හැබැයි අදත් එදා තරම්ම මේ රූප තහඩුව ජනප්රියයි. සැමී ග්රිනර් කියන මේ පුංචි එකා අන්තර්ජාලයේ ජනප්රිය වෙද්දි ඔහුට වයස අවුරුද්දක් පමණ වන්නට ඇති. ඔහුගේ පියාට වකුගඩු බද්ධ කිරීමක් සිදුකළ අතර මේ meme එක ඔහුගේ පියාගේ ජීවිතය බේරගත්තා හා සමාන වුණා. දැන් 13 හැවිරිදි වියේ පසුවන මේ පොඩි එකා අදත් කවුරුත් අතරේ ජනප්රිය එකෙක්.
ව්යාකූල වෙච්ච කොලු පැටියා
මෙයාව නම් දන්නේ නැහැ කියන්න එපා. මෙයා මේ වෙද්දි ලෝකයේ කෙසේ වෙතත් ලංකාවේ නම් ජනප්රිය තරුවක්. 'ගේවින්' කියන මේ පුංචි එකා මෑතකදී 9වන වියට පා තැබුවා. ඒ වගේම Meme නිසාම දැන් ඔහු ජනප්රිය ඉන්ස්ටග්රෑම් තරුවක් බවයි දැනගන්න ලැබෙන්නේ.
ගුඩ් ලක් චාලී!
මේ Meme එක අයිති ලිට්ල් මියා ටලෙරිකෝ කියන පුංචි එකිට. ඇත්තටම මේ ඇය රඟ පෑ නාට්යයක ඇය නිරූපණය කළ චරිතයක්. ඒක අවසානයේ ලෝක ප්රසිද්ධ meme එකක් බවට පත්වේවී කියලනම් ඇය හීනෙකින්වත් හිතන්න නැතුව ඇති. මේ පුංචි එකිට දැන් වයස අවුරුදු 10ක් වෙනවලු. ඒ විතරක් නෙවෙයි ඇය තාමත් රංගනයේ යෙදෙනවා.
පොඩ්ඩක් කල්පනා කරලා බලන්න
මේකත් ටිකක් නෙවෙයි හුඟක් ජනප්රිය meme එකක්. ටිකක් කල්පනාසහගතව ඉන්න මේ හාදයාගේ නම කයෝඩ් එවුමි. 80 දශකයේ රූපවාහිනි වැඩසටහනකින් එළි බැහපු කයෝඩ්ගේ මේ රූපණය බොහෝ දෙනා අතර අදටත් ජනප්රියයි වගේම විවිධ නිර්මාණශීලි පෝස්ට් සඳහා ඔහුව යොදා ගන්නවා.
විශ්මයට පත් වූ පාපන්දු ක්රීඩකයා
ටිකක් පුදුමයට පත්වෙලා ඉන්න මේ මනුස්සයාව මතක කාටද? අමතක වගක් නම් කියන්න එපා. 'නික් යන්ග්' කියන මේ වෘත්තිමය පැසිපන්දු ක්රීඩකයා තරමක් ව්යාකූල පෙනුමකින් ඡායාරූපයකට පෙනී සිටියත් ඒ අහඹුවෙන් ඔහු "හිට් එකක්" වෙයි කියලා නම් ඔහු හිතන්නවත් නැතුව ඇති.
නමක් නැති අමුතු හාදයා
ටෙන් ගයි, රීලි, ස්ටෝනර් කියන නම්වලින් හඳුන්වා දුන්නත්, මේ ඉන්න හාදයාගේ ඇත්ත නම නම් අන්තර්ජාලයේ නැහැ. කොහොම වුණත් කොයි කවුරුත් අතර ජනප්රිය මේ සිනාමුසු පුද්ගලයාගේ meme එක අදටත් අපිට දකින්න ලැබෙනවා.
කිළිටි හැඳගත් අප්රිකානු දරුවා
මෙන්න තව කෙනෙක්. බලන්න මේ දරුවාව මතක ද කියලා. meme වලින් වැඩියෙන්ම ජනප්රිය වුණු තරුව මෙයා කියලා කිව්වොත් ඔබ ඒක "නැහැ" කියන එකක් නැහැ. මොකද මේ වෙද්දිත් අන්තර්ජාල උපුටන බොහෝමයක් මේ දරුවාගේ "ජනප්රියත්වය ඉතා ඉහළ එකක්" බව සනාථ කරලා තියනවා. මේ දරුවා ඇඳ සිටින්නේ ඉතාමත්ම අපිරිසිදු ඇඳුමක්. මුලින්ම මේ ඡායාරූපය ටෙක්සාස්හි පුද්ගලයෙකු විසින් පළ කරන ලබන්නේ විනෝදජනයක අරමුණකින් වුවත්, මේ ඡායාරූප කතාව පිටුපස තියෙන්නේ නම් ඉතා ඛේදජනක කතාන්දරයක්. මෙය මේ වෙද්දි ගණන් කළ නොහැකි වාර ගණනක් අන්තර්ජාලය අස්සේ හුවමාරු වී ඇති බව සඳහන්.
හැබෑටම මේ පිරිමි ළමයා කවුද? මේ පිරිමි ළමයා ගැන මීට ඉහත BBC පුවත් සේවය වාර්තා කර තිබූ අතර ඔවුන් එහි සඳහන් කර තිබුණේ මේ දරුවාගේ අනන්යතාවයක් සොයා ගැනීමට ඔවුන් අපෝසත් වූ බවයි.
නැව ගිලුණත් බෑන් චූන්
හොඳයි! තව එක්කෙනෙක් ගැන කියන්නම්. "නැව ගිලුණත් බෑන් චූන්" කියලා කතාවක් අහලා තියනවාද? ආ හරි. මේ ඉන්න පොඩි එකි දිහා බලන්නකෝ. මේ සිද්ධිය වෙද්දි ඇයට අවුරුදු 4යි. Zoe Roth කියන මේ කෙල්ලගේ නිවස තමයි අර ගින්නෙන් දැවෙන්නේ. ඒත් ඒ ගැන නොහිතන ඇයගේ සිනාමුසු මුහුණ meme එකක් වෙන්න අමුතුවෙන් හේතු හදන්න ඕනි නෑනේ. දැන් 16 හැවිරිදි වියේ පසුවන Zoe Roth තාමත් ගිනිකෙළි මැද්දේ පින්තූර ගනිමින් සිටිනවා.
by Samitha Lakshan