එහිදී ඔහු විශේෂයෙන් ප්රකාශ කර ඇත්තේ ඉන්දියාවේ සිටින ශ්රී ලාංකීය දෙමළ සරණාගතයින්ට ද්විත්ව පුරවැසිභාවය ලබාදීමට කටයුතු කළ යුතු බවයි.
එමෙන්ම, නුදුරේදීම ශ්රී ලංකාවේ සංචාරයක නිරත වන ලෙස හිටපු ප්රධාන අමාත්ය විග්නේෂ්වරන්, රැජිණිකාන්ත් වෙතින් ඉල්ලා සිටි බව වාර්තා වනවා.
කෙසේ නමුත්, 2017 වසරේ රැජිණිකාන්ත්ගේ ශ්රී ලංකා සංචාරය එරට ශ්රී ලංකා විරෝධී දේශපාලනඥයන්ගේ බලපෑම මත අත්හිටුවීමට පියවර ගැනුණා.
මේ අතර, සිය ඉන්දීය සංචාරයේ දී උතුර පළාත් හිටපු ප්රධාන අමාත්ය සී.වී. විග්නේෂ්වරන් තමිල්නාඩුවේ දේශපාලන පක්ෂ රැසක නායකයන් හමුවූ බවයි ඉන්දියන් එක්ස්ප්රස් පුවත්පත වැඩිදුරටත් සඳහන් කළේ.
එලෙස විදුතලෙයි සිරුතයිගල් පක්ෂයේ නායක තිරුමාවලවන් මුණ ගැසුණු අවස්ථාවේදී ඔහු සඳහන් කර ඇත්තේ යුද්ධය සහ පැවති රජයන් හි දුර්වල පරිපාලනය හේතුවෙන් මිලියනයක් පමණ ශ්රී ලාංකිකයන් විවිධ රටවල රැකවරණ පතා ගොස් ඇති බවයි.
එලෙස ඉන්දියාවේ කඳවුරුවල සිටින ලක්ෂයකට අධික ශ්රී ලාංකික සරණාගතයන් නැවත මෙරටට පැමිණිය යුතු බව ද හිටපු ප්රධාන අමාත්ය විග්නේෂ්වරන් පවසා තිබෙනවා.
ඔහු වැඩිදුරටත් සඳහන් කර ඇත්තේ උතුර පළාතේ දෙමළ ජනගහනය පහත වැටෙමින් පවතින අතර ඒ හේතුවෙන් පාර්ලිමේන්තුව තුළ දෙමළ ජනතා නියෝජනය දුර්වලවීමට පටන්ගෙන ඇති බවයි.